Seguir a Jesus

19 ಜೆಜುನ್ ತೆಂಕಾ, "ಮಾಜ್ಯಾ ವಾಂಗ್ಡಾ ಯೆವಾ, ಮಿಯಾ ತುಮ್ಕಾ ಮಾನ್ಸಾಕ್ನಿ ದೆವಾಚ್ಯಾ ರಾಜಾಕ್ಡೆ ಹಾನ್ತಲೆ ಕಶೆ ಮನುನ್ ಶಿಕ್ವುತಾ." ಮಟ್ಲ್ಯಾನ್. 20 ತನ್ನಾಚ್ ಸಿಮಾವಾನ್ ಅನಿ ಆಂದ್ರುನ್ ತೆಂಚಿ ಜಾಳಿ ಥೈಚ್ ಸೊಡ್ಲ್ಯಾನಿ ಅನಿ ಜೆಜುಚ್ಯಾ ವಾಂಗ್ಡಾ ಗೆಲ್ಯಾನಿ.

ಜೆಜು ಮಾತೆವಾಕ್ ಬಲ್ವುತಾ

9 ಜೆಜು ತೊ ಜಾಗೊ ಸೊಡುನ್ ಚಲುನ್ಗೆತ್ ಜಾತಾನಾ, ತೆರ್‍ಗಿ ವಸುಲಿ ಕರುಕ್ ಅಪ್ನಾಚ್ಯಾ ಜಾಗ್ಯಾರ್ ಬಸಲ್ಲ್ಯಾ ಮಾತೆವ್ ಮನ್ತಲ್ಯಾ ತೆರ್‍ಗಿ ವಸುಲಿ ಕರ್‍ತಲ್ಯಾಕ್ ತೆನಿ ಬಗಟ್ಲ್ಯಾನ್, ಜೆಜುನ್ ತೆಕಾ "ಮಾಜ್ಯಾ ವಾಂಗ್ಡಾ ಯೆ" ಮಟ್ಲ್ಯಾನ್.

ತನ್ನಾ ಮಾತೆವ್ ಉಟ್ಲೊ ಅನಿ ತೆಚ್ಯಾ ವಾಂಗ್ಡಾ ಗೆಲೊ.

ಜೆಜು ಫಿಲಿಪಾಕ್ ಅನಿ ನಾಥಾನಾಯೆಲಾಕ್ ಬಲ್ವುತಾ

43 ದುಸ್ರೆಂದಿಸಿ ಜೆಜುನ್ ಗಾಲಿಲಿಯಾಕ್ ಜಾವ್ಚೆ ಮನುನ್ ನಿರ್‍ದಾರ್ ಕರ್ಲ್ಯಾನ್, ತನ್ನಾ ತೆಕಾ ಫಿಲಿಪ್ ಗಾವ್ಲೊ. ತೆಕಾ ಜೆಜುನ್ "ಮಾಜ್ಯಾ ಫಾಟ್ನಾ ಯೆ!" ಮಟ್ಲ್ಯಾನ್.

ಜೆಜುಚೊ ವಾಂಗ್ಡಿ ಹೊತಲ್ಯಾಂಚೆ ಪರಿನಾಮ್

57 ತೆನಿ ವಾಟೆನ್ ಜಾತಾನಾ, ಎಕ್ ಮಾನುಸ್ ಯೆವ್ನ್ ಜೆಜುಕ್ "ತಿಯಾ ಖೈ ಜಾತೈ ಥೈ ಮಿಯಾ ತುಜ್ಯಾ ವಾಂಗ್ಡಾ ಯೆತಾ" ಮಟ್ಲ್ಯಾನ್.

58 ತನ್ನಾ ಜೆಜುನ್ ತೆಕಾ "ಕೊಲ್ಯಾಕ್ನಿ ಢೊಂಬಾ ಹಾತ್, ಅನಿ ಫಾಂಕ್ರಾಕ್ನಿ ಘಂಟೆ ಹಾತ್, ಖರೆ ಮಾನ್ಸಾಚ್ಯಾ ಲೆಕಾಕ್ ಟಕ್ಲೆ ಠೆಕುಕ್ ಸೈತ್ ಜಾಗೊ ನಾ" ಮಟ್ಲ್ಯಾನ್.

