Sofrimento
O sofrimento é uma realidade da vida neste mundo, mas a Bíblia revela que Deus está presente em toda dor, produzindo caráter, esperança e redenção através das tribulações.
O sofrimento de Cristo
Jesus sofreu por nós, carregando nossas dores e enfermidades. Ele é o modelo supremo de como enfrentar o sofrimento com fé e obediência.
Yoba ye kide pre tedre, mokono ye teigwa. Ye dem muduo yubun dogwa yagle moglsre, yubun kane kane pre kan erukwa. Yoba ye kide pre tedre, mokono ye tedre, kanakriko, nono ama ye yagl kade moglmedi kankrumga.
Nono prumga i, God yene ere mogl, yubun tenagledi prisre, ye ere sumedi prumga. Yegl prumga ba i ta manugwa. Nono yubuno ya giuglno ye idre, giugl pre norukwa.
Wigo, ye Jisas gaglmo gugl edidre, gagl olto ta gogl yogwa i ede teigwa. Ede tedre, kewan kagigle ake kegmane ere, king bitno gagl erimere yegl ye bre mina padigl tedre, megagle kuba ogo wo mina teigo, akugwa. Yegl ersre, ye goglkono bodugl tedre, ye agai gorabedi yegl digwa, Juda yoba kingno, no ene di wakai yei tomniwe digwa.
God ene agle dugwa i, giugl yegl praiglmedi agle dugwa. I siragl pre Krais ama yegl ersre, ene pre giugl prukwa. Ye mabuno wakai ersre, ene pre giugl prukwa i mina ye ene siragl mere eraiglmere obuno di togwa. Yegl pre ye obuno di tomere yegl erio.
Te, na erme prika i, na Krais swara pre kan eragledi prika. Ye goglsre, adigl u kor ogwa pre ye yobuglomo swara i mina na tege te moglsre, ye nomanemo pamere yegl, na nomana yegl panabedi prika. Krais prukwa i, ye giugl kane kane prisre, nono pre gorabuka i pra we di prumere yegl, na ama ye nomanemo idre, giugl pre, ye pre goraglka i ama pra we dinagledi prika.
O propósito do sofrimento
Deus usa as tribulações para produzir perseverança, caráter e esperança. O sofrimento presente não se compara com a glória que será revelada.
Ana nono okuo God bogl akie moramga i pre gun yedre, te nono erme makandigle mogl, yubun yumga i ama gun podo yenamga. I siragl pre nono pre kan erumga i, nono yubun yumnara i, nono si gigledi norukwa. Yubun kane kane umara i, nono si gigledi noruko,yobuglo idre, kaglno mina adigl munga. Te, nono kaglno mina adigl munga igne, nono okuo God bogl wakai kaima moramnedi prumga ikra ama u gigle dugwa.
Ka kaima erme nono yubun idre, giugl tau prumga ba i taragl kebra yogwa. I siragl pre taragl wakai kane kane God okuo i nogugl ede norabuka i, taragl podo kide paugwa.
No yubun erme yumga i, taragl kebra yedre, ege sugunagle keme yenabuka. Ba no yubun yumnara i pre taragl wakai wakai okuo inamga i, podo kide kaima yei, aimadi kamin yenabuka.
Ene prio! Krais ye yubun mere kaima yumere mere yegl, no munara i yubun ama kau sugwa. Ba no yubun mere yumnara i, Krais ege ege deno muduno si gigle di norukwa.
Ana ene erme yubun tau igwa i pre dibo, ene praiglkwa. God yene ere mogl, ene Krais pre medraiglmedi konbauna yauro togo, ene pre medigl, ede suna wigwa. Ba God yegl keme erekrukwa. Ye ene Krais pre yubun ama inaiglmedi konbauna yauro togo, ene Krais pre yubun igwa.
Ana Krais ye ogo nagie mina nono giuglno prukwa i pre ene ama ye nomanemo pamere yegl idre, giugl praiglkwa i, ama pra we dio. I siragl pre yoba ta ogo nagie mina Krais pre giugl pran, okuo tadaglme mabuno ta duglo boglkrabuka.
Consolação e companhia
Deus consola os aflitos para que possamos consolar outros. Nunca estamos sozinhos no sofrimento — Ele é o Pai das misericórdias.
