Servir

45 कऊँकि आँऊ माणूं रा पुत्र इजी खे नि आया कि मेरी सेवा करो, बल्कि इजी खे आया कि से आपू सेवा करो और बऊत जणेया छुड़ाणे खे आपणा प्राण देई देओ।"

28 जेड़ा की माणूं रा पुत्र, से इजी खे नि आयी रा कि तेसरी देख-बाल़ करो, पर इजी खे आयी रा कि से देख-बाल़ करो और बऊत जणेया खे छुड़ाणे री खातर आपणे प्राण देई देओ।"

26 पर तुसा बीचे एड़ा नि ऊणा; पर जो कोई तुसा बीचा ते बड़ा ऊणा चाओआ, से तुसा रा दास बणो 27 और जो तुसा बीचा ते प्रदान ऊणा चाओआ, से तुसा रा दास बणो।

14 जे मैं प्रभु और गुरू ऊई की तुसा रे पैर तोये, तो तुसा बी नम्र ऊई की एकी दूजे रे पैर तोणे चाईयो।

35 तेबे यीशुए आपणे बारा चेले बुलाए और बोलेया, "जे कोई बड़ा ऊणा चाओआ तो, सबी ते छोटा और सबी रा सेवक बणो।"

15 ओर जे यहोवे री सेवा करनी तुसा खे बुरी लगो, तो आज चूणी लो कि केसरी सेवा करोगे, चाए तिना देवतेया री जिना री तुसा रे बुजुर्ग फरात नदिया रिया पच्छमा रिया जगा दे करो थे ओर चाए एमोरिया रे देवतेया री सेवा करो जिना रे देशो रे तुसे रओए, पर मां आपणे टब्बरो समेत सदा यहोवे री ई सेवा करनी।

5 बस एते गल्ला री पूरी चौकसी करना कि जो-जो आज्ञा ओर बिधान परमेशरो रे दास मूसे तुसा खे देई राखे तिना खे मानी की आपणे परमेशर यहोवे ते प्यार राखो, तेसरी बाटा दे चलो, तेसरी आज्ञा मानो, तेसरी भक्तिया रे लगे दे रओ ओर आपणे सारे मन ओर सारे प्राणो ते तेसरी सेवा करो।"

परमेशरो री माँग

12 एबे ओ इस्राएल, तेरा परमेशर यहोवा इजी ते अलावा तांते ओर क्या चाओआ कि तूँ आपणे परमेशर यहोवे रा डर मानो ओर तेसरी आज्ञा रे मुताबिक चलो ओर तेसते प्यार राखो ओर आपणे पूरे मन ओर सारे प्राणो ते तेसरी सेवा करो।* 13 ओर यहोवे रिया जो-जो आज्ञा ओर बिदिया आऊँ आज ताखे सुणाऊँआ तिना खे मान, जेते की तेरा पला ओ।

4 तुसे आपणे परमेशर यहोवे पीछे चलणा, तेसरा डर मानणा, तेसरी आज्ञा मानणी, तेसरी आज्ञा पाँदे चलणा, तेसरा वचन मानणा, तेसरी आराधना करनी ओर तेस साथे ई विश्वासो दे बणे दे रणा।

11 कड़ी मईणत करो और आल़सी नि बणो। आत्मिक खुशिया ते परे रे रओ, प्रभुए री सेवा करदे रओ।

14 तो मसीह रा खून जिने आपणे आपू खे अनन्त कालो री आत्मा रे जरिए परमेशरो सामणे निर्दोष चढ़ाया, तुसा रा विवेक मरे रे कामो ते कऊँ नि शुद्ध करना, ताकि तुसे जिऊँदे परमेशरो री सेवा करो।

13 ओ साथी विश्वासियो, तुसे परमेशरो रे जरिए आजाद ऊणे खे बुलाई राखे, पर एड़ा नि ओ कि ये आजादी शरीरो रे पापी सबाओ री इच्छा खे पूरा करने रा मौका बणो, बल्कि प्यारो साथे एकी-दूजे रे दास बणो।

16 तुसे लोक एबे पापो रे गुलाम निए कऊँकि प्रभु यीशुए तुसे पईले ई पापो ते आजाद करी ते रे। पर एसा आजादिया खे आपणे आपू खे बुराईया री आड़ नि बणाओ। पर अच्छे काम करी की ये दखाओ कि तुसे सच्ची ई परमेशरे रे दास ए।

26 जे कोई मेरी सेवा करो, तो मां पीछे आयी जाओ और जेती आऊँ ऊणा, मेरा सेवक बी तेथी रणा और जो मेरी सेवा करोआ, मेरा पिता तेसरा आदर करोआ।

परमेशर और धन

24 "कोई बी माणूं एकी बखतो रे दो मालका री सेवा नि करी सकदा, कऊँकि तेस एकी साथे प्यार और दूजे साथे बैर राखणा या एकी साथे मिले रा रणा और दूजा तेस तुच्छ जाणना। तुसे परमेशर और धन दुँईं री सेवा नि करी सकदे।

13 और ना आपणे शरीरो रे अंगा खे अधर्मो रा अथियार ऊणे खे पापो खे सम्बाल़ो, पर आपणे आपू खे मरे रेया बीचा ते जी उठे रा जाणी की आपणी जिन्दगी परमेशरो गे सम्बाल़ो और आपणे शरीरो रे अंगा खे तर्मो रा अथियार ऊणे खे आपणी पूरी जिन्दगी परमेशरो गे सम्बाल़ी देओ।

21 तेसरे मालके तेसखे बोलेया, ‘धन्य ए तूँ, खरे और विश्वास जोगे दास, तूँ थोड़े रेई विश्वासो जोगा रया, मां तूँ बऊत चीजा रा अक्कदार बनाणा, आओ मां साथे खुशिया रे शामिल ओ।’

58 तो ओ मेरे साथी विश्वासियो, विश्वासो रे पक्के और अटल बणे रे रओ और प्रभुए रे कामो रे सदा बढ़दे जाओ, कऊँकि तुसे जाणोए कि प्रभुए रे तुसा री मईणत बेकार निए।

16 पूरा पवित्र शास्त्र परमेशरो री प्रेरणा ते रचेया राए। ये पवित्र शास्त्र उपदेश देणे, गल़ती करने पाँदे डांटणे खे, सुदारने और धार्मिकता री शिक्षा खे फायदेमंद ए। 17 ताकि परमेशरो रा जन हर एक खरे कामो खे करने जोगा बणो और त्यार रओ।

23 जे तुसे सेई करोए जो प्रभु चाओआ,

तो तेस तेरिया बाटा दे तेरी रक्षा करनी।

22 यहोवे तिना रे प्राण बचाणे जो तेसरी सेवा करोए।

ओर जो तेस पाँदे परोसा राखोए,

तिना बीचा ते तेस कोई बी दोषी नि ठराणा।