15 Kɛn emfa ngemɔ̃ kyɛn wu oti byɛ mbel oli ɔ̃nsensal, emfa kiki hɛ̃ ekal ɔ̃nsensal m’epfuũ e byɛ bvieel. 16 Obobɔ, Ɔ̃nkaan a Nziã olieel bubu: «Ekal baal b’ɔ̃nsensal, ke ngwel wɛ mɛ̃ ndi ɔ̃nsensal.»✝

15 Kɛn emfa ngemɔ̃ kyɛn wu oti byɛ mbel oli ɔ̃nsensal, emfa kiki hɛ̃ ekal ɔ̃nsensal m’epfuũ e byɛ bvieel. 16 Obobɔ, Ɔ̃nkaan a Nziã olieel bubu: «Ekal baal b’ɔ̃nsensal, ke ngwel wɛ mɛ̃ ndi ɔ̃nsensal.»✝

4 Onse Mãsia, ndɛ ál’ámaasuaal bia-byɛ ŋ’ɛ̃kwel ye k’esa ndɛ ɔ̃kiri, me ndɔɔ yɛn bia-byɛ ekal baal a ndɛ bvool eywɛn elyal ke mviil ã ndɛ. Nziã onse dzii e ndɛ,

3 B’edzii Nziã bɛn, byɛ ekal ba ngel. M’emfa okyɛ, ebee okal y’epfuũ ki abvool ntal ye mbuul wɛn byɛ kɛn ebaal bakyɛ wɛ. 4 Yɔɔl kwɛn ngɔmɔ̃ ngɔmɔ̃ onse byɛ ayɛɛ k’asuaal ɔ̃kal onse onsensal bvool onse dzuun. 5 Ebee okiool kwɛn efua bvi ebi-ebi ekal y’okwɛn nkal a byɛ, onge b’ebesa baal b’ɛ̃kiri bɛn k’ayɛɛ Nziã wɛ. 6 Yɔɔl kwɛn me b’otal ndɔɔ oyɔ, mbuul si ngɔmɔ̃ abee ndoo a ndɛ obi osa, wuo abee ndɛ opfuru. Ke ngwel wɛ, Mfam awa bueel b’asa ãndɔɔ omɔ̃ etumbu. Bee tsɔɔn emeeyɛɛn byɛ yɔ, bvool bee efaal byɛ yɔ m’oyɛɛn. 7 Me ndɔɔ yɛn Nziã k’áti bia-byɛ mbel yi ekal onse ãndɔɔ mã mbiin wɛ, ndɛ áti bia-byɛ mbel yi ekal onse onsensal.

9 Ndɛ wu ábvuul bia-byɛ bvool áti bia-byɛ mbel yi ngel. Ndɛ k’ási obobɔ me ndɔɔ ɛ̃sal ɛ̃ bia-byɛ wɛ, me ndɔɔ a m’éwɛɛ ndyam bvool me ndɔɔ a nyiĩ yi ésio ndɛ bia-byɛ onse Yeso Mãsio, ŋ’ɛ̃kwel ye k’ebɛɛn ɔ̃kiri.

14 Esa mpɛn k’ekal onse opi ye baal bueel, bvool k’ekal onse onsensal bɛn, bɔ oywɛn, mbuul si ɔ̃mɔ̃ k’àmwɛn Mfam wɛ.

14 Esa mpɛn k’ekal onse opi ye baal bueel, bvool k’ekal onse onsensal bɛn, bɔ oywɛn, mbuul si ɔ̃mɔ̃ k’àmwɛn Mfam wɛ.

1 Andoo a dzii, onge bɛn Nziã owi bia-byɛ ãlɔɔ omɔ̃, yɔɔl kwɛn bia-byɛ ekal tsɛtsɛ m’ãndɔɔ mbueel m’ãbiil nzuru y’ɔ̃fel. Esa mpɛn yi ekal ba ngel tiil ntɔ, onse obal o Nziã.

1 Andoo a dzii, onge bɛn Nziã owi bia-byɛ ãlɔɔ omɔ̃, yɔɔl kwɛn bia-byɛ ekal tsɛtsɛ m’ãndɔɔ mbueel m’ãbiil nzuru y’ɔ̃fel. Esa mpɛn yi ekal ba ngel tiil ntɔ, onse obal o Nziã.

