Sacrifício

45 Bʉʼka buŋ Vaa-Woməsʉʉ kə gwè mbɔ b̈ə kə́ fɔ̀ʼ tʉ ɔŋ fɛ, ɔ nɔ gwè ndə məfɔ̀ʼ bɔŋleʼ kɔ́ məchimbi-i ndə məchʉ̀ʼ tʉ-bʉə-buŋmbi-kə."

28 haʼ ndə Vaa-Woməsʉʉ kə gwè mbɔ b̈ə kə́ fɔ̀ʼ tʉ ɔŋ fɛ, ɔ nɔ gwè ndə məfɔ̀ʼ bɔŋleʼ kɔ́ məchimbi-i ndə məchʉ̀ʼ tʉ-bʉə-buŋmbi-kə."

18 "B̈ii nyíɛ, bʉʼʉ nɔ tʉʼ kóʼ gɛ̀ Jɛlosalɛŋ, bə bɔŋ bu chɔ̀ʼhə Vaa-Woməsʉʉ kɔ́ kəghɔ-bətiefɛ̀ʼndɛŋNyii leʼnə bʉə dàhə nuʼ-Mushi, bɔ̂ŋ chʉ̀ə ŋkwɛ mbɔ b̈ə yi ɔ. 19 Bə bu leʼ chɔ̀ʼhə ɔŋ kɔ́ mu kəghɔ-bʉə ndə bɔ̂ŋ gòʼ təmə bɛ bʉə-Juu fɛ, bɔ̂ŋ dʉ̀ʉhə ɔŋ, kɛŋ gwúu ɔ bɔŋleʼ kwɛ̀ŋ ɔŋ yí, kʉ̂ʉ bɛ chîbə itia nɔ, ɔ bʉ̀nə kóʼ."

28 Bɔ̂ŋ shùɔ ndyihə-i, mɔ̀ʼ ndyi kəmbuu buuŋ mbʉə-ɔ. 29 Bɔ̂ŋ kʉ̂ʉ túŋ bɛnə nə ŋkinəŋkia, bìa kətʉ-ɔ, bə́ʼ vaakətyʉ kɔ́ kəghɔ-ɔ kwiimɔʼnə, ndʉʉmɛ bɔ̂ŋ kwíʼtə bəshʉ ɔ, dʉ̀ʉhə ɔŋ kə́ ghɔ̀ŋ mbɔ, "C̈hichi báa b̈ə yóʼ bənchəŋ, Fɔŋ-bʉə-Juu!"

46 Jiso tíi nə gyʉʉ dədə mbɔ, "Tie-ɔ, mɔ nɔ kɔ́ lyʉʉhəkə-ɔŋ mu kəghɔ-a!" Ɔ kʉ̂ʉ gìe yɔ̄ŋ-yə, yìhə ndyiʼtə-bəyihə-kə-i.

13 Ŋkʉ̂ʉbɛʼ bɛ ghɔ ndə i gʉ́ə chàa yɔ̄ŋ-yə, mbɔ ẅo kɔ́ ŋkwiitʉ-e yie-bətieŋkɔŋ-bi fɛ.

6 Bʉʼka ndʉʉ ndə bʉʼʉ kə məkwáa ŋwɔŋ-yʉʼʉ fɛ, kʉ̂ʉ bɛ ndə ndʉʉ ndə i kə kʉ̀ʼnə, Klai gwè kwú yie bʉə ndə məchimbi-yʉə gòʼ təmə kə́ kɔ́ kuŋhə tʉ Nyii fɛ.

18 bʉʼka bii nɔ kínə ntɛ chuɔŋ ndə bə kə lɔ̀ʼ ndə məchʉ̀ʼ tʉkə-i ndəŋ fia-mbunə-tə ndə bii kə lʉ̀ hə kəghɔ-bətietie-bii. Bə kə chʉʼ nə fɔbə ndə bəkɔ i byʉ́ʼ nə siliba ghɔŋ goo fɛ, 19 bɔŋ nɔ kə bɛ nə fɔbʉə-Klai-kə ndə i chyʉ́ʉ ndə i bɛ nə yi-Vaabinjyʉʉ-yə ndə ɔ gòʼ təmə kie kwɔtəkə byuunɔ cheʼkə mbʉə-ɔ fɛ.

28 Nɔ bɛ haʼ nɔ ndə bə kə fɛ̀ʼndɛŋ nə Klai vɛʼ mɔʼ tə mbi nə lìʼ ndə məfì bʉ̂ʼ-bʉə-buŋmbi-tə. Ɔ bu bʉ̀nə bìʼ gwè, təmə gwè ndə məsʉ̀ bʉ̂ʼʉ fɛ, ɔ nɔ tʉʼ gwè bə ndə məkwáa bʉə ndə bɔ̂ŋ tʉʼ kʉ̀ʼ ɔ shʉ́əshʉ́ə.

14 Kaʼ yɔ̄ŋ-yə bɛ shʉəŋ, a kwɔ̀ʼtə mbɔ fɔbʉə-Klai-kə ndə ɔ kɔ́ ŋwɔŋ-ɛŋ tʉ Nyii təmə vaakəkwɔtə chɔ fɛ tíŋ hə bɔ̌ŋ LyʉʉhəNyiikə təmə liʼ-i ghɔ fɛ bu sʉ̀ ŋkwɔʼtə-yʉʼʉ ntyʉʉ təka? I bu sʉ̀ ŋkwɔʼtə-yʉʼʉ ndəŋ fɔʼ-bʉəbʉə-tə ndə i chìi wo kwú, ndə mə-kə́-fɔ̀ʼ tʉ Nyii ndə ɔ bɛ ghɔ.

