Sexo

27 Bhahe, Chapanga ngapangina mundo jhukulandana najwene, na kukulandana na Chapanga ngapangina munalome na mwikeghe. 28 Chapanga ngabhapila mota nu kulonge, "Mmelekane mukajhonjekeke na kubhehe ndii mukautweleya nnema nu kuilongocha homba yumbwane na ijhune yukunane na kila kihumbe chikibhii ghome pannema."

24 Ndi mana munalome nabhaleka majhe na tate mundo na kulombana na nhwanamundo, na bhabhele bhena bhabhehe yegha jhimo.

4 Yecho ajhakujhanguu, "Bho, mukachomite ndeka Majhandiko gha Chapanga, kuhumii makacho Chapanga akapangine mundo munalome na mwikeghe? 5 Peniya Chapanga alongela, ‘Kwa nhwalo ghongo munalome nanneka tate mundo na majhe mundo, nalombana na nhwana mundo, na bhoha bhabhele nabhabha yegha jhimo.’ 6 Bhahe, bheniya bhabhele jhe, nambo nabhabha yegha jhimo. Chalombaniche Chapanga, abhii jhe mundo jwakulekanicha."

4 Ipalwa bhando bhibhatoline bhahechimimwa na bhando bhoha, bhipalwa jhe kutenda ngongola na mundo jhonge. Chapanga nabhahadabula bhibhakena na ngongola.

3 Munalome ahenge ghighapalwa kuhenga kwa nhwana mundo, na jwenio nhwana mundo ahenge ghighapalwa kuhenga kwa ungana mundo. 4 Nhwana mundo akwete jhe kindendeke panane jha yegha jhake, nambo ungana mundo akwete, helahela na jwenio munalome, akwete jhe kindendeke panane jha yegha jhake, nambo nhwana mundo akwete.

9 Nambo anda mundo ahoto jhe kuhimbilila, atolele, amu atolelwe mbaha kutolela amu kutolelwa kuliku kupala ngongola.

15 Bho, mmanyitii jhe yegha hino ndi ihungo ya Kilichitu? Bho, miwacha nihoto kutola chehemo jha yegha jha Kilichitu na kuitenda kubhehe chehemo jha yegha jha mundo jwatenda ngongola? Nahi jhe! 16 Bho, umanyite jhe, jwalombana na mwikeghe jwatenda ngongola bhabhii yegha jhimo? Ngita chijhandikwe mu Majhandiko gha Chapanga, "Na bheniya bhabhele nabhabha yegha jhimo." 17 Nambo jhola jwalombana na Bhambo bhabhehe pamonga ki Uhuke.

18 Mibhambale ngongola. Uhakaho ghoha ghonge ghuhengwa panja jha yegha, nambo jwahenga ngongola ahutende uhakaho yegha jhake jwenio. 19 Bho, mmanyitii jhe kubhehe yegha hino ndi Nyumba jha Uhuke gwa Chapanga jwabhii nkate jhino, jhola mumpokii kubhoke kwa Chapanga? Bhahe, mangota chi gwino mabhene. 20 Nhemelilwe kwa bei ngolongwa. Ngoheno, munnombe Chapanga kwa yegha jhino.

3 Chapanga apala mangota mme bhanyahinyahi na muileka kolwa ngongola. 4 Kila munalome amanye chapalwa kutama na nhwana mundo kwa unyahinyahi na ichima, 5 na chi kilanga ngita bhando bhange bhangammanya Chapanga.

3 Nhwalo, mangota ndi yana ya Chapanga, ngongola na uhako ghoghoha ghola amu uloho ukotoka kujhokanikika pakate jhino ngita chiipalwa kwa bhando bha Chapanga.

28 Nambo nenga ninobholela, kila mundo jwanolekeya mwikeghe kwa kumpala, atei ngongola ku mwojho gwake.

13 Tutame kwa malango ngita bhando bhitutama mu lumule lwa muhe, chi kwa uloho amu ulobhelo, na chi kwa ubhoho na ngongola hilu bhulo na wiho.

14 "Mangatenda jhe ngongola.