22 Kɛn a meba, onge bɛn apaal byɛ onse obi, bvool byɛ eyii ankyal a Nziã, bvel li ebɔɔ byɛ eli omwiĩ b’edzii Nziã, bɛn ntɔ a bɔ eli elaã li ɔ̃bu nkal ɔ̃bu.

19 Mɛ̃ eyɛɛn m’emfa ki eyɛɛn baal, me ndɔɔ yɛn byɛ eli ye fool m’okwaal b’otsɛn. Ke ngwel wɛ, byɛ éwi elyam e nzuru a byɛ onge ankyal m’osa b’ãndɔɔ mã mbiin y’obi, m’osiɛɛn k’obi. Emfa kiki hɛ̃, meba, ekab elyam e nzuru a byɛ onge ankyal b’ãndɔɔ mã dzu, m’osiɛɛn k’omwiĩ b’edzii Nziã.

1 Obobɔ andoo, onge bɛn Nziã osuo bia-byɛ obvɛ o ndɛ, mɛ̃ ngwi byɛ luo wɛn, ekab ndɛ nzuru a byɛ onge kab li mwiĩ, li ngel, bvool li ekiool ndɛ. Omɔ̃ ãbuɛɛn mã m’emfa ki Endɔɔ e Nziã.

17 Andoo a mɛ̃ ba dzii, mɛ̃ ngwi byɛ luo wɛn ekal y’onkyab ke nkwel a b’abelɔ okab onse baal, bvool abebal bɔ. M’esa bɔ omɔ̃ ãkam y’ãtee m’éyɔɔ byɛ. Ekal lala ye bɔ.

3 Yɔɔl kwɛn obvool o ntal ye mbuul wɛn byɛ kɛn ebaal bakyɛ wɛ y’ãndɔɔ mbueel mã mbiin m’emfa bwɛn a emfa, wuo ɔ̃tam, abee bvɛ bam otuaal onse byɛ, ke ngwel wɛ omɔ̃ k’ãndɔɔ m’ãbvaan me baal ba ngel wɛ.

3 Yɔɔl kwɛn obvool o ntal ye mbuul wɛn byɛ kɛn ebaal bakyɛ wɛ y’ãndɔɔ mbueel mã mbiin m’emfa bwɛn a emfa, wuo ɔ̃tam, abee bvɛ bam otuaal onse byɛ, ke ngwel wɛ omɔ̃ k’ãndɔɔ m’ãbvaan me baal ba ngel wɛ.

22 Obobɔ, ebee epfuũ e byɛ bvi tsɔɔn, eyɔɔl ombuul o byɛ bo tsɔɔn. Ke ngwel wɛ, efua e bɔ bvi pfuru ebebiri byɛ k’obii. 23 Eyɔɔl Ɔ̃fel asuul ãyal ã byɛ ãkal m’ãnyiɔɔn. 24 Elaal mbuul wu ɔ̃nyiɔɔn, wu ábuo m’emfa e Nziã, onse okal dzu, y’onsensal b’ofa onse otaa-taa.

21 Byɛ hɛ̃ tsɔɔn éli lala ye Nziã bvool éli ataal a ndɛ, me ndɔɔ ãtsam ã byɛ m’ãbi ãbi y’ɛ̃sal ɛ̃ byɛ mi ɛ̃bi-ɛ̃bi. 22 Meba ŋã, ndɛ obveel ondoo ye byɛ m’epfu e Muaan a ndɛ onse nzuru y’ombuul, me ndɔɔ yɛn byɛ eyetɛɛn ke nkwel a ndɛ onge baal ba ngel, b’aywɛn elyal bvool bɛn mbyel pyɛ. 23 Kɛn ebvaan kwɛn byɛ esɛn ãnã bvool etɛɛn ye mpɛn onse okiool. Ebee nkuul owa yi abiri byɛ lala ye kaã li ébɔɔ byɛ ŋ’éyoo byɛ Nsia yi Ngesɛ. Nsia oyɔ, átee yɔ ola baal bueel b’ɔ̃kiri a nsie, Nsia yɛn mɛ̃ wu Pool éyii ɔ̃sal a yɔ.

