O sangue de Jesus

22 ቱማካ ህገይ ገይሳዳ ጉባታፐ አትሽን፥ ኡባባይ ሱን ጌዬስ። ሱ ጉኮናሽን አቶተ ባዋ።✝

13 ዴሻ ሱይነ ኮርማ ሱይ፥ ፁገትዳ ኡሳ ብዶይ፥ ቱንዳ አሳ ቦላ ርጨትድ ኤንታና ጌሽያባ ግድኮ፥✝ 14 መርና ጌሻ አያና ባጋራ ቦረይ ባይና ያርሾ ኦድ፥ ፆሳስ ባና እምዳ ክርስቶሳ ሱይ፥ ደኦ ፆሳ ጎይናና መላ ሀይቆ ካለያ ኦሱዋፐ ኑ ካሀ ዋት አድ ጌሸኔ?

4 አይስ ጊኮ፥ ኮርማ ሱነ ዴሻ ሱ ናጋራ ድጋናዉ ዳንዳኤና።

12 ሄሳዳካ፥ የሱሲ ደርያ ናጋራፐ ባ ሱን ጌሻናዉ ካታማ ፐንግያፈ ካረን ዋየትስ።

24 ኦራ ጫቁዋስ ግዶ ግድድ ስገያ የሱሳኮ፥ አበላ ሱፈ አያባ ኦድያ ዉርፀትዳ ሱኮ ይደታ።✝

7 ሽን ፖኦን እ ደኤይሳዳ፥ ኑካ ፖኦን ደእኮ፥ ኑስ ዎል ግዶን እስፈተ ደኤስ። እያ ናኣ፥ የሱሳ ሱይ ናጋራ ኡባፈ ኑና ጌሼስ።

7 ፆሳ አ ኬሀተ ዱረተዳ ክርስቶሳ ሱን ዎዘትድ ናጋራ አቶተ ደምዳ።

13 ሽን ህንተ ካሰ ሃክድ ደእዳይሳት፥ ሀእ ክርስቶስ የሱሳን ደእድ ክርስቶሳ ሱን ማታ ሺቅደታ።

28 ሀይስ ዳሮ አሳ ናጋራ አቶተስ መላ ጉክያ ታ ሱ። ሀ ሱይ ፆሳይ ህንተራ ገልያ ጫቁዋ ምንይሳ።✝

4,5 ሀ ዳብዳበይ፥ ዮሃንሳፐ፥ ኢሰ ቢታን ደእያ ላፑን ዎሳ ኬታስ ፃፈትስ። ካሰካ፥ ሀእካ ደእያ፥ ስንፈካ ያናዉ ደእያ ፆሳፈ፥ ቃስ እያ አራታ ስንን ደእያ ላፑን አያናታፐ፥ ሄሳዳካ፥ ሀይቆፐ ደንዶን ኮይሮ ግድዳይሳፈ፥ ሳኣ ካዎታ ሃርያ አማነትያ ማርካ ግድዳ የሱስ ክርስቶሳፐ፥ አ ኬሀተይነ ሳሮተይ ህንተዉ ግዶ።✝

የሱሲ ኑና ሲቄስ፥ ቃስ ባ ሱን ናጋራ አይለተፈ ኑና ላአ ከስስ።✝

25 ፆሳይ የሱስ ክርስቶሳ ያርሾ ኦድ እምዳይ፥ እያ አማንያ ኡባይ እያ ሱን ናጋራ አቶተ ደማና መላሳ። ፆሳይ ሄሳ ኦዳይ ባ ዳንዳአን ካሰ ናጋራ ታይቦና አግድ፥ ባ ፅሎተ በሳናሳ።

