Sofrimento

21 Ikhaa máꞌ numuu rúꞌkhue̱n nindxaꞌwálaꞌ Ana̱ꞌlóꞌ, numuu rí nimínu̱u̱ꞌ máꞌ Krísto̱ mangaa ga̱jma̱á numalaꞌ. Xkuaꞌnii niꞌgíi̱ mbá xkri̱da rí mbu̱ya̱-ri̱dáálaꞌ kajngó xkuaꞌnii máꞌ gúne̱ mangáanꞌlaꞌ.

10 Ni̱ni̱ꞌñúu máꞌ mbá xúgíí rúꞌkhue̱n kajngó ma̱goo ma̱ne̱-núwíinlo̱ꞌ i̱tha̱án Krísto̱, jamí mba̱yo̱o̱ ski̱yu̱u̱ꞌ rí ndiꞌyaa̱ ga̱jma̱á, xúꞌkhue̱n máꞌ ma̱mínu̱u̱ꞌ xómá rí nimínu̱u̱ꞌ ikhaa̱, jamí asndo ma̱goo ma̱ja̱ñúꞌ xómá rí nijáñuu̱ ikhaa̱.

3 Jamí ra̱ꞌkhá i̱ndo̱ó rúꞌkhue̱n, rí mangaa máꞌ nadxu a̱kia̱nꞌlóꞌ ná awúun jamínu̱ꞌ, numuu nduꞌyáálóꞌ rí jamínu̱ꞌ naꞌne rí ma̱ꞌngo̱o̱ a̱kia̱nꞌlóꞌ inuu mbá xúgíí. 4 Jamí xí na̱ꞌngo̱o̱ a̱kia̱nꞌlóꞌ inuu mbá xúgíí rá, nadxu a̱kui̱in Ana̱ꞌlóꞌ e̱ꞌne̱lóꞌ. Jamí xí nadxu a̱kui̱in Ana̱ꞌlóꞌ e̱ꞌne̱lóꞌ, rúꞌkhue̱n naꞌne rí ga̱jma̱á mbá jañii a̱kia̱nꞌlóꞌ mu̱waꞌthi̱ínlóꞌ rí wéje̱ ma̱ri̱gá.

Maphú tsímáá ma̱juwalóꞌ nda̱wa̱á

18 Ikhúúnꞌ nda̱yo̱o̱ mújúnꞌ rí ni na̱nguá mba̱a̱ jamínu̱ꞌ rí nanújngalóꞌ xúge̱ꞌ xó rí phú mba̱a̱ rí tsímáá maxnálóꞌ Ana̱ꞌlóꞌ nda̱wa̱á.

17 Numuu rí na̱nguá máꞌ gakhe̱ rí nu̱míni̱íxo̱ꞌ ná numbaa ríge̱ꞌ, mbá nanújngoo máꞌ ne̱. I̱ndo̱ó máꞌ numuu rí ikhaa ne̱ ma̱ꞌne rí phú mba̱a̱ jamí jámuu ma̱gi̱ꞌdoo numaxo̱ꞌ nda̱wa̱á.

5 Numuu rí xómá rí phú mba̱a̱ nu̱míni̱ílóꞌ ga̱jma̱á numuu Krísto̱, xkuaꞌnii máꞌ phú mba̱a̱ naxnáa la Ana̱ꞌlóꞌ tsiakhe̱ a̱kia̱nꞌlóꞌ ga̱jma̱á majñu̱u̱ Krísto̱.

29 Numuu rí ikháanꞌlaꞌ nijanálaꞌ rí ma̱nimba̱ꞌlaꞌ ju̱ya̱á Krísto̱, xúꞌkhue̱n máꞌ mangaa nijanálaꞌ rí mu̱míni̱ílaꞌ ga̱jma̱á numuu̱.

1 Numuu rí Krísto̱ nimínu̱u̱ꞌ ná xuyuu ga̱jma̱á numalóꞌ.* Ikhaa jngó, ga̱juwa-na̱ma̱ñalaꞌ rí mu̱míni̱í mangáanꞌlaꞌ xómá rí nimínu̱u̱ꞌ Krísto̱. Numuu rí xa̱bo̱ tsí namínu̱u̱ꞌ, niniñuu̱ máꞌ janíí aꞌkhán mangaa.

Ana̱ꞌlóꞌ naxnáa la ski̱yu̱u̱ꞌ a̱kia̱nꞌlóꞌ

3 A̱gu̱ma-mba̱a̱ Ana̱ꞌlóꞌ, Anu̱u̱ máꞌ Tátiálóꞌ Jesukrísto̱. Numuu rí Ana̱ꞌlóꞌ nañáwíin a̱kuii̱n jaꞌyalóꞌ jamí jámba̱ miꞌtsú naxnáa la tsiakhe̱ a̱kia̱nꞌlóꞌ. 4 Ana̱ꞌlóꞌ naxnáa la tsiakhe̱ a̱kia̱nꞌlóꞌ ído̱ rí juwalóꞌ ná awúun mbá xúgíí inii jamínu̱ꞌ, kajngó mangáanꞌlóꞌ ma̱goo mu̱ꞌxnáalóꞌ tsiakhe̱ a̱kui̱ín tsí júwa̱ꞌ ná awúun jamínu̱ꞌ, xómá rí naꞌne jayu Ana̱ꞌlóꞌ rí naxnáa la tsiakhe̱ a̱kia̱nꞌlóꞌ ikháánꞌlóꞌ.

