O Senhor é o meu pastor

11 "Aku ya madyaw na magdadiyaga͡ay sa manga karniro. Kay ya madyaw na magdadiyaga͡ay, gayed nan pag-atag ya kanan pagka-utawun pangkay pa adti pagkamatay pada tamengan ya kanan manga karniro.

14 Manang aku ya madyaw na magdadiyaga͡ay sa manga karniro. Kya-ede-an ku ya kanak manga karniro aw kya-ede-an aku nilan uman, 15 kasiling saba na nya-edeꞌ ya Ama kanak aw aku uman nya-edeꞌ kanan. Aw gayed ku pig-atag ya kanaken pagka-utawun pangkay pa adti pagkamatay pada tamengan ku ya kanak manga karniro. 16 Na, awun pa uman manga eped na karniro ku na walaꞌ pa asini toril ini. Ka-ilangan ku gagaden silan uman adti seled. Magpakanyeg silan kanak, aw ya kadég na magpakanyeg kanak, ma-imoꞌ silan sambuk na ugbungan na sambuk oloꞌ ya magdadiyaga͡ay kanilan.

2 Manang ya magi dun ni gisakan, yan ya magdadiyaga͡ay sa manga karniro. 3 Asuntu na yan ya magdadiyaga͡ay, uwangan kanan na magtatunggu-ay ya tatakep. Aw sa pagtawag nan sa ngalan na tagsambuksambuk na karniro nan, kilala͡en nilan ya kanan tingeg, aw dayaw nan silan alladan adti luwaꞌ na toril. 4 Aw sa pagluwaꞌ da na kadég na karniro nan, magma-una sakanan kanilan. Aw dumalug silan kanan kay kyilala nilan ya tingeg nan.

25 Idtu muna kasiling kamu na manga karniro na nyakasuway, manang adun, nyakalikuꞌ da kamu adti Magdadiyaga͡ay aw Magtatunggu-ay kamayu.

4 Yanagaw, sa pagdateng ni Jisu-Kristu na Matas na Magdadiyaga͡ay, madawat mayu ya korona na to-o madyaw na diliꞌ magkalanes aw diliꞌ maglubad.*