Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
तेखअ बणाऐं बिधाता मणछ आपणैं रुपै आप्पू ज़िहै, तिंयां बणाऐं बिधाता मर्ध अर बेटल़ी दूई रुपै।
बिधाता दैनी तिन्नां लै बर्गत, संघा बोलअ तिन्नां लै इहअ, "फल़ा-फूला संघा भर्हिया सारी पृथूई दी अर समुंदरे म्हाछ़ली, सरगे च़ेल्लू-पखीरू, ज़ुंण ज़ीब धरती दी हांढा-फिरा तिन्नां करा आपणैं काबू तेथ दी आसा थारअ हक।"
तैही रहणअ मर्ध आपणैं ईजा-बाबा छ़ाडी आपणीं लाल़ी संघै मिली अर तिंयां दुहै हणैं एक देही।
ईशू दैनअ तिन्नां लै ज़बाब, "तम्हैं कै इहअ पहल़अ निं आथी कि ज़ुंणी तिंयां बणाऐं, तेऊ बणाऐं तिंयां शुरू ई का मर्ध अर बेटल़ी, संघा बोलअ तिन्नां लै इहअ,
"तैही रहणैं तिंयां आपणैं ईजा-बाबा का ज़ुदै आपणीं बेटल़ी संघै, अर तिंयां दुहै हणैं एक देही? तैही निं तिंयां ऐबै दूई देही आथी पर तिंयां रहा एक देही बणी। इहअ करै ज़ुंण परमेशरै आसा ज़ोल़ै दै, तिन्नां ज़ुदै करदै निं तम्हैं लागा।"
खारकी अमरा लोल़ी तेरी लाल़ी ताल्है भरी कुहै ज़ेही बर्गत हुई,
तूह रहै तैहा ई संघै खुश अर मगन।
सह लोल़ी ताल्है हरनी ज़ेही लोभणैं आल़ी हुई,
तेसे हिक्का भाल़ी लोल़ी तेरअ शाह हरअ फिरअ
अर तम्हैं लोल़ी एकी-दुजै लै खास्सै झ़ूरै।
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
बैहो करनअ सोभी अदर, अर आपणीं ज़िन्दगीए साथी संघै रहणअ शुचै-पाक्कै अर नर्दोश किल्हैकि परमेशरा दैणीं कंज़रै अर पराई बेटल़ी सेटा डेऊणैं आल़ै लै सज़ा।
बेटल़ी लोल़ी आपणैं मर्धो हक पूरअ किअ, अर हर मर्ध करै आपणीं बेटल़ीओ हक पूरअ। बेटल़ी लै निं आपणीं देही दी हक आथी, पर तेसे देही दी आसा तेसे मर्धो हक, अर तिहअ ई आसा मर्धा लै बी कि तेऊ लै बी निं आपणीं देही दी हक आथी, तेऊए देही दी आसा तेऊए बेटल़ीओ हक।
पर ज़ै तिंयां आपणीं देहीए भुख आपणैं बशै निं करी सकदै, तेता का आसा तिन्नों बैह करनअ भलअ, किल्हैकि बैह करनअ आसा कंझ़रनै हणैं का बित्तअ।
तम्हैं बिधाता बैहे बधाना करै मर्ध-बेटल़ी एक देही हणां लै निं आथी बणाऐं दै? थारी देही अर आत्मां आसा दुहै बिधाते। तै किज़ू लै किऐ बिधाता तम्हैं कठा? सह च़ाहा इहअ कि थारी लुआद होए अर तिंयां बी बिधाता लै होए। तैही सोठा राम्बल़ै करै कि तम्हैं केही ज़िन्दगी ज़िऊआ। तम्हैं निं आपणीं बेटल़ी संघै विश्वास घात करी ज़हा संघै भर ज़ुआनी थारअ बैह आसा हुअ द।
तम्हां का आसा थोघ कि थारी देही आसा मसीहे आंग। तै हुंह तेऊ आंगा ज़ुंण मसीहो आसा तेता कै हुंह कंज़री बेटल़ी संघै करूं साझ़ू? इहअ निं हई सकदअ!
