Sofrimento

3 लोक तेसखे बेकार जाणो थे ओर माणूंआ रा त्यागेया रा था; से दु:खी मर्द था, तेसरी जाण-पछयाण बमारिया ते थी ओर लोक तेसखे देखदे ई आपणा मूँ फेरी लओ थे। से तुच्छ जाणेया गया ओर आसे तेसरी एहमियत नि जाणी।*

4 तिने पक्का म्हारिया बमारिया सई लिया ओर म्हारे ई दु:ख चकी ले; तेबे बी आसे से परमेशरो रा मारेया-कूटेया रा ओर बुरी दशा रे पड़ेया रा समजेया।*

28 और तिना रे टाल्ले खोली की तिना खे लाल रंगो रा चोगा पणयाई ता 29 और कांडेया रा मुकट बूणी की तिना रे सिरो पाँदे राखेया और तिना रे दाँणे आथो रे एक नगल़ो रा डण्डा देईता और तिना रे आगे कुटणे टेकी की तिना रा मजाक ऊड़ाणे लगे और बोलणे लगे, "ओ यहूदिया रे राजा नमस्कार!"

21 तुसे इजी खेई बुलाई बी राखे, कऊँकि मसीह बी तुसा री खातर दु:ख उठाई की तुसा खे एक आदर्श देई गा रा ताकि तुसे बी तेसरे चिह्नो पाँदे चलो।

10 आऊँ ये चाऊँआ कि मसीह खे जाणी लऊँ। तेसरे फेर जिऊँदे ऊणे री सामर्था खे महसूस करुँ, और तिना साथे दु:खो रे सहभागी ऊई की मौता रे तिना जेड़ा बणी जाऊँ।

3 बस येई नि, बल्कि आसा खे क्ल़ेशो पाँदे बी कमण्ड करना चाईयो, ये जाणी की कि क्ल़ेशो ते सब्र 4 और सब्रो ते खरा निकल़ना और खरे निकल़ने ते उम्मीद जागोई

आऊणे वाल़े बखतो रे प्रगट ऊणे वाल़ी महिमा

18 आऊँ समजूँआ कि एस बखतो रे दु:ख और क्ल़ेश, तेसा महिमा रे सामणे, जो आसा पाँदे प्रगट ऊणे वाल़ी ए, कुछ पनिए।

17 कऊँकि आसा रा दुँईं कअड़िया रा अल़का जा क्ल़ेश आसा खे बऊत ई खास और अनन्त जीवनो री महिमा पैदा करोआ

5 कऊँकि जिंयाँ मसीह रे दु:खो रे आसे जादा सहभागी ओए, तिंयाँ ई आसे शान्तिया रे बी मसीह रे जरिए जादा सहभागी ओए।

29 कऊँकि मसीह री बजअ ते तुसा पाँदे ये कृपा ऊई कि ना बस तेस पाँदे ई विश्वास करो, पर तेसरिया तँईं दु:ख बी सईन करो,

बदली री जिन्दगी

1 इजी री खातर जेबे मसीहे आपणे शरीरो रे ऊई की दु:ख उठाया, तो तुसे बी सेई इच्छा राखी की दुःख सईन करने खे त्यार रओ। कऊँकि जे तुसे मसीह खे दुःख सईन करने खे त्यार ओ, तो तुसे पाप करना छाडीता।

परमेशरो रा धन्यवाद करना

3 म्हारे प्रभु यीशु मसीह रे पिता परमेशरो रा धन्यवाद ओ। परमेशर दया रा पिता और सब प्रकारा री सुख-शान्ति देणे वाल़ा ए। 4 परमेशर म्हारे सबी क्ल़ेशो रे सुख-शान्ति देओआ ताकि आसे बी ओरी लोका खे तिना रे क्ल़ेशा रे सेई सुख-शान्ति देई सकिए जो परमेशरो ते आसे पाई राखी।

