6 तेबे यहोवे बोलेया, "मेरिया गल्ला सुणो, जे कोई तुसा बीचे भविष्यवक्ता ओ, तो तेस पाँदे आऊँ यहोवा आपणे आपू खे दर्शणो रे जरीये प्रगट करूँगा या सुफने रे तेस साथे गल्ला करूँगा।

28 तिना गल्ला ते बाद मां सबी प्राणिया पाँदे आपणा आत्मा पेजणा, तुसा रे माठे-बेटिया भविष्यबाणी करनी ओर तुसा रे बुजुर्गा सुफने देखणे ओर तुसा रे जवाना दर्शण देखणे।

14 तेबे पतरस तिना ग्यारा चेलेया साथे खड़ा ऊआ और जोरे की बोलणे लगेया, "ओ यहूदिया! और ओ यरूशलेमो रे सब रणे वाल़ो! ये जाणी लो और कान लगाई की मेरी गल्ला सुणो। 15 जेड़ा तुसे समजणे लगी रे, यो लोक नशे रे निए, कऊँकि एबु तो प्यागा रे नौ ई बजी रे।" 16 पर ये से गल्ल ए, जो परमेशरे योएल भविष्यबक्ते रे जरिए बोली थी,

17 परमेशर बोलोआ कि आखरी रे दिना रे एड़ा ऊणा,

कि मां आपणा आत्मा सबी माणूंआ पाँदे लटणा और तुसा रे माठे-बेटिया भविष्यबाणी करनी

और तुसा रे जवाना दर्शण देखणे और तुसा रे बुजुर्गा सुपने देखणे।

17 ओर परमेशरे तिना चऊँ जवाना खे सारे शास्त्र ओर सब प्रकारा री बिद्या समजणे खे बुद्धि ओर ‍परविणता दित्ती ओर दानिय्येल सब प्रकारा रे दर्शण ओर सुफने रा मतलब समजणे वाल़ा ऊईगा।*

26 राजा नबूकदनेस्सरे दानिय्येलो ते पूछेया जेसरा नाओं बेलतशस्सर बी था, "क्या तांदे इतणी सामर्थ आई कि जो सुफना मैं देखी राखेया, तिजी खे मतलब समेत मांगे बताई सके?" 27 दानिय्येले राजे खे ज्वाब दित्तेया, "जो पेतो री गल्ल राजा पूछोआ, से ना तो पण्डत, ना तान्त्रिक, ना ज्योतषी, ना आत्मा साथे गल्ला करने वाल़े राजे गे बताई सकोए, 28 पर स्वर्गो दे एक परमेशर ए जो सबी तरआ रे पेतो रिया गल्ला खे बताणे वाल़ा ए ओर तिने नबूकदनेस्सर राजे गे बताई राखेया कि आऊणे वाल़े दिना रे क्या-क्या ऊणे वाल़ा ए। तेरा सुफना जो तैं माँजे पाँदे लेटे दे देखेया ओर जो कुछ तैं सुफने रे देखी राखेया, से ये,*

8 तिने तेसखे बोलेया, "आसे दुँईं जणे सुफना देखी राखेया ओर तिजी रा फल़ बताणे वाल़ा कोई निए।" यूसुफे तिना खे बोलेया, "सुफनेया रा फल़ बताणा परमेशरो रा काम निए, माखे आपणा-आपणा सुफना बताओ।"

15 फिरौने यूसुफो खे बोलेया, "मैं एक सुफना देखी राखेया ओर तिजी रा फल़ बताणे वाल़ा कोई बी निए; ओर मैं तेरे बारे दे सुणी राखेया कि तूँ सुफना सुणदे ई तिजी रा फल़ बताई सकेया।"

16 यूसुफे फिरौनो खे बोलेया, "आँऊ तो कुछ नि जाणदा, परमेशरो ई फिरौनो खे शान्तिया रा वचन देणा।"