59 ತನ್ನಾ ಅನಿಎಕ್ ಮಾನ್ಸಾಕ್ ಜೆಜುನ್ "ತಿಯಾ ಮಾಜ್ಯಾ ಫಾಟ್ನಾ ಯೆ!" ಮಟ್ಲ್ಯಾನ್. ಖರೆ ತೆನಿ "ಗುರುಜಿ, ಅದ್ದಿ ಮಿಯಾ ಜಾವ್ನ್ ಮಾಜ್ಯಾ ಬಾಬಾಕ್ ಮಾಟಿ ದಿವ್ನ್ ಯೆತಾ" ಮಟ್ಲ್ಯಾನ್.

60 ತನ್ನಾ ಜೆಜುನ್ ತೆಕಾ "ಮರಲ್ಲೆಚ್ ಮರಲ್ಲ್ಯಾಕ್ನಿ ಮಾಟಿ ದಿಂವ್ದಿತ್. ತಿಯಾ ಜಾ ಅನಿ ದೆವಾಚ್ಯಾ ರಾಜಾಚ್ಯಾ ವಿಶಯಾತ್ ಲೊಕಾಕ್ನಿ ಸಾಂಗ್" ಮಟ್ಲ್ಯಾನ್.

61 ಕೊನ್ಕಿ ಅನಿ ಎಕ್ಲ್ಯಾನ್ "ಗುರುಜಿ, ಮಿಯಾ ತುಜ್ಯಾ ಫಾಟ್ನಾ ಯೆತಾ, ಖರೆ ಅದ್ದಿ ಜಾವ್ನ್ ಮಾಜ್ಯಾ ಘರಾಚ್ಯಾ ಲೊಕಾಕ್ನಿ ಮಿಯಾ ಜಾವ್ಕ್ ಲಾಗ್ಲಾ ಮನುನ್ ಸಾಂಗುನ್ ಯೆತಾ" ಮಟ್ಲ್ಯಾನ್.

62 ತನ್ನಾ ಜೆಜುನ್ ತೆಕಾ "ನಾಂಗ್ರಾಕ್ ಹಾತ್ ಧರುನ್ ಫಾಟಿ ಪರ್ತುನ್ ಬಗ್ತಲ್ಯಾಕ್ ದೆವಾಚ್ಯಾ ರಾಜಾತ್ ಕಾಮ್ ಕರ್‍ತಲಿ ಮರ್‍ಯಾದ್ ನಾ", ಮಟ್ಲ್ಯಾನ್.

24 ತನ್ನಾ ಜೆಜುನ್ ಅಪ್ನಾಚ್ಯಾ ಶಿಸಾಕ್ನಿ, ಜೆ ಕೊನಾಕ್ ಮಾಜ್ಯಾ ವಾಂಗ್ಡಾ ಯೆವ್ಕ್ ಮನ್ ಹಾಯ್ ತರ್ ತೆನಿ ಅಪ್ನಾಕುಚ್ ಇಸ್ರುನ್, ಕಸ್ಟ್ ಸೊಸುಕ್ ಅನಿ ಮರುಕ್ ಸೈತ್ ತಯಾರ್ ರ್‍ಹಾವ್ಚೆ, ಅನಿ ಮಾಜ್ಯಾ ಫಾಟ್ನಾ ಯೆವ್ಚೆ.