6 "Mundo jhojhoha jwa ku Ichilahele ipalwa jhe kunheghele mundo jwannongo gwake jwa pahina kupala kugholoka nako. Ne ndi Bhambo Chapanga. 7 Mangampe jhe hone tategwino kukugholoka na majhe gwino jwampapite. Mangampe jhe hone, jwenio ndi majhe. 8 Mangampe jhe hone tategwino, kukugholoka na limo lya litala lyake. Bheniya ndi akamajhe bhino. 9 Mangagholoka jhe na alombo bhino, abha bhikimama chimo amu jwabhelwike na majhe gwino jhonge. 10 Mangagholoka jhe na nchoko gwino, mwana jwa mwana gwino munalome amu mwikeghe, nhwalo mikipehone mabhene. 11 Mangagholoka jhe na alombo bhino jwabhelwike na jhumo pakate jha matala gha tate gwino, jwenio ndi alombo bhino. 12 Mangagholoka jhe na ninhenga gwino, nhwalo jwenio ndi alombo bha tate gwino. 13 Mangagholoka jhe na majhe gwino nkolo amu nchokombe, nhwalo bheniya ndi akalongo bha majhe gwino. 14 Mangagholoka jhe na nhwana jwa tate gwino nkolo amu nchoko, jwenio ndi majhe gwino hele. 15 Mangagholoka jhe na nhwana gwa mwana gwino, nhwalo jwenio ndi kamwana gwino, mangagholoka nako jhe. 16 Mangagholoka jhe na nhwana jwa alongo bhino, jwenio ndi nnamo gwino. 17 Anda nng’olwike na mwikeghe, mangagholoka jhe na ichikana yake amu ichokolo yake. Bheniya akalongo, kwahangalana mitenda ubhoho hake. 18 Mangatolana jhe na nnombo gwa nhwana gwino na nhwana gwino ammela abhii ghome, kilebhe chenio nakileta bhulo pakate jhabhe."

19 "Mangagholoka jhe na mwikeghe jwabhii piye. 20 Mangagholoka jhe na nhwana gwa nnyino jwa pahina, na yene mikilete gwangajheketelwa kukunyinamii Chapanga. 21 Mangampiya jhe mwana gwino jhojhoha kubhehe litambiko ku kichapanga chuwange Moleke. Nhwalo kukutenda yene namililigha liina lyango ne Nachapanga gwino. Ne ndi Bhambo Chapanga. 22 Mangagholoka jhe na munalome nnyino ngita chimigholoka na mwikeghe. Chenie ndi kilebhe chakichimwa Chapanga. 23 Mangagholoka jhe na kinyama kupala gwangajheketelwa kukunyinamii Chapanga, munalome amu mwikeghe jhojhoha angatenda jhe yene, kukutenda yene ndi gwangajheketelwa palonge jha Bhambo Chapanga.

22 Bhakiloka bheniya bhina malango nambo mandindilima. 23 Bhaleka kunyinamila Chapanga jwatamikiya machiko ghoha ghangapeta, nambo bhahijhinamila inyagho ilandana na bhando bhibhawegha, ilandana na inyama na ijhune amu ihumbe ikwabha.

24 Bhahe, Chapanga ajhakwaleka bhaikengame ilebhe yabhe ibhaipala ya luku kuhumii kumiojho jhabhe na bhatendelane ilebhe ya hone payegha jhabhe. 25 Bheniya bhaughalambwie uchakaka gwa Chapanga kwa kulonge uwange, bhaijhinamila na kuitumikila ilebhe yapangine Chapanga, nambo bhakanombitejhe Jwapangina jwenio jwapalwa kulombwa machiko ghoha ghangapeta. Amina.

26 Kwa nhwalo bhahenga gheniya, Chapanga ajhakwaleka bhaikengame tama mbajha ya hone. Hata akakeghe bhabhe bhalekite kugholoka na akangana bhabhe ngita Chapanga chabhapangine, bhinoghelana bhene kwa bhene. 27 Helahela akanalome bhalekite kugholoka na akahana bhabhe ngita Chapanga chabhapangine, bhinoghelana bhene kwa bhene. Bhatendelana ilebhe ya hone akanalome kwa akanalome, yenio makipalii bhene mang’ahe kwa malemo ghabhe ghibhateile.