20 जेबे से एड़ा सोचणे ई लगी रा था, तेबे प्रभुए रा स्वर्गदूत तेसखे सुपने रे दिशेया और से तेसखे बोलणे लगेया, "ओ दाऊदो रे वंशो रे यूसुफ! तूँ आपणी ऊणे वाल़ी लाड़ी मरियमा खे आपणे कअरे ल्याऊणे ते नि डर, कऊँकि जो तेसा रे पेटो रे बच्चा ए, से पवित्र आत्मा रिया तरफा तेआ। 21 तेसा रे एक पाऊ जमणा, तैं तेसरा नाओं यीशु राखणा। कऊँकि तेस आपणे लोक तिना रे पापो ते बचाई देणे।"

19 जेबे से न्याय आसणो री गद्दिया पाँदे था बैठे रा, तेबे तेसरी लाड़िए तेसखे सन्देशा पेजेया कि, "तूँ तेस तर्मी माणूंए रे बारे रे दखलंदाजी नि कर; कऊँकि आज माखे सुपने रे तेसरी बजअ ते बऊत दु:ख ऊआ।"

1 जेबे यहोवे आसे इस्राएली लोक गुलामिया ते यरूशलेम शईरो दे वापस पऊँचाए,

तेबे आसा खे ये केसी सुफने जेड़ा लगेया।

3 आपणे सारे कामा खे यहोवे गे देई दे,

इजी ते तेरिया इच्छा पुरिया ऊणिया।

21 माणूंए रे मनो रे बऊत सारिया इच्छा ओईया,

पर जो योजना यहोवा करोआ, सेई बणी दी रओई।

1 जे कोई भविष्यवक्ता या सुफने रे जरीये दर्शण देखणे वाल़ा सामणे आई की ताखे कोई चिह्न या चमत्कार दखाओ,* 2 ओर तिना खे चिह्न ठराई की से ताखे बोलो, "आओ आसे पराये देवतेया पीछे चली की, जिना ते तुसे एबुए तक अणजाण रये, तिना री पूजा करूँए।" 3 तेबे तैं भविष्यवक्ता या सुफना देखणे वाल़े रिया गल्ला पाँदे कोई त्यान नि देणा, कऊँकि तेरे परमेशर यहोवे ये जाणने रिया तँईं तेरी परीक्षा लणी कि यो मां साथे आपणे सारे मन, सारे प्राणो साथे प्यार राखोए कि नई?* 4 तुसे आपणे परमेशर यहोवे पीछे चलणा, तेसरा डर मानणा, तेसरी आज्ञा मानणी, तेसरी आज्ञा पाँदे चलणा, तेसरा वचन मानणा, तेसरी आराधना करनी ओर तेस साथे ई विश्वासो दे बणे दे रणा।

25 मैं इना भविष्यबक्तेया री गल्ला बी सुणी राखिया जो मेरा नाओं लई की चूठी भविष्यबाणी करोए, मैं सुफना देखी राखेया, सुफना! 26 जो भविष्यबक्ता चूठी भविष्यबाणी करोए ओर आपणे मनो रे छलो तेई भविष्यबक्ता ए, ये गल्ला तिना रे मनो दे जादा दिन तक नि रणियां।

32 यहोवे री ये बी बाणी ए कि जो बिना मेरे पेजे या बिना मेरी आज्ञा ते सुफने देखणे रा चूठा दावा करी की भविष्यबाणी करोए ओर तिजी रे बारे दे बोली की मेरी प्रजा खे चूठे कमण्डो दे आई की बेवकूफ बणाओए, आऊँ तिना रे बी खलाफ ए ओर तिना ते मेरी प्रजा रा कोई फायदा नि ऊणा।

3 जे तुसे आपणियां परेशानिया रे बारे दे बऊत जादा सोचोगे तो तुसा बुरिया चीजा रे सुफने देखणे लगणे। जे तुसे बऊत जादा गल्ला करोगे तो तुसा मूर्खा जेड़िया गल्ला करनिया।

7 केसी कामो खे करने रा वादा करना ओर फेर तेड़ा ई नि करना एक सुफने जेड़ा ए जेतेरी कोई कीमत नि ए। एतेरे बजाये, परमेशरो रा आदर करो।"