7 Bɔŋ kaʼ bʉʼʉ kə́ tòʼ mu kɛʼɛ, haʼ ndə mbəŋ-ɛŋ bɛ mu kɛʼɛ, i dʉ̀ʼ mbɔ bʉʼʉ nɔ kie njunə bʉʼʉ bəbɛʼbʉə, fɔbʉə-Jiso-Vaa-ɛ-kə sʉ̀ bʉʼʉ hə ndəŋ bʉ̂ʼtə-ʉʼʉ inchəŋ.

3 Bʉʼka mɔ nɔ kə chɔ̀ʼhə kɔ́ tʉ bii nə fəŋ fɔŋ-kənu ndə mbəŋ-ɔŋ kə kie ghɔ, mbɔ Klai la kwú bʉʼka bʉ̂ʼtə-ʉʼʉ haʼ ndə ŋwɔʼnə-Nyii kə ghɔ̀ŋ, 4 mbɔ bə la kə tyúu ɔ, mbɔ bə la kə bʉ̀nə kóʼhə ɔŋ ndəŋ chîbə itia haʼ ndə ŋwɔʼnə-Nyii kə ghɔ̀ŋ,

2 B̈ii dùʼ nə ŋkʉ̂ʉ, haʼ ndə Klai kə kʉ̀ʉ bʉʼʉ kɔ́ məchimbi-i yie bʉʼʉ, ndə i bɛ nə fɔ-fɛ̀ʼndɛŋ-jyujyu-bə, kɔkə ndə yɔ̂ʼkə-i lùŋ bʉ̀ʉ daa tʉ Nyii.

14 Ɔ nɔ kɔ́ ŋwɔŋ-ɛŋ yie-bʉʼʉ ndə məchʉ̀ʼ tʉkə-ʉʼʉ ndəŋ ntɛ-bənu-bʉəbʉə-hə inchəŋ bɔŋleʼ sʉ̀ bʉʼʉ, b̈ʉʼʉ bɛ bʉə ndə bʉʼʉ bɛ tʉ ɔŋ tətɛʼ ɔ, kə́ kie jyʉʉ ndə məfɔ̀ʼ nu-jyujyu-bə.

13 Kə a mə mɛ̀ʼtə yəŋ-mbʉə-kə-a imɔʼ, i kə́ fɔ̀ʼ tʉ bʉ̂ʼʉ fɛ. Bii nɔ kie bə ndə məkɔ́ ŋwɔŋ-yii tʉ Nyii, ndə bʉə ndə bɔ̂ŋ nɔʼ kə kwú, bə bʉ̀nə kóʼhə bɔŋ, ndə məkie məchímbi, ké ŋwɔŋ-yii tʉ ɔŋ inchəŋ ndə mə-kə́-fɔ̀ʼ nubə ndə i bɛ ndyʉndyʉ.

24 Bʉʼka wo ndə ɔ kʉ̀ʉ ndə məkwáa ŋkwiitʉ-e, bu bɛ́, bɔŋ wo ndə ɔ kɔ́ ŋkwiitʉ-e bʉʼka mɔ, bu kie ŋkwiitʉ-e.

13 B̈ii gɛ̀ kʉ́ʉ nukə ndə ŋwɔʼnə-Nyii ghɔ̀ŋ mbɔ, ‘Mɔ nɔ kʉ̀ʉ bə mbɔ b̈ii kə́ dʉ̀ʼ tʉvyiikə tʉ bəbɛʼbʉə, mɔ kʉ̀ʉ kɔ-fɛ̀ʼndɛŋ-kə fɛ.’ Bʉʼka mɔ gwè ndə mətíi bʉə ndə bɔ̂ŋ kwɔ̀ʼtə mbɔ bɔ̂ŋ bɛ ndyʉndyʉ fɛ, mɔ nɔ gwè ndə mətíi bʉə-bʉ̂ʼʉ."

32 Mbəŋ-ɛŋ ndə ɔ kə gòʼ təmə mɛ̀ʼtə yi-yə Vaa fɛ, bɔŋ kə kɔ́ ɔ mbɔ b̈ə yí ɔ ndə fɔ-fɛ̀ʼndɛŋ-kə bʉʼka bʉʼʉ bənchəŋ, ɔ kʉʉ kɔ́ fɔbə inchəŋ ghɔ bìa ndəŋ ɔŋ tʉ bʉʼʉ nə tʉʉjyu fe?

36 Ɔ ghɔ̀ŋ mbɔ, "Baba, Tie-ɔ, nubɛʼkə bɛ ghɔ ndə i chàa a fɛ. Fí ndʉ̂ʉ ŋgʉəʼ-ɔ̄ hə kəghɔ-mɔ, kə a mə fɔ̀ʼ bə ŋkʉʉnə-tʉʉ-ɔ fɛ, fɔ̀ʼ bə ya-yə ŋkʉʉnə tʉʉ."

24 Bɔŋ mbyu kənu kaa ghɔ mu nubə-ɔ̄ŋ ndə i tʉʼ fɛ̀ŋhə mɔ fɛ, təmə məchimbi-ɔ bɔŋ buŋ bɛ nubɛʼkə fɛ, yɔŋ-yə nɔ bɛ mbɔ mɔ mìʼtə fia-ɔ̄ ghɔŋbə fɔʼɔ ndə mɔ kie hə kəghɔ-Jiso Tiekətʉ, ndə məlɔ̀ʼ ntəŋjyujyu te buuŋjyu-Nyii.