19 ኡንቱንታ፥ "ታና ካልተ፤ ታን ህንተና ሞልያ ኦይቂያዋዳን አሳ ታኮ አህያ ኦግያ ታማርሳና" ያጌዳ። 20 ኡንቱንቱ ኤለካ ባረንቱ ዳባ አጊደ፥ የሱሳ ካሌድኖ።

9 የሱስ ሄዋና አደ፥ ማቶሳ ያግያዌ ቃራጻ ቃንጽያ ሳን ኡቴዳዋ ደሚደ አ፥ "ታና ካላ" ያጌዳ።

ማቶስካ ደንድ ኤቂደ፥ አ ካሌዳ።

43 ዎንተ ጋላስ የሱስ ጋሊላ ባናዉ ቆፋ ቃቼዳ፤ እ ፕልጶሳና ጋከቲደ፥ "ታና ካላ!" ያጌዳ።

57 ኡንቱንቱ ኦግያና ቢሽን፥ እት ብታኒ የሱሳ፥ "ጎዳዉ፥ ኔን ብያሳ ኡባ ታን ኔና ካላና" ያጌዳ።

58 የሱስ አ፥ "ዎራካናቶ ኦላይ፥ ሳሉዋ ካፋቶካ ጎሊ ደኤ፤ ሽን ታን፥ አሳ ናአይ፥ ገላ ሸምፓ አክያ ሳአይ ታዉ ባዋ" ያጌዳ።

59 የሱስ ሀራ ኡራ፥ "ታና ካላ" ያጌዳ።

ሽን፥ ብታኒ፥ "ጎዳዉ፥ ታን ካስያን ባደ ታ አባ ሞጋና" ያጌዳ።

60 የሱስ፥ "ሀይቆዋንታ ባረንቱ ሀይቆዋንቱ ሞግኖ፤ ኔን ባደ፥ ጾሳ ካዉተባ ኦዳ" ያጌዳ።

61 ቃይ ሀራ ብታኒ፥ "ጎዳዉ፥ ታን ኔና ካላና፤ ሽን ኮይሩዋን ታ ሶይ አሳ ባደ ሳሮታና" ያጌዳ።✝

62 ሽን የሱስ አ፥ "ቦራ ጎሻናዉ ዶሞዌ ኦንነ ጉየ ጼሎፐ ጾሳ ካዉተዉ በሰና" ያጌዳ።

24 ሄዋፐ ጉይያን፥ የሱስ ባረና ካልያዋንታ ሀዋዳን ያጌዳ፤ "ታና ካላናዉ ኮይያ ኡራይ ደኦፐ፥ ባረና ካዶ፤ ያቲደ ባረ ማስቃልያ ቶኪደ፥ ታና ካሎ።

26 "ኦንነ ታኮ ይያዌ ደኦፐ ባረ አባነ አቶ፥ ባረ ማቻቶነ ባረ ናና፥ ባረ እሻቱዋነ ምቻቱዋ፥ ባረ ደኡዋ አሸናን ታፐ አ ዶሶፐ፥ ታና ካልያዋ ጌተታናዉ ዳንዳየና።✝ 27 ኦንነ ባረ ማስቃልያ ቶኪደ፥ ታ ጌዱዋ ካለናን ዮፐ፥ ታና ካልያዋ ግዳናዉ ዳንዳየና።✝

28 ጰጽሮስ የሱሳ፥ "በአ፤ ኑን ኑባ ኡባ አጊደ፥ ኔና ካሌዶ" ያጌዳ።

29 የሱስ፥ "ታን ህንተንቶ ቱሙዋ ጋይ፤ ታ ድራዉነ ዎንጋላ ምሽራቹዋ ድራዉ፥ ጎልያ ዎይ እሻቱዋ ዎይ ምቻቱዋ፥ ዎይ አዉዋ ዎይ አቶ ዎይ ማቻቶ፥ ዎይ ናና ዎይ ጋድያ አጌዳ አሳይ ኦንነ፥ 30 ሀእ ሀ ዎድያን ጼቱ ዳኩዋፐ ዳርያ ጎለቱዋ፥ እሻቱዋ፥ ምቻቱዋ፥ አቶ፥ ናና፥ ጋድያ፥ ቃይ መቱዋካ አካናዋ። ስንፐ ያና ዎድያንካ መና ደኡዋ አካናዋ። 31 ሽን ጮራቱ ሀእ ስንን ደእያዋንቱ ጉየ አና፤ ቃይ ጮራቱ ሀእ ጉየን ደእያዋንቱ ስንዉ አና" ያጌዳ።

12 ቃይካ የሱስ አሳዉ፥ "ታን አላመዉ ፖኡዋ፤ ታና ካልያ ኦንነ ደኡዋ እምያ ፖኡዋ ደማናፐ አትን፥ ማን ኡባካ ሀመተና" ያጊደ ሃሳዬዳ።

26 ኦንነ ታዉ ኦፐ፥ ታና ካላናዉ በሴ፤ ቃይ ታን ደእያ ሳኣን ታዉ ኦያዌካ ደአናዋ። ታዉ ኦያ ኦናነ፥ ታ አቡካ አ ቦንቻናዋ።

21 ጾሳይ ህንተና ጼሴዳዌ ሄዋ ድራሳ፤ አያዉ ጎፐ፥ ክርስቶስ ህንተንቶ ዋየቴ፤ ህንተ አ ቃታማ ካላና ማላ፥ ህንተንቶ ሌምሱዋ ግዴዳ። 22 ናጋራ እ ኦቤና፤ ባረ ዶናፐ ዎርዱዋ ሃሳይቤና።✝ 23 አሳይ ባረና ቦርያ ዎደ፥ ዛሪደ ቦርቤና፤ ዋየትያ ዎደካ ማንድቤና። ሽን ጽሉዋ ፕርድያ ጾሳዉ ባረና አደ እሜዳ።✝

15 ሽን ኑን ሲቆተን ቱሙዋ ሃሳዪደ፥ ሁጰ ግድያ ክርስቶሳኮ ኡባባን ድጫናዉ በሴ።

4 ህንተ ታ አዛዙዋ ኦተ፤ ታ ዎጋካ ናግተ፤ ቃይ አን ቢተ። ታን፥ መና ጎዳይ፥ ህንተ ጾሳ።