अह आसा पबित्र शास्त्रा दी लिखअ द, "तिंयां दूई हणैं एक देही।" तम्हां का लोल़ी ऐहा गल्लो थोघ हुअ कि ज़ुंण कंज़री बेटल़ी संघै साझ़ू हआ सह हआ तैहा संघै एक देही।
ज़ुंण प्रभू संघै साझ़ डाहा तेऊए आत्मां अर प्रभूए आत्मां हआ एक।
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
कंज़रैई करनै का रहा दूर! देही दी निं होर पाप तेतरअ असर करदै ज़ेतरअ अह पाप करा। कंज़रैई करनै आल़अ मणछ करा आपणीं देहीए खलाफ पाप।
तम्हां का आसा थोघ कि थारी देही आसा भबन ज़ेथ पबित्र आत्मां बस्सा ज़ुंण तम्हां लै परमेशरै आसा दैनी दी, थारअ मालक आसा परमेशर। किल्हैकि परमेशरै आसा तम्हां लै खास्सी किम्मत दैनी दी, ज़धू तेऊ मसीहा ईशू बल़ीदान हणां लै छ़ाडअ, तै बोला हुंह तम्हां लै कि ऐहा आपणीं देही करै रहैऊआ परमेशरो प्रतप्प।
किल्हैकि परमेशर च़ाहा इहअ कि तम्हैं हआ पबित्र मतलब-कंज़रैई का रहै दूर अर तम्हां मांझ़ै लोल़ी सोभी का थोघ हुअ कि आपणीं बेटल़ी संघै किहअ करै रहणअ, ज़िहअ करै तेसो अदर हआ अर तैहा छ़ाडी बागै डेऊणेओ पाप निं करी। एऊ कामां निं सिधअ आपणीं देही खुश करने च़ाहा पूरी करना लै करी, अर नां तिन्नां होरी ज़ाती ज़िहअ हई ज़हा का परमेशरो थोघ निं आथी।
ज़िहअ पबित्र लोगा लै ज़रूरी आसा, तिहअ ई निं तम्हैं बी कंज़रैई, छ़ोत लागणै आल़ै काम या मांण करनै ज़ेही निं गल्ला बी करा।
पर हुंह बोला तम्हां लै इहअ, ज़ुंण कहा बेटल़ी लै कंज़री नदर बी दैए, सह गअ मन्नैं ई मन्नैं तैहा संघै कंझ़रूई।
हाम्हां लागा आपणअ च़ाल-च़लण ऐबै इहअ शुचअ करनअ ज़िहअ एक मणछ प्रैश्शै दी हांढा नां कि न्हैरै दी हांढणै आल़ै मणछा ज़िहअ, सुहांग-मखौल, शूर-शराब, कंज़रैई, दुजै भाल़ी ज़ल़ण करनी, निक्कै काम अर लल़ाई-झ़गल़ै करनै।
"आपणीं बेटल़ी छ़ाडी होरी संघै सुत्ती कंज़रैई निं करी।
"तम्हैं निं आपणैं कोही रिश्तैदारा संघै कंझ़रूई। हुंह आसा बिधाता। खासकर आपणीं ईजा संघै रही निं कंझ़रूई ज़ुंण थारै बाबे देही आसा, सह आसा थारी ईज, तेता करै हणीं थारै बाबे बेइज़ती। ज़ुंण थारै बाबे होर लाल़ी होए आणी दी, तिन्नां संघै रही बी निं हील़ी-हास्सी, तिंयां बी आसा तम्हां लै ईजा ई ज़ेही।
"नां तम्हैं आपणीं दाई-च़ेई संघै रही हील़ी-हास्सी, च़ाऐ सह सक्की होए या काकी, च़ाऐ तम्हैं कठा होए धाचै दै या ज़ुदै।
"नां तम्हैं आपणीं पोची या धैऊची संघै रही हील़ी-हास्सी करी, थारअ आसा एक्कै हाड। थारी काकी दाई-च़ेई ज़ुंण थारी काकी माए आसा हुई दी, तिन्नां संघै रही बी निं कंझ़रूई।