26 ಮಾಜ್ಯಾ ವಾಂಗ್ಡಾ ಯೆತಲೊ ಹರ್ ಎಕ್ಲೊ, ಅಪ್ನಾಚ್ಯಾ ಬಾಬಾಚ್ಯಾನ್ಕಿ, ಬಾಯ್ಚ್ಯಾನ್ಕಿ, ಬಾಯ್ಕೊ ಅನಿ ಪೊರಾಚ್ಯಾನ್ಕಿ, ಭಾವಾ ಭೆನಿಯಾಂಚ್ಯಾನ್ಕಿ, ಅನಿ ಅಪ್ನಾಚ್ಯಾನ್ಕಿ ಜಾಸ್ತಿ ಜೆ ಕೊನ್ ಮಾಜೊ ಪ್ರೆಮ್ ಕರಿನಾ ತೊ ಮಾಜೊ ಶಿಸ್ ಹೊವ್ಕ್ ಹೊಯ್ನಾ. 27 ಜೆ ಕೊನ್ ಅಪ್ನಾಚೊ ಕುರಿಸ್ ವಾವುನ್ ಘೆವ್ನ್ ಮಾಜ್ಯಾ ಫಾಟ್ನಾ ಯೆಯ್ನಾ, ತೊ ಮಾಜೊ ಶಿಸ್ ಹೊವ್ಕ್ ಹೊಯ್ನಾ.

28 ತನ್ನಾ ಪೆದ್ರುನ್ "ಅಮಿ ಜಾಲ್ಯಾರ್ ಅಮ್ಚೆ ಸಗ್ಳೆ ಸೊಡುನ್ ತುಜ್ಯಾ ಫಾಟ್ನಾ ಹಾಂವ್" ಮಟ್ಲ್ಯಾನ್. 29 ತನ್ನಾ ಜೆಜುನ್ "ಹೊಯ್, ಮಿಯಾ ತುಮ್ಕಾ ಸಾಂಗ್ತಾ, ಮಾಜೆ ಸಾಟ್ನಿ ಅನಿ ದೆವಾಚ್ಯಾ ಬರ್ಯಾ ಖಬ್ರೆ ಸಾಟ್ನಿ, ಅಪ್ನಾಚೆ ಘರ್ ಹೊಂವ್ದಿ, ಭಾವಾಕ್ನಿ-ಭೆನಿಯಾಕ್ನಿ ಹೊಂವ್ದಿ, ಬಾಯ್ಕ್-ಬಾಬಾಕ್ ಹೊಂವ್ದಿ, ಪೊರಾಕ್ನಿ ಹೊಂವ್ದಿ, ಶೆತ್ ಹೊಂವ್ದಿ, ಜೊ ಮಾನುಸ್ ಸೊಡುನ್ ಯೆತಾ, 30 ತೆಕಾ ಶೆಂಬರ್ ವಾಟ್ಯಾನಿ ಗಾವ್ತಾ, ತವ್ಡೆಚ್ ನ್ಹಯ್ ಹ್ಯಾ ದುನಿಯಾತ್ ಪಾಜೆ ತವ್ಡಿ ಘರಾ, ಭಾವಾ, ಭೆನಿಯಾ, ಅವ್ಸಿಯಾ, ಪೊರಾ ಅನಿ ಶೆತ್ ಗಾಂವ್ತಾ ಅನಿ ಹೆಂಚ್ಯಾ ವಾಂಗ್ಡಾ ತ್ಯಾ ಮಾನ್ಸಾಕ್ ತರಾಸ್ಬಿ ಹಾಯ್. ಅನಿ ಹೆ ಸೊಡ್ಲ್ಯಾರ್ ಫಿಡೆ ಯೆತಲ್ಯಾ ಕಾಲಾತ್ ನಿರಂತರ್ ಜಿವನ್ಬಿ ತೆಕಾ ಗಾವ್ತಾ. 31 ಅತ್ತಾ ಜೆ ಕೊನ್ ಲೈ ಖಾಯ್ಲ್ಯಾ ಜಾಗ್ಯಾರ್ ಹಾತ್ ತೆನಿ ಎಗ್ದಮ್ ವೈರ್ ಹೊತ್ಯಾತ್, ಅನಿ ಅತ್ತಾ ಕೊನ್ ವೈಲ್ಯಾ ಜಾಗ್ಯಾರ್ ಹಾತ್ ತೆನಿ ಖಾಲ್ತಿ ಹೊತ್ಯಾತ್." ಮನುನ್ ಸಾಂಗಟ್ಲ್ಯಾನ್.