Nono Yaglno Kade Jisas Krais Nem yagl wakai kaima moglkwa. Ana nono ye kagie kade tenamga i, siragl pre ye nono Neno mogl, Godno moglsre, nono ege ege mitno gogl noro, deno muduno si gigle di norukwa. Nono yubun imga igne God ege ege deno muduno si gigle di norukwa i, nono yoba pere yubun kane kane ta inaiglkwa i, ama ake ple di tenaiglmedi pre erukwa. God ye nono deno muduno siragl mere si gigle di norukwa i nono kandre, yobamo i ama kuno yegl mere deno muduno si gigle di tenamga pre erukwa.
Ene agitn ta yubun inan, ye yubunmo ake ple di teo. Ene yegl eribi, Krais lomo duglo beglkwa mere yegl panabuka.
Ana God moglkwa i, nono ege ege ere wakai ere norukwa yagle moglkwa. Te, God yene Krais Jisas kagie mina ene agle di suna edidre, ye abuglagemo mina aimadi kamin wakai moraiglmedi agle dugwa. Yegl pre ene ege sugunagle giugl pre moraiglkwa paugwa ba okuo God ene ere wakai ere tedre, deno muduno si gigle di te, ene adigl gigledi moraiglmedi ere tenabuka.
Ba aglau eran, ene mabuno wakai eraiglmara i pre yubun ibi, God ene ama ere wakai ere tenabuka. Yoba ta ene kudugl goraiglmedi eribi, ene kudugl goglkre, nomane sikrio.
Fé em meio à dor
Os grandes homens e mulheres de fé sofreram e perseveraram. O sofrimento nos aproxima de Deus e nos leva a entender seu coração.
Te, yoba ta na pre gorakiure, ye ede prak ta tebi, kakekragledi mane di pran, ye ama na duglo boglkwa yoba ta moglkrabiwe dugwa.
Yoba ta na pre gorabuka i pra we dinan, ye kor kaima morabuka. Ba yoba erme keme kor mogl, wakai moragledi pran, ye u kide enabiwe dugwa.
Ye maugl sigo, ye ede dumo kidile pi giugl podo prisre, kan eglke iro ede, Abraham ya Lasarus akie miurko, kanugwa. Ye kandre, agle di, yegl dugwa, Nina Abraham yo, ene na mitna goglo! dugwa. Na doga domara mogl, giugl podo kide prika. Ene Lasarus di ten, ye ogo mogo nigl kor mina edidre, yu na drabna mina si banan, kuri ta bi yenabiwe di, yegl agle dume dugwa.
Krais dem muduo podo kide norukwa pre taragl swara ta ye dem muduo podo norukwa i si kegl dinabuka kuno erekrukwa. Yubun unabuka mo giugl pramga mo yoba ta no ere kide ere noraiglkwa i, i mina ta si kegl dikraiglkwa. Te, kidan yenabuka mo kuguglno gaglno ta manabuka mo taragl kane kane no sinamnedi eraiglkwa mo ka kaima no sinaiglkwa i mina, Jisas nono dem muduo podo norukwa i ta si kegl dikraiglkwa.
Te, yoba ta ere mogl, yoba goduglme meglkwa i ake ple di tenagledi mige moni ya bonaganamo mudu tenabo mo ye God kogonmo erukwa i pre yoba ye si gagl tege eramnedi eribi, ye kudugl goglkre, God kogonmo ere pai morabuka ba ye dem muduo yoba ta tekran, ye kogon podo erumara i, taragl wakai swara to ikrabuka.
Ye yegl erikwa ba God ye na di narumere ere, okna ede u erme ugwa i pra na ake ple di naruko, na erme adigl moglsre, yoba kade meglkwa ya yoba yoko meglkwa i pra Jisas kamo di teiwe dugwa. Na yoba ka di teiga i, God ka kep yobama ya te Moses ama taragl tau plau dinabe dimere kuno yegl keme di teiga. Ye okna digwa i, God Kere Yugwa Yagl ye komono kana giugl prisre, gogl, adigl u kor enan, okuo yoba goraiglkwa ama adigl u kor enaiglmiwe di, yegl digwa. Ka kep yoba i okna ka yegl didre, ama yegl digwa, God Kere Yugwa Yagl unan, ye God kamo, ken abuglage mere yogwa i, Juda yoba di tedre, yoba yugobuno pere pere meglkwa i ama di tenabiwe di, ka kep yoba okna yegl digwa. Ka kep yoba okna dimere kuno yegl na ama yoba di te wan moluwe dugwa.
Ana ene yoba mudu bogl deno muduno swara yenamnedi ersre, mabuno du panabuka i, duglo boramnedi erio. I siragl pre yoba mabuno du duglo bogl moraiglkwa yobamo i keme, ye Yagl Kade kan pogl sinaiglkwa.