1 Əɨrɨ alätä Jezu Kristə, ätä Davidə kə səye. Davidə sə tə ätä Abraamo.

2 Abraamo zû Izakə. Izakə zû Jakɔbə, Jakɔbə zû Juda də alaye nə.

3 Juda də Tamarə zû Farasə də Zara. Farasə zû Esərɔmə. Esərɔmə zû Aramə. 4 Aramə zû Aminadabə. Aminadabə zû Naasɔ. Naasɔ zû Salomɔ. 5 Salomɔ də əwɔ nə də Rahabə zû Bwazə. Bwazə də əwɔ nə də Rutu zû Obadə. 6 Obadə zû Jese â Jese zû əyïngerə Davidə.

Davidə də əwɔ Uri zû Salomɔ. 7 Salomɔ zû Robwamə. Robwamə zû Abia. Abia zû Azafə. 8 Azafə zû Jozafa. Jozafa zû Yoramə. Yoramə zû Ɔziasə. 9 Ɔziasə zû Yoatamə. Yoatamə zû Akazə. Akazə zû Ezekiasə. 10 Ezekiasə zû Manase. Manase zû Amɔnə. Amɔnə zû Joziasə. 11 Joziasə zû Yekɔniasə də alaye nə tə̂ alɔ ə̂në əndje kô azü əgɔ Isərayalə ə gû də əndje mâ lə ashɔ əgɔ Babilɔnə kɔ.

12 Mandânə ə̂në əndje kô azü əgɔ Isərayalə ə gû də əndje mâ lə əgɔ Babilɔnə kɔ, Yekɔniasə zû Salatialə. Salatialə zû Zorobabalə. 13 Zorobabalə zû Abihudə. Abihudə zû Eliakimə. Eliakimə zû Azɔrə. 14 Azɔrə zû Sadɔkə. Sadɔkə zû Akimə. Akimə zû Eliwudə. 15 Eliwudə zû Eleazarə. Eleazarə zû Matä. Matä zû Jakɔbə. 16 Jakɔbə zû Jozafu äkɔ̈ Marə̂, ə̂në tshə sə tə əyï Jezu, ə̂në əndje e ətshə Kristə kɔ.

17 Tə̂ äwä kə zu, ə vɔ̂tə̂ nə tə̂ Abraamo ʉrrr gâ tə̂ Davidə, alätä azü sə morofo amanə vəna. Tə̂ Davidə ʉrrr ə wûtu gâ tə̂ alɔ ə̂në əndje kô azü əgɔ Isərayalə ə gû də əndje mâ lə ashɔ əgɔ Babilɔnə kɔ, alätä azü sə morofo amanə vəna. Tə̂ alɔ ə̂në əndje kô azü əgɔ Isərayalə gu na ye mâ Babilɔnə kɔ ʉrrr gâ tə̂ Kristə, alätä azü sə morofo amanə vəna.

18 Äwä kə zu Jezu Kristə sə rəke. Əyï nə də Marə̂ sə tə yashe ə̂në Jozafu yîndə kə za ətshə. Bale, angbʉlînə ndə kə pa əndje ko tə̂ əndje, Marə̂ zâ əndu tə̂ äwä Âgbɔ̂ Yîrə̂. 19 Äkɔ̈ nə də Jozafu sə tə ə̂rɔ̂ əzü. Ə̂në tshə yî yində kə wutu də əpʉ nə gashu lə ala azü nɔ̂ ka ə za gana gâ lə ala əwɔ nə ne kɔ, tshə prâ äwä ndə kə katə̂ ye kʉ lə gə̂lê nə. 20 Ə̂në tshə sə pə kə tegbɔ kumu ye gâ pâ nə kɔ, ə̈bə̈ trawaya nə̂ Əyïlingû bʉ̂ gâ tə̂ ye lə ə̈lü ə pa: «Jozafu, ätä Davidə, awa ndə kə pa bə za əwɔ zə də Marə̂ ma əbə ma ne. Mbrə ə̂në əgblə nə ə̂në tshə zâ əndu ye kɔ nâ tə̂ äwä Âgbɔ̂ Yîrə̂. 21 Tshə sə kə zu əgblə koshe, bə sə kə dji əɨrɨ ye Jezu*, mbrə ə̂në ətshə kə sə kə tshɔ azü əgɔ nə̂ ye lə anyaka nə̂ əndje.»

22 Aərə sə̂ nɔ̂ wûtu ndə kə pa əpʉ ə̂në Əyïlingû pâ tə̂ äwä awopandəma Ndjapä kɔ, ndəma nə mbrə. Tshə pâ:

23 «Wü! Amvera ə̂në tshə wusə̂ akoshe wu ne sə kə za əndu ə zu əgblə koshe.

Əndje sə kə dji əɨrɨ ye Emanuwalə,

âdâ nə kə də̂: "Ndjapä sə lə takpa tə̂ əzə̂".»*

24 Alɔ ə̂në Jozafu jô lə əlo nə kɔ, tshə mâ ərə ə̂në trawaya nə̂ Əyïlingû nə zâ ama kə ətshə ndə kə pa tshə ma kɔ. Tshə zâ əwɔ nə gâ lə anda. 25 Bale, Jozafu də Marə̂ shô shô də koshe də yashe ne ʉrrr ndjɔ gâ tə̂ alɔ ə̂në Marə̂ nə zû ə̈bə̈ əgblə koshe â Jozafu djî əɨrɨ ye ə pa Jezu kɔ.