45 "हुंह मणछो पूत निं एते तैणीं आथी आअ द कि कुंण मेरी च़ाकरी करे पर हुंह आसा एते तैणीं आअ द कि हुंह होरीए च़ाकरी करे अर सोभी लोगे छ़ुटकारै लै आपणैं प्राण दैए।"

28 ज़िहअ कि हुंह मणछो पूत निं एते तैणीं आथी आअ द किई कुंण मेरी च़ाकरी करे। पर हुंह आसा एते तैणीं आअ द कि हुंह होरीए च़ाकरी करूं अर सोभिए छ़ुटकारै लै आपणीं ज़ान दैंऊं।"

18 "भाल़ा, हाम्हैं च़ाल्‍लै ऐबै एरुशलेम नगरी लै अर हुंह मणछो पूत बझ़ैल़णअ बडै प्रोहत अर यहूदी शास्त्री का कैद करनै। तिन्‍नां बणाणअं मौते सज़ा दैणैं जोगी दोशी। 19 तेखअ दैणअ हुंह तिन्‍नां होरी ज़ातीए हाथै ताकि तिंयां मेरअ सुहांग-मखौल करे, कोल़ै करै च़िक्‍के अर क्रूसा दी मारी पाऐ। पर चिऊथै धैल़ै हणअ हुंह भिई ज़िऊंदअ।"

28 तेखअ खोल्हअ तिन्‍नैं ईशूओ च़ोल़अ पोर्ही संघा बन्हैऊंअ बैंज़णीं रांगो च़ोल़अ। 29 तेखअ बणाअं झ़रीलै कांडैओ मुगट संघा डाहअ ईशूए मुंडै, हाथै दैनी एक शोठी। संघा लागै तेऊ आजू ज़ान्हूं दी बेशी इहै सुहांगा करदै, "हे यहूदीए राज़ैआ, नमस्ते।"

46 तेखअ बोलअ ईशू ज़ोरै लैल़ पाई इहअ, "हे बाबा, मंऐं छ़ाडी आपणीं ज़िन्दगी तेरै आसरै।" इहअ बोली शोटै तेखअ ईशू प्राण।

13 एता का खास्सी झ़ूरी निं कोहिए आथी कि कोई आपणैं साथी लै ज़ान दैए।

6 ज़ेभै हाम्हां का ज़ोर-ज़ाहण नांईं तै आथी अर दुबल़ै तै, ठीक तैहा ई बेला मूंअ ईशू मसीहा हाम्हां पापी लै।

18,19 तम्हां का लोल़ी थोघ हुअ कि परमेशरै तम्हैं बृथा बभारा का किहअ करै बच़ाऊऐ, ज़ुंण तम्हैं आपणैं दादा-बाबा का आसा शिखल़अ द। तेऊ निं तम्हैं सुन्‍नैं अर च़ंदी ज़ेही बरैबाद हणैं आल़ी ज़ैदाता करै बच़ाऊऐ। पर परमेशरै बच़ाऊऐ तम्हैं मसीहे किम्मती लोहू करै ज़ुंण म्हारै पापा लै बल़ीदान हुअ। तेऊए मौत ती हाम्हां लै सिध्द अर शुचअ बल़ीदान ज़िहअ यहूदी सिध्द मिम्मूं करा तै बल़ीदान ज़ेथ कोई दाग अर दोश नां होए।✝

28 तिहअ ई हुअ मसीहा बी हरेकी मणछे पाप दूर करना लै बल़ीदान। सह एछणअ एकी बारी भिई तिन्‍नां बच़ाऊंदअ फिरी ज़ुंण तेऊ न्हैल़ै भाल़ै आसा लागै दै नां कि पापे तैणीं भिई बल़ीदान हणां लै।✝

14 तै मसीहा ज़ुंणी आप्पू ई अमर आत्मां करै परमेशरे सम्हनै आपणअ नर्दोश लोहू बल़ीदान किअ, सह सका थारी सोर मौता बाखा निंणै आल़ै कामां का पबित्र लोहू करै शुची करी ताकि तम्हैं ज़िऊंदै परमेशरे च़ाकरी करी सके।

7 पर ज़िहअ परमेशर प्रैश्शअ आसा, ज़ै तिहै ई हाम्हैं बी प्रैश्शै दी हांढे, तै हआ म्हारी एकी-दुजै संघै साझ़ अर तेऊए पूत मसीहा ईशूओ लोहू करा हाम्हां सोभी पापा का शुचै।✝