2 Gu̱mbáyú-mijnálaꞌ ído̱ rí guáꞌdáálaꞌ gaꞌkho̱ rí phú gakhe̱, numuu rí xkuaꞌnii mu̱ne̱-mbáníílaꞌ rí niꞌsngáá Krísto̱.

10 Jamí ído̱ rí wámba̱ máꞌ ni̱míni̱ílaꞌ mbá wátha̱ wáa mbiꞌi, a̱ꞌkhue̱n rí jmína̱a̱ꞌ máꞌ Ana̱ꞌlóꞌ tsí nindxaꞌwálaꞌ rí ma̱nindxa̱ꞌlaꞌ xómá jaꞌnii̱ ikhaa̱ ga̱jma̱á majñu̱u̱ Jesukrísto̱,* ma̱ꞌnii̱ rí ma̱ꞌne káxáanꞌlaꞌ, ma̱wajún-gúkuálaꞌ, ma̱ꞌne gúkuáanꞌlaꞌ, jamí rí ma̱ꞌne jañii a̱kia̱nꞌlaꞌ ju̱yáa̱.

14 Jamí xí nu̱míni̱ílaꞌ ga̱jma̱á numuu rí nu̱ne̱laꞌ rí máján rá, phú gagi juwalaꞌ xúꞌkhue̱n rá. Ikhaa jngó ma̱xámíñalaꞌ gúne̱ xa̱bo̱ ni máꞌ ma̱xáxná-gamiéjwanlaꞌ gúni̱i̱.

23 Awúun máꞌ rí xtáa̱ namínu̱u̱ꞌ ná iñá-wajíín, niraꞌée̱n ri̱jma̱á, jamí asndo tsíngua̱ꞌ ndiꞌyoo̱ Abraám, jamí Lása̱ro̱ xtáa̱ ná níjñúu̱. 24 A̱ꞌkhue̱n nindxaꞌwée̱: "¡Tátéꞌ, Abraám, ga̱ñáwíin a̱kia̱anꞌ xtayoꞌ! Ataxúꞌmaa Lása̱ro̱ ma̱ꞌga gármu̱juun idxu̱u̱ a̱dée ñawúun, jamí ma̱ꞌkha̱ gáꞌne-maxaa̱ ra̱ju̱nꞌ. Numuu rí phú xtáá na̱mínu̱u̱ꞌ ná awúun agu ríge̱ꞌ".

35 Tsáa gáꞌngo̱o̱ ma̱ꞌne-tsíngua̱ꞌlóꞌ inuu rí nandoo jaꞌyalóꞌ Krísto̱ róꞌ. Á ma̱ꞌngo̱o̱ jamínu̱ꞌ dxe̱ꞌ, o gaꞌkho̱ dxe̱ꞌ, o rí nune̱-ngínáaꞌlóꞌ xa̱bo̱ dxe̱ꞌ, o rí na̱xki̱dxa̱ꞌlóꞌ dxe̱ꞌ, o rí nda̱a̱ xtíñalóꞌ dxe̱ꞌ, o rí ngamí ma̱ja̱ñálóꞌ dxe̱ꞌ, o rí ma̱ja̱ñálóꞌ dxe̱ꞌ.

3 Maske máꞌ ma̱xnu̱ú mbá xúgíí rí gúꞌdo̱ꞌ tsí ngíníi, o ma̱xna̱xí-mina̱ꞌ rí mi̱khúún mbo̱ꞌ, jamí tsíyoꞌ ja̱ñu̱ú xa̱bo̱, nda̱a̱ nitháan rí gíꞌdoo numuꞌ xúꞌkhue̱n rá.

22 I̱ndo̱ó máꞌ numuu rí Ana̱ꞌlóꞌ nambáyíꞌ asndo mbiꞌi xúge̱ꞌ, ikhaa jngó tsíni̱ꞌñúu na̱thu̱ún xa̱bo̱ tsí ngíníi jamí xa̱bo̱ tsí guáꞌdáá ga̱jma̱á numuu̱ ikhaa̱. Ikhúúnꞌ na̱thúu̱n mbá xúgíí rí niꞌthán máꞌ Moisés jamí rí nithan máꞌ xa̱bo̱ tsí ni̱rawíjnga̱a ajngóo Ana̱ꞌlóꞌ wajyúú rí wéje̱ máꞌ rí ma̱ri̱gá: 23 rí ma̱ja̱ñúu Krísto̱, xúꞌkhue̱n máꞌ rí ikhaa̱ ma̱nindxu̱u̱ tsí ginii jayu ndayáa mbiꞌyuu, jamí rí ikhaa̱ ma̱nindxu̱u̱ agúún xa̱bo̱ judío̱ jamí xa̱bo̱ tsí ra̱ꞌkháa judío̱ ñajúún».

Rí nithúún tsí tsíyamakuíí Ana̱ꞌlóꞌ

14 Gu̱xna̱-míjnálaꞌ tsiakhe̱ rí ma̱juwalaꞌ tsímáá gajmiálaꞌ mbá xúgíin xa̱bo̱, jamí jaꞌwu gájuwalaꞌ ná inuu Ana̱ꞌlóꞌ. Numuu rí nimbáa tsí na̱nguá jaꞌwu xtáa, ma̱xáꞌyoo̱ Táta̱.