"आपणीं बुबी अर आपणीं माऊसी संघै रही बी निं कंझ़रूई, किल्हैकि तिंयां आसा थारी ईजा अर थारै बाबे सक्की बैहणी। नां आपणीं च़ाच़ी संघै रही हील़ी-हास्सी, तेता करै हआ थारै च़ाच़ूए बेइज़ती। आपणीं नुशा संघै रही बी निं कंझ़रूई, सह आसा थारै शोहरूए बेटल़ी। नां आपणीं भाभी संघै रही कंझ़रूई, सह आसा थारै ज़ेठै भाईए देही।
"ज़हा बेटल़ी संघै रही तम्हैं पैहलै कधू कठा सुत्ती किज़ै किअ द बी होए, तिन्नें शोहरी, पोची अर धैऊची संघै रही बी निं कंझ़रूई। तिंयां आसा थारै सक्कै रिश्तैदार अर इहअ करनअ आसा माहा पाप। आपणीं लाल़ीए ज़िऊंदी ज़िता निं तैहा लै साल़ी संघै दुजअ बैह करी आफ़त पाई।
"ज़ेभै कुंण बेटल़ी ऋता न्हैऊई दी होए, तैहा संघै बी निं सुत्ती किल्हैकि सह आसा छ़ोतली।
"होरी भाई-बंधे बेटल़ी संघै रही बी निं कंझ़रूई, तेऊ पाप कर्मा करै लागणीं तम्हां छ़ोत।
"नां कनानी लोगा ज़िहअ आपणैं शोहरूओ मोलक देअआ लै आगी दी हूम करी। हुंह आसा थारअ परमेशर बिधाता अर मुंह निं नकदरै करी।
"ज़िहै बेटल़ी संघै सुत्ती एकी दुजे झ़ूरी दी डुबा, तिहअ निं मर्ध-मर्ध आप्पू मांझ़ै करी, हुंह करा इहै च़िल़्हखरै कामां का नफरत।
"नां कुंण मर्ध या बेटल़ी कहा पशू संघै रही आपणैं गुप्त आंगे भुख शेऊई छ़ोतलै हई। एही उंबल़ी गल्ला निं हुंह मंदअ।
तिंयां गऐ आप्पू लै बडै समझ़कार समझ़ी ऐडै बणी, अर तिन्नैं किई अमर परमेशरे प्रतप्पा छ़ाडी खतम हणैं आल़ै मणछ, च़ेल्लू-पखीरू, च़ऊ ज़ांघा हांढणै आल़ै अर रिंगणै आल़ै ज़ीबे मुहुर्तीए च़ाकरी।
तैही आसा परमेशरै बी तिंयां देहीए साबै तिन्नें दिला-मन्नें मरज़ी दी कंझ़रदै दैनै दै छ़ाडी, कि तिंयां आप्पू एकी-दुजै संघै छ़ोतलै काम करे। किल्हैकि तिन्नैं बणाअं परमेशरो सत्त बदल़ी करै झ़ुठअ, अर तिन्नैं किई परमेशरे बणाईं दी च़िज़े च़ाकरी अर च़ाकरी नां कि तेऊ संसार बणाणैं आल़ै परमेशरे च़ाकरी किई ज़ुंण सोभी बणाणैं आल़अ आसा अर ज़सरी हाम्हां सदा ज़ै-ज़ैकार लागा करनी। एवमस्तू।
तैही दैनै परमेशरै तिंयां च़िल़्हखरै कंज़रैईए काम करदै छ़ाडी, इधी तैणीं कि तिन्नें बेटल़ी बी बदल़अ आपणअ बभार ज़ुंण तेऊ असली सभाबा का उंबल़अ आसा तिन्नैं छ़ाडअ आपणैं लाल़ै संघै सुत्तणअ अर तिंयां लागी आप्पू मांझ़ै कंझ़रदी।
तिहै ई मर्ध बी आसा आपणीं बेटल़ी संघै सुत्तणै छ़ाडी लागै दै आप्पू मांझ़ै कंझ़रदै। होर ता होर मर्ध आसा लागै दै मर्धा संघै आप्पू मांझ़ै कदुष्ट कामां करदै। इना शर्मिंदै करनै आल़ै कामां लै आणा तिंयां आप्पू लै घोर सज़ा ज़ुंण तिन्नां भेटी बी लोल़ी।