17 Suul bɔ akal bam ba ngel, me nkuul otaa-taa. Endɔɔ e yɛ eli otaa-taa.

16 Byɛ eli Nzɔ a Nziã, bvool Ɔ̃fel wu Ɔ̃nsensal abekal onse byɛ. Byɛ k’eyɛɛ obobɔ wɛ?

2 Mɛ̃ nkel ndɛ ol’Ebvɔɔn e Nziã li ke bviil li Kolinte, ola b’ali baal a Nziã me nkuul a Yeso Mãsia. Nziã oti bɔ mbel k’akal ba ngel, ye baal bueel bɛn ãmboo mbueel abebiool nkuũ a Mfam a bia-byɛ Yeso Mãsia, ndɛ wu Mfam a bɔ, wu Mfam a bia-byɛ hɛ̃.

5 Ekal y’ãtsam m’éli a Yeso Mãsia onse byam:

1 Okɛɛn bvoo a byɛ ye Mãsia awa byɛ mpɛn, okɛɛn dzii e ndɛ ewɛɛl byɛ, okɛɛn byɛ eli bvoo ye ndɛ m’Ɔ̃fel, okɛɛn byɛ eli ye dzii bvool ye nyiĩ a bakyɛ, 2 oŋɔ̃, esa kwɛn mɛ̃ nduul m’esɛ ŋ’ekal byɛ y’ɔ̃dzi, dzii lili, ɔ̃kwal ngɔmɔ̃ bvool ãtsam ngãmɔ̃. 3 Ebee ndɔɔ si ngamɔ̃ osa y’ongoo, wuo me ndɔɔ yi ebii dzuun li ngwel-a-ngwel. Kɛn eyɔɔl okuaal o nzuru osa kwɛn byɛ ewal bakyɛ onge b’anduru byam. 4 Yɔɔl kwɛn mbuul bwɛn a mbuul onse byɛ abee obvɛ o ndyam obii, abii hɛ̃ bo bakyɛ. 5 Ekal y’ãtsam m’éli a Yeso Mãsia onse byam:

6 Ndɛ wu áli ndyam onge Nziã,

kɛn a ndɛ k’ádzuul k’akal nsiil ye Nziã wɛ.

7 Kɛn a me ndyam, ndɛ oyɔɔl bvieel bvi éli a ndɛ,

me ndɔɔ yi akal ndyam onge ɔ̃nkyal✝,

me ndɔɔ yi akal onge baal,

bvool baal amwɛn ndɛ kɛn onge mbuul.

8 Ndɛ okueel nzuru me ndyam ŋ’esuo ndɛ lweel

tiil k’epfu, onkyam epfu li m’enkulusu.

9 Obɔ otsɛn bɛn Nziã bu andɛɛl ndɛ ke mboo yi enduru ãmboo mbueel,

bu awi ndɛ nkuun yi eli ke ywel ãnkuun mbueel.

10 M’emfa okyɛ, me nkuũ a Yeso, bvieel ebva ãbuo,

ekal ke ywel, ekal me nsie bvool ekal ke nsɛn a nsie.

11 M’emfa okyɛ bvool, ɛ̃nywã mvieel ɛ̃yɛɛn wɛn

Yeso Mãsia oli Mfam,

me ndɔɔ a lweel e Nziã wu Taal.

12 Obobɔ, andoo a dzii, onge b’ebelweel byɛ mɛ̃ tal lam lueel, ke kɛn a me lio li ndi mɛ̃ ye byɛ wɛ, ekal meba me lio lɛn mɛ̃ ke ndi ye byɛ wɛ, esuo lweel li enduru, esal me ndɔɔ obvuul o byɛ, ye bvɛ y’etiɔɔl. 13 Ke ngwel wɛ, Nziã wu asal onse byɛ kwɛn byɛ ekal y’efwa bvool ekoo k’esa ãndɔɔ mã ngesɛ m’edzii ndɛ. 14 Esa ãndɔɔ mbueel ɛ̃nduɔɔl pyɛ, ɛ̃tsuun hɛ̃ pyɛ. 15 Obobɔ, byɛ eywɛn elyal bvool ekal ankinkyam, baan a Nziã b’aywɛn a ndɔɔ yi awa mbyel onse baal b’ámaadziɔɔn bvool b’abi-abi. Onse baal obɔ, byɛ ebekaan onge ambunda onse ɔ̃kiri, 16 me ndɔɔ yɛn byɛ ebiri Endɔɔ li elaã. Oyɔ èkal ndɔɔ yi ekieel ebɔɔ mɛ̃ dzuun me tsoo li èya Mãsia, lɛn mɛ̃ k’étsuu ntiin yi ngwel wɛ, k’ési ɔ̃sal hɛ̃ wa ngwel wɛ. 17 Onkyam ŋɛn ebvaan ãkel a mɛ̃ ãtsɔɔn onge mpɔɔ yi ebvɔɔn ye yi ewa byɛ Nziã y’ɔ̃sal wu okiool o byɛ, mɛ̃ ndi y’esɛ me ndɔɔ oyɔ, bvool mɛ̃ esia mpaa ye byɛ bueel. 18 Byɛ hɛ̃, ekal y’esɛ bvool esia mpaa ye mɛ̃!

