6 ጎዳይ፥ "ታ ኦደይሳ ስእተ፤ ህንተ ግዶን ናበይ ደእኮ፥ ታ እያዉ ቆንጫይስ፤ ቃስ እያዉ አሙሆን ኦዳይስ።

28 ህዛፐ ጉየ ሀይሳዳ ሀናና፤

ታኒ አሳ ኡባ ቦላ ታ አያና ጉሳና።

ህንተ አደ ናይትነ ማጫ ናይት ትንብተ ኦዳና፤

ህንተ ጭማት አሙሆ አሙሀና፤

ህንተ ናአተት ቆንጨ በአና።

14 ሽን ጰፅሮስ፥ ታማነ እስ ሀዋረታራ ደንድ ኤቅድ፥ ባ ቃላ ቁ ኦድ፥ ኤንታዉ ሀይሳዳ ያግድ ኦድስ፦ "አይሁደቶ፥ የሩሳላመን ደእያ ኡባቶ፥ ታኒ ኦደይሳ ስእተ። 15 ዎንታፈ ሄ ሳተ ግድያ ግሾ ህንተ ቆፐይሳዳ ሀ አሳት ማትቦኮና፤ ሄስ ህንተዉ ኤረቶ። 16 ሽን ሀይስ ሀንዳይ ናበይ እዩኤል ኦድዳይስ ፖለታና መላሳ።

17 " ‘ፆሳይ፥ ዎድያ ዉርሰን ሀይሳዳ ሀናና ያጌስ፦

ታኒ አሳ ኡባ ቦላ ታ አያና ጉሳና።

ህንተ አደ ናይትነ ማጫ ናይት፥

ትንብተ ኦዳና።

ህንተ ያላጋት ቆንጨ በአና፤

ህንተ ጭማት አሙሆ አሙሀና።✝

17 ሀ ኦይዱ ናአተታስ ፆሳይ ኤራነ ኡባ ቆሞ ፁፈነ ትምርተ ኤክያ አኬካ እሚስ። ዳነል ቆንጨነ አሙሆ ብርሸ ኤሬስ።

26 ካዎይ ብልፃሶራ ጌተትያ ዳነላ፥ "ታ አሙህዳ አሙሁዋነ እያ ብርሸ ታና ኤርሳናዉ ዳንዳአይ?" ግድ ኦይችስ።

27 ዳነል ሀይሳዳ ያግድ ዛርስ፦ "ካዋዉ፥ ነ ኦይችዳ ፁራ ቆንጭሳናዉ ዳንዳእያ ጭንጫ አስ፥ ማሮይ፥ ብታንቾይነ፥ ሙሩንያ አስ ባዋ። 28 ሽን ፁራ ቆንጭስያ እስ ፆሲ ሳሎን ደኤስ። ዉርሰ ዎደታን ሀናናባ እ፥ ነና በስስ። ነ አርሳን ዝንአዳ፥ ነ በእዳ አሙሆይነ ቆንጨይ ሀይሳ።

8 ኤንቲ፥ "ኑ ናምአይካ አሙሆ አሙህዳ፥ ሽን ኑስ ብርሽያ አስ ይስ" ያግዶሶና።

ዮሰፍ ኤንታኮ፥ "አሙሆ ብርሽያ ኤራተይ ፆሳባ ግደነዬ? አነ ህንተ አሙሁዋ ታዉ ኦድተ" ያግስ።

15 ካዎይ ዮሰፋ፥ "ታኒ አሙሆ አሙሀስ፥ ሽን ታዉ እስ አስካ ብላናዉ ዳንዳእቤና። ታኒ፥ ነ አሙሆ ብላናዉ ዳንዳኤይሳ ስአስ" ያግስ።

16 ዮሰፍ፥ "ታኒ ሄሳ ዳንዳእከ፥ ሽን ፆሳይ ካዋስ ሎኦነ ልከ ብርሸ እማና" ያግስ።

20 እ ሄ ቆፋን ደእሽን ፆሳ ኪታንቾይ አሙሆን ቆንጭድ፥ "ዳዊታ ናአዉ፥ ዮሰፋ፥ ማይራማ ቃንትዳይ ጌሻ አያናፐ ግድያ ግሾ እዮ ኤካናዉ ያዮፋ" ያግስ። 21 እያ አደ ናአ የላና፥ እ ባ ደርያ ኤንታ ናጋራፐ አሽያ ግሾ እያ ሱን ነ የሱሳ ጋዳ ፄጋና።✝

19 ጵላፆስ ፕርዳ ኬን ኡትዳሽን፥ እያ ማችያ፥ "ታኒ ሀች ቃማ አሙሆን እያባ ዳሮ ዋየታሸ አቅዳ ግሾ፥ ሄ ፅሎ ኡራ ቦላ አይብባካ ኦፋ" ያጋዳ ኪታሱ።

1 ጎዳይ ድኦፐ ዛሪድ

ኑና ፅዮነ ኤህዳ ዎደ

ኑስ አሙሆ ዳንስ።

3 ነ ኦሶ ኡባ ጎዳስ ሀዳራ እማ፤

ኔኒ ቆፕዳባይ ፖለታና።

21 አስ ዳሮባ ሀልቼስ፤

ሽን ጎዳይ ግዳባይ ፖለቴስ።

1 ነ ግዶን ትንብተ ኦድያ ዎይኮ አሙሆ ብርሽያ አስ ደንድድ፥ ማላታነ ማላልስያባታ ኦኮ፥ 2 እ ኦድዳ ማላታይ ዎይኮ ማላልስያባይ ቱማ ግድድ ፖለትን፥ እ ኔኮ፥ "አነ ካሰ ነ ኤሮና ሀራ ፆሳታ ጎይኖስ" ያግኮ፥ 3 ነ እያ ኡባራካ ስኦፓ። ህንተ ኩመ ዎዛናፐነ ኩመ ሸምፑዋፈ ጎዳ ህንተ ፆሳ ዶስያኮነ ዶሶናኮ ፓጫናዉ ሄሳ ኦስ። 4 ጎዳ ህንተ ፆሳ ካልተ፤ እያዉ ያይተ፤ እያ ኪታ ናግተ፤ እያ ቃላ ስእተ፤ እያዉ ጎይንተ፤ እያፐ ዱፆፍተ።

25 "ታ ሱንን ዎርዶ ትንብተ ኦደይሳት ግያባ ስአስ። ኤንቲ፥ ‘ታ አሙሆ በአስ፤ ታ አሙሆ በአስ’ ያጎሶና። 26 ሀ ናበት ባንታዉ መድ ከስድ ኦድያ ዎርዶ ትንብተይ ኤንታ ዎዛናን አዉደ ጋካናዉ ጋምአኔ?

32 ዎርዶ አሙህሸ ትንብተ ኦድያ ናበታ ቦላ ታ ደንዳና። ኤንቲ ባንታ አሙሁዋን ካትድ ትንብተ ኦድያ ናበታ ታኒ እፃይስ። ታ ኤንታ ኪቶናሽን ዎይኮ ሹሞናሽን ዎርዶ ትንብተ ኦዶሶና፤ ታ አሳ ባለሶና። ኤንቲ ሀ አሳ አይኮካ ማዶኮና" ያጌስ ጎዳይ።

3 ቆፍ ዳርያ ዎደ አሙሆይ ዳሬስ፤ ኦዳ ዳሮይ ኤያተ ቆንጭሴስ።

7 ዳሮ አሙሆይነ ዳሮ ኦድ ሀዳ። ሄሳ ግሾ፥ ፆሳ ያያ።