Sonhos
Sonhos aparecem em toda a Bíblia como meio de revelação divina. Deus falou através de sonhos a patriarcas, profetas e servos, mas também alertou contra falsos sonhadores.
Sonhos como revelação divina
Deus usou sonhos para comunicar sua vontade a homens e mulheres ao longo da história bíblica, revelando caminhos e mistérios.
बिधाता बोलअ,
"मेरी गल्ला शूणां, ज़ै तम्हां मांझ़ै कुंण गूर आसा,
तेऊ लै हणअ हुंह धैना दी प्रगट,
संघा करनी मुंह तेऊ संघै धैनै-सुपनै गल्ला।
इना गल्ला हणैं बाद दैणीं मुंह आपणीं आत्मां सोभी लै,
थारै शोहरू-शोहरी करनी मेरी गल्ला प्रगट,
थारै प्रोढै मणछा हणैं सुपनै
अर ज़ुआन मणछा हणैं धैन।
तेखअ उझ़ुअ पतरास तिन्नां गैरा च़ेल्लै संघै खल़अ अर तेऊ बोलअ ज़ोरै-ज़ोरै, "हे यहूदा मुल्खै अर एरुशलेम नगरी रहणैं आल़ैओ, ऐहा गल्ला लआ समझ़ी अर कान लाई शूणां मेरी गल्ला। ज़िहअ तम्हैं आपणैं साबै सोठा किई ईंयां आसा नशै दी, ईंयां निं नशै दी आथी किल्हैकि एभै; अज़ी सुरज़ निखल़अ, पर अह गल्ल आसा सह ज़ुंण परमेशरे जोएल गूरै आसा बोली दी,
परमेशर बोला इहअ ‘खिरीए धैल़ी’ हणअ इहअ,
‘मुंह दैणीं आपणीं आत्मां सोभी लै,
थारै शोहरू-शोहरी करनी मेरी गल्ला प्रगट,
थारै प्रोढै मणछा हणैं सुपनै
अर ज़ुआन मणछा हणैं धैन।
परमेशरै दैनी दानिएल, हनानी, मिशेल अर अजर्याह लै खास्सी समझ़-बुध अर तिन्नैं शिखल़ी कई बोली-भाषा पहल़णीं लिखणी। एता का लाऊआ दैनअ दानिएला लै इहअ बरदान कि सह सका त धैनै-सुपनैओ फल बी खोज़ी।
राज़ै पुछ़अ दानिएला का ज़हा नाअं बेलतेशर थिअ डाहअ द, "तूह कै मेरअ सुपनअ अर तेतो फल खोज़ी सका?"
दानिएलै दैनअ ज़बाब,
"माहा राज़अ, ज़ुंण गल्ल तंऐं पुछ़ी तेतो ज़बाब निं संसारे बडै का बडै पंडत अर जोतषी का बी आथी! पर स्वर्गै आसा परमेशर, सह खोज़ा इना सोभी गल्लो भेद। माहा राज़, तेऊ खोज़अ ताखा सुपनै कि आजू किज़ै च़ाल्लअ हई। ऐबै खोज़ूं हुंह ताखा कि तंऐं निंजा दी किज़ै सुपनअ भाल़अ।
Sonhos na história da Bíblia
De José no Egito a José pai de Jesus, Deus guiou a história da salvação através de sonhos, protegendo e dirigindo seu povo.