19 Mɛ̃ ndi ye kaã onse Mfam Yeso wɛn mɛ̃ èyuɔɔl byɛ Timote tswa-a-tswa, kwɛn mɛ̃ hɛ̃ nkal ye mpɛn ŋ’èbɔɔ mɛ̃ ãnsia ã byɛ. 20 Ke ngwel wɛ, mɛ̃ ke ndi ye mbuul ɔ̃kyam, wu oli ãtsam ngãmɔ̃ ye mɛ̃ bvool akɛɛ nguo taa-taa me ndɔɔ a byɛ wɛ. 21 Ke ngwel wɛ, bam bueel abebii kɛn obvɛ o bam, ke bo Yeso Mãsia wɛ. 22 Kɛn a byam eyɛɛ emfa ki ésuo Timote eliĩ ki ɔ̃sal a ndɛ, ŋ’éwi ndɛ ɔ̃tsiin a ndɛ m’otsal o Nsia yi Ngesɛ ye mɛ̃, onge muaan tsotsoo a tal. 23 Obɔ otsɛn bɛn, mɛ̃ ndi ye kaã wɛn mɛ̃ èyuɔɔl byɛ ndɛ tswa-a-tswa, ŋ’èmwɛn mɛ̃ ngesɛ emfa ki esɛn ndɔɔ a mɛ̃. 24 Mɛ̃ bvool nkiool bam onse Mfam wɛn myam hɛ̃ èya alili ŋã. 25 Mɛ̃ hɛ̃ mwɛn ngesɛ k’ebveel byɛ Epafolodite wu ndoo a mɛ̃, ndoo a mɛ̃ wu ɔ̃sal, ndoo a mɛ̃ wu eta, ntam wu éyuɔɔl byɛ mɛ̃, me ndɔɔ yi abiri mɛ̃ bvi éli a mɛ̃ ye kɔɔ e bvɛ. 26 Ke ngwel wɛ, ndɛ oli y’efua bibi ki amwɛn byɛ bueel bvool. Esi ndɛ bvool mpal me ndɔɔ yɛn byɛ eyoo ndiri ndɛ ali y’ãluu. 27 Ke yam, ndɛ ali y’ãluu bvool akaasɔɔ okwa. Kɛn a Nziã osio ndɛ nyiĩ, ke kɛn a ndɛ wɛ, ye mɛ̃ hɛ̃, kwɛn mɛ̃ mbee ãnyiĩ ãnyiĩ okal. 28 Obobɔ, mɛ̃ ngyuɔɔl byɛ ndɛ tswa-a-tswa, kwɛn byɛ esia mpaa ŋ’èmwɛn byɛ ndɛ bvool, kwɛn me mbee y’ãnyiĩ bibi okal. 29 Oŋɔ̃ eyɔɔ ndɛ y’esɛ kieel onse bvoo a bia-byɛ ye Mfam. Ekal ye bvɛɛ e baal ba m’emfa okyɛ. 30 Ke ngwel wɛ, ndɛ okaakwa me ndɔɔ ɔ̃sal a Mãsia. Ndɛ owi omwiĩ o ndɛ me ndɔɔ yi awa mɛ̃ wuaal lɛn byɛ ale k’ekoo k’ewa mɛ̃ wɛ.

48 Oŋɔ̃ ekal ɔ̃koo, onge Tal a byɛ wa ke ywel wu oli ɔ̃koo.»

16 «Mbuul andɛɛl mbunda, k’akoo k’apfeel ndɛ kantin wɛ, wuo k’akoo k’asuul ndɛ ke nsɛn a ntal wɛ. Kɛn a ndɛ andɔɔl ndɛ ke ywel a misa, kwɛn baal b’asam onse nzɔ amwɛn kal-a-kal.