11 आझ़ आसा हुअ राज़ै दाबेदे नगरी बेतलेम तम्हां लै उद्धार दैणैं आल़ैओ ज़ल्म, अर अह ई आसा मसीहा पबित्र प्रभू।

6 मसीहा निं परमेशर हई बी

परमेशरा ज़िहअ हणअ आपणैं बशै डाहणें गल्‍ल समझ़ी।

7 सह बणअ होछ़अ,

मणछे देही धरी करै हुअ सह हाम्हां लै

दासे रुपै प्रगट हई मणछा ई बराबर।

पर तेभै बी त सह परमेशर ई।

8 मणछे रुपै प्रगट हई हुअ सह मानदार

अर परमेशरे हर गल्‍ला मनी मरनै तैणीं, इधी तैणीं कि ज़ुल्म करनै आल़ै ज़ेही ज़िरी तेऊ क्रूसे मौत बी।

4 बिधाता बोला इहअ, "हुंह आसा थारअ परमेशर बिधाता ज़ुंणीं तम्हैं मिसर देशा का आणै काढी। तम्हैं निं होरी देअए च़ाकरी करदै लागी। मुखा सुआई निं तम्हां कोह बच़ाऊई सकदअ।

2 सह ई आसा म्हारै पापो प्राश्त-बल़ीदान, सिधअ म्हारै ई निं पर सारै संसारे पाप माफ करना लै बी आसा सह ई।

10 झ़ूरी निं एता दी आथी कि हाम्हैं किई परमेशरा संघै झ़ूरी, पर सह आसा एता दी कि परमेशरै किई हाम्हां लै झ़ूरी अर म्हारै पापे प्राश्ते तैणीं दैनअ आपणअ पूत एऊ संसारा लै।

10 किल्हैकि हाम्हैं तै परमेशरे दुशमण अर तेऊओ पूत मूंअ म्हारी तैणीं, तैही हुअ म्हारअ परमेशरा संघै मेल़-ज़ोल़, अर अह गल्‍ल बी आसा पाक्‍की कि तेऊए ज़िऊंदै हणैं करै भेटणअ हाम्हां उद्धार।

18,19 तम्हां का लोल़ी थोघ हुअ कि परमेशरै तम्हैं बृथा बभारा का किहअ करै बच़ाऊऐ, ज़ुंण तम्हैं आपणैं दादा-बाबा का आसा शिखल़अ द। तेऊ निं तम्हैं सुन्‍नैं अर च़ंदी ज़ेही बरैबाद हणैं आल़ी ज़ैदाता करै बच़ाऊऐ। पर परमेशरै बच़ाऊऐ तम्हैं मसीहे किम्मती लोहू करै ज़ुंण म्हारै पापा लै बल़ीदान हुअ। तेऊए मौत ती हाम्हां लै सिध्द अर शुचअ बल़ीदान ज़िहअ यहूदी सिध्द मिम्मूं करा तै बल़ीदान ज़ेथ कोई दाग अर दोश नां होए।✝

7 परमेशर आसा जश अर झींण करना लै सेठ। ज़ेभै मसीहा म्हारी तैणीं आप्पू बल़ीदान हुअ, परमेशरै दैनअ हाम्हां लै मसीहे लोहू करै छ़ुटकारअ अर म्हारै पाप किऐ तेऊ माफ।

20 ऐबै आसा मेरी पराणीं ज़िन्दगी मसीहा संघै क्रूसा दी छ़ड़ाऊई दी अर ऐबै निं हुंह ज़िऊंदअ रहअ पर मसीहा आसा मुंह दी ज़िऊंदअ। हुंह ज़ुंण देही दी ऐबै ज़िऊंदअ आसा, हुंह आसा सिधअ तेऊ विश्वासा संघै ज़िऊंदअ, ज़ुंण परमेशरे पूता दी आसा, ज़ुंणी मुल्है झ़ूरी किई, अर मेरी तैणीं आपणीं ज़ान दैनी।

9 सोभी गल्‍ला दी सिध्द हई बणअ सह सोभी लै उद्धार दैणैंओ मूल़ ज़ुंण तेऊए गल्‍ला शूणां अर मना।✝

25 तैही ज़ुंण ईशू करै परमेशरा सेटा एछा, सह सका तिन्‍नों पूरअ उद्धार करी, किल्हैकि सह आसा तिन्‍नां लै अरज़ करना लै सदा ज़िऊंदअ।✝

15 तैही आसा मसीहा परमेशरा अर लोगा मांझ़ै नऊंईं करारो खणोढी, ताकि हाम्हैं ज़ुंण परमेशरै आसा शादै दै हाम्हैं तैहा बरासते साझ़ू सदा लै होए ज़ेते तेऊ करार आसा किई दी। किल्हैकि पैहली करारा दी हाम्हैं ज़ुंण पाप किऐ तै तेते सज़ा का बच़ाऊंणा लै दैनी तेऊ म्हारी तैणीं आपणीं ज़ान।

2 विश्वासा बणाणैं आल़ै अर सिध्द करनै आल़ै ईशू मसीहा दी डाहा आछी टकैल़ी। तेऊ आसा हाम्हां लै आजू खुशी डाही दी, तेता लै निं तेऊ लाज़ शरमें कोई बी परबाह किई अर क्रूसो दुख ज़िरी बेठअ परमेशरे राज़गाद्दी दी दैहणीं बाखा सोभी का बडी पदबी दी।✝

23 किल्हैकि सोभी आसा पाप किअ द अर परमेशरे प्रतप्पा का आसा सोभै दूर। 24 परमेशरै किई हाम्हां लै एही झींण कि म्हारै पाप करनैओ लिखअ-जोखअ पाअ मटाऊई बणाऐं हाम्हैं तेऊ धर्मीं। हाम्हैं निं एता लै किछ़ै किम्मत दैनी। मसीहा ईशू किअ अह काम हाम्हां लै छ़ुटकारै दैई पूरअ।

22 परमेशरे मज़ती करै आसा हुंह आझ़ तैणीं ज़िऊंदअ अर होछ़ै बडै सोभी नदरी दैआ हुंह ऐहा शाजत। इना गल्‍ला छ़ाडी निं हुंह होर किछ़ै बोल्दअ, ज़ुंण मोसा गूरै अर परमेशरे होरी गूरै बी आसा बधाना दी बोली दी कि आजू हणअ इहअ, 23 ‘मसीहा लागणअ दुख भुगतणअ अर सह सोभी का आजी मूंऐं दै मांझ़ा का ज़िऊंदै हई करनअ तेऊ म्हारै लोगा मांझ़ै अर होरी ज़ाती दी प्रैश्शैओ प्रच़ार।’"✝

5 स्वर्ग दूतै बोलअ तिन्‍नां बेटल़ी लै, "तम्हैं निं डरा आथी, मुखा आसा थोघ कि तम्हैं आसा ईशू लोल़ी लागी दी ज़ुंण क्रूसा दी मारअ त। 6 सह निं इधी आथी, पर ज़िहअ तेऊ बोलअ थिअ, तिहअ ई हुअ सह ज़िऊंदअ। एछा, ऐहा ज़ैगा भाल़ा ज़िधी ईशू त डाहअ द।

25 पर एतरअ आसा मुखा बी थोघ कि ज़िऊंदअ परमेशर ज़ुंण स्वर्गै आसा,

सह जाणअ खिरी मुंह बच़ाऊंदअ उंधै धरती लै एछी।