2 तुसे एकी-दूजे रा पार चको और ईंयां मसीह रा बिधान पूरी करो।

19 तार्मिक माणूंए पाँदे बऊत सारिया मुसीबता तो पड़ोईया,

तेबे बी प्रभु तेसखे तिना सबी ते बचाओआ।*

10 एबे परमेशर जो सारी कृपा रा दाता ए, जिने तुसे मसीह रे आपणी अनन्त महिमा खे बुलाए, तुसा रे थोड़ी देर दु:ख उठाणे ते बाद आपू ई तुसे सिद्ध और स्थिर और तागतबर करने।

14 जे तुसे सच्ची ई धार्मिकता रे कामो री बजअ ते दु:ख उठाओए, तो तुसे धन्य ए। जेड़ा कि यशायाह भविष्यबक्ता लिखोआ, "तिना लोका ते नि डरो जो तुसा खे तमकाओए और तिना गल्ला ते नि डरना कि तिना लोका क्या करना।"

20 तेबे अय्यूब उठेया ओर तिने शोक प्रकट करने रिया तँईं आपणा चोगा फाड़ेया ओर आपणे सिरो रे बाल़ कटवाई की जमीना दे पड़ेया ओर माथा टेकी की परमेशरो री आराधना करी की बोलेया,* 21 आऊँ आपणियां माया रे पेटो ते खाली आथे आई रा ओर खाली आथे ई मरी जाणा; यहोवे दित्तेया ओर यहोवे ई लई ला, यहोवे रा नाओं तन्य ए।*

17 देख, से माणूं बऊत ई भाग्यशाली ए,

जेसखे परमेशर ताड़ना देओआ,

इजी खे ओ अय्यूब, तूँ सर्वशक्तिमान परमेशरो री ताड़ना खे मानी लओ।

38 जे तुसे मेरे चेले बणना चाओए, पर मेरिया तँईं मरने खे त्यार निए, तो तुसे मेरे लायक निए।

39 जो आपणे प्राण बचाओआ, तेस से खोणा और जो मेरी बजअ ते आपणे प्राण खोओआ, तेस अनन्त जिन्दगी पाणी।

23 तेबे तिने नरको री पीड़ा ते ऊबो खे देखेया और दूरो ते अब्राहमो री गोदा रे लाजर देखेया। 24 तेबे तिने आक्का पायी की बोलेया, ‘ओ पिता अब्राहम! मां पाँदे दया करी की लाजरो खे पेजी दे, ताकि से आपणी गूठिया रा सिरा पाणिए साथे सेड़ी की मेरी जीबा खे ठण्डी करो, कऊँकि आऊँ एते आगी रे तड़फणे लगी रा।’

3 तिने ताखे कष्ट दित्ते, ताखे पूख महसूस कराई। पर तिने ताखे मन्ना बी खुल़ाया, जेतेखे ना तो तूँ जाणो था ओर ना ई तेरे बुजुर्ग जाणो थे, ताकि तूँ जाणी लओ कि माणूं बस रोटिया साथे ई जिऊँदा नि रंदा, पर जो-जो वचन यहोवे रे मुंओ ते निकल़ोए, तिना तेई से जिऊँदा रओआ।*

35 कुण आसा खे मसीह रे प्यारो ते लग करी सकोआ? क्या क्ल़ेश, संकट, उपद्रव, अकाल़, नांगापण, खतरा या तलवार?

3 जे आऊँ आपणी सारी सम्पति कंगाल़ा खे खुल़ाई देऊँ या आपणा शरीर फूकणे खे देई देऊँ और प्यार नि राखूँ, तो माखे कुछ बी फाईदा निए।

22 पर परमेशरो री मइरबानिया ते आऊँ आजो तक बणी रा और छोटे-बड़े सबी सामणे गवाई देऊँआ और तिना गल्ला खे छाडी की ओर कुछ नि बोलदा, जो भविष्यबक्ते और मूसे बी बोलेया कि ऊणे वाल़िया ए 23 कि मसीह खे दु:ख ऊणा और तेस ई सबी ते पईले मरे देया बीचा ते जिऊँदे ऊई की यहूदी लोका बीचे और दूजिया जातिया बीचे जोतिया रा प्रचार करना।"

14 सबी साथे मेल-जोल राखो और पवित्र जिन्दगी जिऊणे खे हर तरअ ते कोशिश करदे रओ। जेतेरे बिना कोई बी प्रभुए खे कदी नि देखी सकदा।