ಜೆಜು ಜಗಾಚೊ ಉಜ್ವೊಡ್

12 ಜೆಜುನ್ ಅನಿ ಪರ್ತುನ್ ಲೊಕಾಂಚ್ಯಾಕ್ಡೆ ಬೊಲುನ್ ಅಶೆ ಮಟ್ಲ್ಯಾನ್ "ಮಿಯಾಚ್ ಜಗಾಚೊ ಉಜ್ವೊಡ್ ಜೊ ಕೊನ್ ಮಾಜಿ ಫಾಟ್ ಧರ್ತಾ ತೊ ಕಾಳ್ಕಾತ್ ಚಲಿನಾ, ಖರೆ ತೆಕಾ ಜಿವಿತಾಚೊ ಉಜ್ವೊಡ್ ಘೆವ್ನ್ ರ್‍ಹಾತಾ".

26 ಜೆ ಕೊನಾಕ್ ಮಾಜಿ ಸೆವಾ ಕರುಕ್ ಪಾಜೆ ತೊ ಮಾಜ್ಯಾ ಫಾಟ್ನಾ ಯೆಂವ್ದಿತ್, ಅಶೆಚ್ ಮಿಯಾ ಖೈ ರ್‍ಹಾತಾ ಥೈ ಮಾಜೊ ಸೆವಕ್ ಬಿ ರ್‍ಹಾತಾ. ಅನಿ ಮಾಜೊ ಬಾಬಾ ಮಾಜಿ ಸೆವಾ ಕರ್‍ತಲ್ಯಾಕ್ ಮಾಜೊ ಬಾಬಾ ಭೊಮಾನ್ ದಿತಾ".

21 ಹೆಚ್ಯಾ ಸಾಟ್ನಿ ಬಲ್ವುನ್ ಹೊಲಾ ಕ್ರಿಸ್ತಾನ್ ಬಿ ತುಮ್ಚ್ಯಾ ಸಾಟ್ನಿ ಕಸ್ಟ್ ಹೊವ್ನ್ ಹಾಯ್ ತೆಚ್ಯಾ ಸಾಟ್ನಿ ತುಮಿ ತೆಚ್ಯಾ ಸಾರ್ಕೆ ಚಲುಚೆ ಕ್ರಿಸ್ತಾಚ್ಯಾ ಸಾರ್ಕೆಚ್ ಕರುಚೆ. 22 ತೆನಿ ಕಸ್ಲೆ ಬಿ ಪಾಪ್ ಕರುಕ್ ನಾ, ತೆಚ್ಯಾ ತೊಂಡಾತ್ನಾ ಕಸ್ಲಿ ಬಿ ಝುಟೆ ಬೊಲ್ನೆಬಿ ಯೆವ್ಕ್ ನಾ. 23 ತೆಕಾ ಅವ್ಮಾನ್ ಕರಲ್ಲ್ಯಾ ತನ್ನಾ ತೆನಿ ಫಾಟಿ ಜವಾಬ್ ದಿವ್ನ್ ಅವ್ಮಾನ್ ಕರುಕ್ನಾ, ತೆಕಾ ಕಸ್ಟ್ ದಿಲ್ಲ್ಯಾ ತನ್ನಾ ತೆನಿ ಧಮ್ಕಿ ದಿವ್ಕ್ ನಾ, ಖರೆ ತೆನಿ ಅಪ್ನಾಕುಚ್ ದೆವಾಚ್ಯಾ ಬರೊಸ್ಯಾ ವೈರ್ ಸೊಡುನ್ ದಿಲ್ಯಾನ್ ತೊ ದೆವ್ ನಿಯತ್ತಿಚೊ ಹೊವ್ನ್ ಹಾಯ್.

15 ಹೆಚ್ಯಾ ಬದ್ಲಾಕ್ ಪ್ರೆಮಾನ್ ಭರಲ್ಲ್ಯಾ ಆತ್ಮ್ಯಾಕ್ ಖರೆ ಹೊತ್ತೆ ಬೊಲುನ್ ಟಕ್ಲೆ ಹೊವ್ನ್ ಹೊತ್ತ್ಯಾ ಕ್ರಿಸ್ತಾತ್ ಸಗ್ಳ್ಯಾ ವಾಟೆನಿ ವಾಡ್ವಳ್ಕಿ ಹೊವ್ಚೆ.