तिन्नैं बोलअ युसुफा का, "हिझ़ बैल़ी हुऐ हाम्हां दुही सुपनै, पर एतो फल खोज़णैं आल़अ निं हाम्हां का कोहै आथी।"
युसुफै बोलअ तिन्नां का, "सुपनैओ किज़ै फल हणअ तेतो थोघ हआ बिधाता का। मुखा खोज़ा हैनूं तम्हैं किहै सुपनै भाल़ै।"
मिसर देशे माहा राज़ै बोलअ युसुफा लै, "मुंह हुअ सुपनअ, पर तेतो फल खोज़णैं आल़अ निं कोहै आथी। मंऐं शूणअ इहअ कि तूह खोज़ा सुपनैओ फल।"
युसुफै बोलअ, "माहा राज़अ, हुंह निं आप्पू किछ़ै ज़ाणदअ आथी, पर बिधाता सका तेतो असली फल राम्बल़ै करै खोज़ी।"
ज़ांऊं युसुफ इना गल्ला सोठदअ थिअ लागअ द, परमेशरो एक स्वर्ग दूत शुझुअ तेऊ का सुपनै अर तेऊ स्वर्ग दूतै बोलअ युसुफा लै इहअ, "राज़ै दाबेदे लुआद युसुफा, तूह निं मरिअमा संघै बैहा करनै का निं डरी। किल्हैकि तेसे ओदरै पल़दअ गर्भ आसा पबित्र आत्मां करै। तेसो हणअ एक शोहरू, तेऊ शोहरू नाअं डाहै तूह ‘ईशू,’ तेऊ करनअ आपणैं लोगा लै तिन्नें पापा का छ़ुटकारअ।"
पिलातुस त पांच़े गाद्दी दी बेठअ द, तेऊए लाल़ी दैनअ तेऊ लै समाद, "तूह निं एऊ धर्मीं मणछा लै किछ़ै करी। अह आसा नर्दोश, हिझ़ राची हुअ मुंह एऊए बारै सुपनअ अर तेता करै आसा मेरै मन्नैं खास्सअ झाख पल़अ द।"
ज़धू हाम्हैं बिधाता, एरुशलेम आपणीं नगरी बापस पजैल़ै,
सह ज़ाण्हुंअ हाम्हां का सुपनै ज़िहअ।
Sabedoria sobre sonhos
A Bíblia ensina discernimento: nem todo sonho vem de Deus. Devemos entregar nossos planos ao Senhor e confiar na direção dele.
सोभै गल्ला छ़ाडा बिधाता सेटा,
तेऊ करनी थारी गल्ला सफल।
मणछ सोठा आपणैं दिलै कई गल्ला,
पर सफल हआ सह ई गल्ल ज़ुंण बिधाता सोठा।
मोसा बोलअ इज़राईली लै इहअ, "केभै सका आजू इहअ बी हई कि तम्हां सेटा कुंण गूर या इहअ मणछ एछे ज़ुंण तम्हां का नछ़ैण अर च़मत्कार रहैऊए या आजू हणैं आल़ी गल्ला प्रगट करी इहअ बोले, ‘च़ाल्ला हाम्हां डेऊणअ तिन्नां देअआ पूज़दै, ज़ेतो तम्हां का आझ़ तैणीं थोघ ई निं आथी।’ ज़ै कुंण गूर इहअ बोले, तेऊए गल्ला निं मनी आथी! थारअ परमेशर बिधाता परखा तम्हां इना करै अर सह हआ ऐहा गल्ला भाल़अ लागअ द कि तम्हैं तेऊ लै आपणअ सारअ मन्न, प्राण अर आपणअ सारअ ज़ोर लाई झ़ूरा कि नांईं। तम्हैं रहै आपणैं परमेशर बिधाता लै पठी शुचै-पाक्कै। तम्हैं मनै सिधै बिधाते हुकम अर तम्हैं करनी सिधी तेऊए ई च़ाकरी अर एता पूरै करना लै लोल़ी तम्हां सदा हैल़अ-फिकर हुअ।
"मुखा आसा थोघ कि ईंयां गूर किज़ै खोज़ा ज़ुंण मेरै नाओंऐं इहअ झ़ुठअ बोला कि मंऐं खोज़ी तिन्नां का धैनै-सुपनै गल्ला! ईंयां गूर कधू तैणीं रहणैं मेरी परज़ा ठगदै लागी? ईंयां च़ाहा इहअ कि लोगै लोल़ी तिन्नें मनघल़ंत गल्ला मनी!
शूणां कि हुंह बिधाता किज़ै बोला! हुंह निं तिन्नां गूरा बाखा आथी ज़ुंण लोगा का आपणैं सुपनै खोज़ा अर असली दी आसा तिंयां ज़ाथी पठ झ़ुठी गल्ला, ज़ेता करै तिंयां मेरी परज़ा का पाप कराऊआ। तिंयां गूर निं मंऐं आथी छ़ाडै दै अर नां मंऐं तिन्नां लै हुकम किअ, तिन्नां करै निं लोगा ज़ाथी किछ़ फाईदअ हणअ। अह गल्ल डाही मंऐं बिधाता बोली।"
किल्हैकि तम्हां ज़ेतरी खास्सी फिकर पल़े, तम्हां रहणैं तेतरै खास्सै सुपनै लागी, अर खास्सअ चिंजी करै जाआ किज़ै नां किज़ै ऐडी गल्ल छ़ुटी ई।
किज़ू कामां करनैओ बाहिदअ करी सह काम नांईं करनअ हआ धैल़ी दपहरै सुपनै भाल़णैं ज़िहअ बृथा। एता का करनअ परमेशरो अदर अर ज़ुंण तम्हैं ज़बान किई सह करनी पूरी।