Seguir a Jesus

19 Tshə pâ kə əndje ə pa: «E zä äwä əmə, mə sə kə mbrə e tə aawopra azü.» 20 Kʉ pə kôto səkɔ, əndje tshî agbânda nə̂ əndje nə tʉ ə zâ äwä ye.

Jezu ê Matiɔ

9 Ə̂në Jezu rô ngrʉ̂ teashe kɔ, tshə wû ə̈bə̈ koshe ə̂në əɨrɨ ye kə də̂ Matiɔ kɔ. Tshə sə̂ gâ tʉ gâ ə̂sə̂ kosəra kə rɔ ngendja lapɔ. Jezu pâ kə ətshə ə pa: «Zä äwä əmə!» Matiɔ nə âfɔ ə zâ äwä ye.

43 Tshe nə krâ, Jezu yîndə kə na mâ lə ashɔ əgɔ Galile, ə tê Flipə ə pâ kə ətshə ə pa: «Zä äwä əmə.»

Tshï aərə nɔ̂ tʉ ka ə za äwä Jezu

57 Alɔ ə̂në əndje zâ äwä ndə kə na na ye, ə̈bə̈ əzü pâ kə Jezu ə pa: «Mə sə kə za äwä zə tə̂ ətshe nɔ̂ ə̂në bə sə kə na tə̂ nə kɔ.» 58 Jezu kîrə əpʉ kə ətshə ə pa: «Agbagraba sə də əgro əndje tə̂ nə, ayanu sə də komɔ əndje, bale, Əgblə nə̂ Əzü sə sə də ə̈bə̈ ətshe ndə kə za kumu ye gâ tʉ gâ tə̂ nə ndə kə wu tə̂ ye ne.»

59 Tshə pâ kə ə̈bə̈ ata nə ə pa: «Zä äwä əmə.» Koshe nə kîrə əpʉ ə pa: «Âgbɔ̂ Əyïngerə, kätə̂ äwä kə əmə, mə na ə shi abä əmə angbʉlînə gâ ye kane.» 60 Jezu pâ kə ətshə ə pa: «Kätə̂ akuzu, əndje shi angâ əndje də̂ akuzu. Əbə, nä ə mʉ̈ əpʉ Əgɔngerə nə̂ Ndjapä.»

61 Ə̈bə̈ nə pâ kwatə̂ye ə pa: «Âgbɔ̂ Əyïngerə, mə za äwä zə je, kätə̂ əmə, mə na ə bla azü tshelə bəngʉ nə̂ əmə angbʉlînə gâ ye kane.» 62 Jezu kîrə əpʉ kə ətshə ə pa: «Əzü ə̂në tshə to kəna ye gâ tə̂ ngapo apagra kəndɨ ndə kə wa kəndɨ ə lishi gâ mandâ ye, tshə lï lï də Əgɔngerə nə̂ Ndjapä ne.»

Äwä kə na mandâ Jezu

24 Bale, mandânə, Jezu pâ kə atrawaya nə̂ ye nə ə pa: «Kədə əzü kə yində kə na mandâ əmə, tshə wə̈ra tə̂ ye tə̂ ye də ə̂tə̂ ye, ə zä masheyɔ nə̂ ye ka ə za äwä əmə.

26 «Kədə əzü kə na gâ ndə əmə â yində abä nə də əyï nə də əwɔ nə də aləvu nə də alaye nə gâ ndə alakobɔ nə, ndje gâ ndə ye də ə̂tə̂ ye â ro əmə, tshə lï lï ndə kə sə tə trawaya nə̂ əmə ne. 27 Əzü ə̂në tshə za masheyɔ* nə̂ ye za gâ pâ əgʉ ye ne ə za äwä əmə za ne, tshə lï lï ndə kə sə tə trawaya nə̂ əmə ne.

28 Bale, Piarə pâ kə ətshə ə pa: «Wü-a! Ä tshî aərə nɔ̂ tʉ gâ ye â za äwä zə kɔ.» 29 Jezu kîrə əpʉ ə pa: «Djatra əpʉ, mə pa kə e: mbrə əmə də Ə̂rɔ̂ Əpʉ, kədə əzü kə tshi anda nə̂ ye wala alaye nə, alakobɔ nə, əyï nə, abä nə, aləvu nə wala akəndɨ nə̂ ye tʉ, 30 tshə sə kə sɔtə̂ aanda, alaye, alakobɔ də alayï azü, aləvu də akəndɨ äwä ngbangbo də aərə əyo gâ pâ nə kpəsəye; tshə sə kə sɔtə̂ sorô nə̂ alɔnɔ̂ tə̂ alɔ ə̂në ə sə kə na gu nə kɔ. 31 Azü tshitshinə ngbatshe sə kə sə tə azü tshe mandânə â azü tshe mandânə sə kə sə tə azü tshitshinə.»

Jezu sə tə ə̂yîəwo tshepashɔ

12 Jezu pâ kwatə̂ye kə ə̂kpû azü nə ə pa: «Əmə, mə də̂ ə̂yîəwo tshepashɔ. Əzü ə̂në tshə za äwä əmə, tshə sə sə kə na ana alɔ bale lə əbutshe ne, bale tshə sə kə sə də ə̂yîəwo ə̂në ə sə kə za sorô kə əzü kɔ.»

26 Kədə ə̈bə̈ əzü kə yində kə ma kosəra kə əmə, tshə zä äwä əmə, ka ətshe ə̂në, əmə, mə sə tə̂ nə kɔ, əyïkosəra nə̂ əmə nə sə kə sə ndje tə̂ nə. Kədə ə̈bə̈ əzü kə yində kə ma kosəra kə əmə, Abä əmə sə kə lʉ ətshə.»

21 Mbrə ərə səkɔ də̂ Ndjapä ê e kɔ, mbrə ə̂në Kristə ndje wû əyo mbrə e gâ ye, ə yisə̂ äwä nə kə e, kanika e za kʉtə̂ tshelə əndʉ ye. 22 Tshə mbrə̂ ə̈bə̈ nyaka mbrə̂ bale ne, â əndje sɔ̂tə̂ ə̈bə̈ əpʉ kə frɔ ətshe sɔ̂ lə ama ye bale ne. 23 Azü gû ətshə, tshə gû ə̂gû gû mandânə ne; əndje gî əyo tə̂ ye, tshə ngâ ngâ bale ne, bale tshə zâ tə̂ ye gâ lə kəna ətshə ə̂në tshə wa ngbanga də äwänə kɔ.

15 Kədə əzə̂ sə kə pa djatra əpʉ, lə kə yi tə̂ əzə̂, a sə kə gerə lə aərə nɔ̂ gu ndə Kristə nə, tə kumu tshekotə̂ nə.