9 ህዛ፥ ኑኒ ክርስቶሳ ሱን ፅልዳባ ግድኮ፥ ኡባፈ አድ እያ ባጋራ ፆሳ ሀንቁዋፈ አታና።

21 ሙሰይ እስራኤለ ጭማታ ኡባ ፄግስድ ሀይሳዳ ያግስ፤ "ህንተ እሶይ እሶይ ሶ ብድ ፓስካ ባኣለ ቦንቻናዉ ማራዘ ዎይኮ ኮለ ሹክተ። 22 ህሶጰ ም ሀይፈ ዳንክ ኤክድ፥ ከረን ደእያ ሱን የድ ኤክድ ዉላ ጋርሳ፥ ቆሙዋነ ቦኮሉዋ ትይተ። ዎንታና ጋካናዉ ህንተፈ እሶይካ ባ ኬፈ ካረ ከዮፖ። 23 ጎዳይ ግብፀ ባይራታ ዎናዉ ሄ ቢታራ ካንያ ዎደ፥ ሄ ሱ ዉላ ጋርሳ፥ ቆሙዋንነ ቦኮሉዋ ቦላ በእድ አግድ አና። ሀይቆ ኤህያ ኪታንቾይ ህንተ ሶ ገልድ ህንተና ዎና መላ ድጋና።

11 አይስ ጊኮ አሾ ማእዳ ኡባ ደኦይ እያ ሱ ግዶን ደኤስ፤ ሱ ደኦይ እያ ግዶን ደእያ ግሾ ናጋራ አቶ ጊሴስ። ህንተ ናጋራ አቶተስ ሱ ያርሻና መላ ህንተዉ እማስ።

4 ሽን ሸምፖይ ግዶን ደእያ ግሾ ሱ እያ ግዶን ደእያ አሾ ሞፕተ። 5 ኦንካ ሸምፖ ዎዳይ ፕርደታና። ቃስ አሳ ሱ ጉስያ ዶአካ ሀይቆን ፕርዳና። 6 ፆሳይ አሰ ባና ዳንስድ መዳ ግሾ፥ አሳ ሱ ጉስያ ኦና ግድኮካ እያ ሱይካ አሳ ኩሸን ጉካና።

33 ሱ ቢታ ቱንስያ ግሾ ሱ ጉሶፍተ። ሱ ጉስዳ ኡራ ሱፈ አትሽን፥ ሱ ጉክዳ ቢታ ሀራ ኦገራ ቱናተፈ ጌሽያ ዎግ ባዋ።

11 ኤንቲ ዶርሳ ሱንነ ባንታ ማርካተ ቃላን፥

እያ ኦልድ ፆንዶሶና።

ኤንቲ ባንታ ሸምፑዋስ ምሸቶና

ባንታና ሀይቆስ አድ እምዶሶና።

18 ህንተ፥ ህንተ አዋታፐ ላትዳ ፓና ደኡዋፐ ዎዘትዳይስ፥ ይያ ብራን ዎይኮ ዎርቃን ግዶናይሳ ኤሬታ። 19 ቦረይ ዎይኮ ቦርሶይ ባይና ዶርሳ ሱዳ አልኦ ግድዳ ክርስቶሳ ሱን ዎዘትደታ።

28 "ባ ናኣ ሱን ዎዝዳ ፆሳ ዎሳ ኬ ናግተ። ጌሻ አያናይ ህንተና ሀላቃ ኦድ ዶርዳ ዉድያስነ ህንተ ሁጵያስ ናገትተ።

53 ሄሳ ግሾ፥ የሱሲ ኤንታኮ፥ "ታኒ ህንተዉ ቱማ ኦዳይስ፤ አሳ ናኣ አሹዋ፥ ህንተ ሞና እፅኮ፥ ቃስ እያ ሱ ህንተ ኡዮና እፅኮ፥ ህንተዉ ደኦይ ባዋ። 54 ታ አሹዋ ምያ ኡራስነ ታ ሱ ኡያ ኡራስ መርና ደኦይ ደኤስ። ታኒ ዉርሰ ጋላስ እያ ሀይቆፐ ደንና።

ክርስቶስ ኦኔ?

6 የሱስ ክርስቶሲ ሃ ፅንቃትያራነ ባ ሀይቁዋ ሱራ ይስ። እ፥ ሃራነ ሱራ ይስፐ አትሽን፥ ሃ ፃላላራ ይቤና። ጌሻ አያናይ ቱማ ግድያ ግሾ፥ ሄስ ቱማ ግደይሳ ማርካቴስ።