3 तैही खोज़अ मंऐं सह सोभी का ज़रूरी समाद तम्हां का ज़ुंण प्रभू ईशू मसीहा का भेटअ। सह समाद आसा इहअ कि ईशू मूंअ म्हारै पाप माफ करना लै ज़िहअ तेऊए बारै पबित्र शास्त्रा दी लिखअ द बी आसा। 4 सह दाबअ अर पबित्र शास्त्रे साबै हुअ चिऐ धैल़ै ज़िऊंदअ बी। ✝

2 आपणीं ज़िन्दगी ज़िऊआ होरी लै झ़ूरी करी, ज़ेही मसीहा हाम्हां लै झ़ूरी किई ज़ुंण आप्पू ई थारै पाप दूर करना लै बल़ीदान हुअ। परमेशर त खुश किल्हैकि सह बल़ीदान त तेऊ लै खुशबूदार तेला ज़िहअ।✝

14 तेऊ मसीहा दैनी म्हारी तैणीं आपणीं ज़िन्दगी, ताकि सह हाम्हां म्हारै सोभी पापा का छ़ुटकारअ करी अर हाम्हां शुचै करे ताकि हाम्हैं तेऊए आपणैं खास लोग होए। ज़ुंण भलै ई भलै काम च़ाहा करनै।✝

13 नां आपणीं देहीए आंगा कदुष्ट कामें अस्त्र-शस्त्र बणाईं पापा लै सभाल़ा, पर आप्पू दैआ आपणीं ज़िन्दगी परमेशरा लै धर्में अस्त्र-शस्त्र बणाईं। इहअ समझ़ा कि तम्हैं आसा मूंऐं दै मांझ़ा का ज़िऊंदै हुऐ दै।

24 "किल्हैकि ज़ुंण बी ऐहा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी बरैबाद, ज़ुंण मुंह दी विश्वास करनै पिछ़ू आपणैं प्राण दैए, तेऊ भेटणीं परमेशरा संघै सदा लै ज़िन्दगी।

9 आपणीं ज़ैदात अर साल-फसला का,

बिधाता लै पैहलअ अर च़ोखअ निसब दैई करै तेऊओ अदर,

3 काम करनअ सह ज़ुंण ठीक अर भलअ आसा,

तेता करै हआ बिधाता बल़ीदाना का बी खास्सअ राज्ज़ी।

13 डेओआ संघा एछा भाल़ी कि पबित्र शास्त्रा दी किज़ै आसा लिखअ द, परमेशर बोलअ तेथ इहअ, ‘हुंह निं थारै डागै-चैणैंओ बल़ीदान च़ाहंदअ, हुंह च़ाहा इहअ कि तम्हैं झींण करे।’ किल्हैकि ज़ुंण आप्पू लै इहअ समझ़ा कि तिंयां आसा धर्मीं, तिन्‍नां शधाणूं निं हुंह आथी आअ द, पर हुंह आसा तिन्‍नां लै आअ द ज़ुंण इहअ समझ़ा कि तिंयां आसा पापी।"*होश. 6:6

9 पर मुंह बोल़णीं तेरअ शूकर करना लै गिह, मुंह करनअ ताल्है बल़ीदान,

मुंह करनअ तिहअ ई ज़िहअ करने मंऐं मानत आसा मनी दी।

ओ बिधाता, सह आसा तूह ई ज़ुंण हाम्हां बच़ाऊई सका।"

32 परमेशरे किई हाम्हां लै एही झींण कि ज़हा पूता संघै परमेशर सोभी का खास्सी झ़ूरी बी करा थिअ, सह बी दैनअ तेऊ हाम्हां सोभी बच़ाऊंणा लै, ज़ै परमेशर इहअ सका करी, तै सह होर सोभै गल्‍ला कै हाम्हां लै दैई निं सकदअ?

36 ए मेरै बाबा; ताखा सका सोभै गल्‍ला हई, एऊ दुखे प्रिहअ च़क मुंह सेटा का पोर्ही। पर तैबी बी ज़िहअ हुंह च़ाहा तिहअ निं लोल़ी हुअ। पर ज़िहअ तूह च़ाहा तिहअ लोल़ी हुअ।"

24 पर हुंह निं आपणैं प्राणा किछ़ै समझ़दअ कि झ़ूरी करूं, पर इहअ कि आपणीं ठुहर अर च़ाकरी पूरी करूं, ज़ुंण मुंह परमेशरे जशे खुशीए समादे शाजत दैणा लै प्रभू ईशू का आसा भेटी दी।