Superação
Superar desafios, dificuldades e tentações faz parte da caminhada cristã. A Bíblia nos garante que, em Cristo, somos mais que vencedores em todas as circunstâncias.
Vitória em Cristo
Jesus já venceu o mundo. Nele temos coragem, paz e a certeza de que nenhuma adversidade poderá nos derrotar definitivamente.
"Mi kwu aɓo ye gna fye, nabai nge dna n əmi nu n fye ɓa ɓwa bwugbafu. Dna n anyì ye, fye ɓa ɓwa bwugbawnu. Ama fye la bwugba dna kalá! Mi kwu nasala gyi tu n anyì tukwo."
"Mi kwu aɓo ye gna fye, nabai nge dna n əmi nu n fye ɓa ɓwa bwugbafu. Dna n anyì ye, fye ɓa ɓwa bwugbawnu. Ama fye la bwugba dna kalá! Mi kwu nasala gyi tu n anyì tukwo."
Aawo, kpe n aɓo ye vnyanya, yi du anasalagyiyi lo, ntu əwo ɓo n wo ɓə ye yi nyi.
Ama amisa zhni Shekwoyi nya nu! Əwo nu ga yi nasalagyi dna n əyi Dagayi Yeisu Kirisiti.
Ama amisa zhni Shekwoyi nya nu! Əwo nu ga yi nasalagyi dna n əyi Dagayi Yeisu Kirisiti.
ntuge zahozahoyi n a la wo shna ma dna n Shekwoyi, wo kwu nasalagyi nu n anyii. Dəye nu zhni nasalagyi n kwo la myi n anyi ɓo; əkwo nu zhni əyi gaiciyaga.
Ɓəhnihni dəye nu zhni yeyewu ga Shekwoyi: ya shi əwo aɓəgbetu əɓwa. Njesnu əwo aɓəgbetu to dnaɓo lo m, ntuge zahozahoyi n a la wo shna ma dna n Shekwoyi, wo kwu nasalagyi nu n anyii. Dəye nu zhni nasalagyi n kwo la myi n anyi ɓo; əkwo nu zhni əyi gaiciyaga. Nyika nu lo n wo myi n anyi əɓo a? Əza yi nu ɓwasnu n wo n gaiciyai ga nge Yeisu nu zhni Shekwoyi Nugwnu.
Nyika nu lo n wo myi n anyi əɓo a? Əza yi nu ɓwasnu n wo n gaiciyai ga nge Yeisu nu zhni Shekwoyi Nugwnu.
Ɓa kwu nasalagyi kpe n əwo tukwo
n Kwugyasnáyi amii
jesnu n əɓa ɓədagbma ɓəgbmi nyai;
ɓa to ɓə ye əɓa awyewyeyi dəidəi
n ɓa ɓəə ɓa wo əfyi ədna m.
Superando o mal com o bem
O cristão vence o mal não com violência, mas com o bem. O amor, a fé e a perseverança são as armas da superação.
Fye to fa nukwoi kwa gyi fye əsnu m, ama fye gyi nukwoi əsnu n manaii.
Fye to fa nukwoi kwa gyi fye əsnu m, ama fye gyi nukwoi əsnu n manaii.
Bwuznagna fnu dna n wyegbma, jesnu wyegbma too myi n əkwo əsnugyi m.
Ama mi sa Shekwoyi ami lo, n wo gyilo n əyi abye ciici ngye a wnawnai fyi n Kirisiti nasalagyi əzna nya, jesnu woi zhni apma n yii, yii gná asni adadai myi əwo əye yekpé nya n abahobahoi.
Zahozahoyi n fya kwu abwizo wo, mi kwu abwizo wo ce. Jesnu əɓo n mi kwu əkwo abwizo; ngye əɓəho ɓəye nyi abwizo nya; mi kwu abwizo zo n Kirisiti abye ntu əfye ɓo, nabai n Shetam taa znu yi akpé m. Ntuge əwo agbá to n yii ɓwuye lo m.
"Əza n wa gyi nasala, mi ɓə ga wo aba woi kwnu asese tu n mii n əmi əbeshnikpegye, n ɓwasnu ngye shi mi ɓə gyi nasala, minyi kwnu asese tu n əmi Dadai n əwo əbeshnikpegye nyi.
"Əza n wa gyi nasala, mi ɓə ga wo aba woi kwnu asese tu n mii n əmi əbeshnikpegye, n ɓwasnu ngye shi mi ɓə gyi nasala, minyi kwnu asese tu n əmi Dadai n əwo əbeshnikpegye nyi.
Əza n wa gyi nasala, ngye əɓa, wo ɓə kpe aje abwuibwui. Mi taa gbmi əza yi əye ya n pafyi wyewyeyi nya m nanyinanyi, ama mi ɓə da əwo əye ɓo n əmi Dada abye n əwo amaləkai.
Força e coragem divina
Deus é nosso escudo e fortaleza. Quando o medo tenta nos paralisar, a presença do Senhor nos fortalece e nos encoraja a prosseguir.
Mi ɓa myi ma zhni ɓəhoɓəhoi dna n wo, n wo ga mi kalá nyi.
Əfye, aɓyi ayeyeyi, fye kwnu n Shekwoyi aba nu jesnu fye kwu myi n əɓa ɓo, ntuge əwo n wo dna n əfye nyi, wo du əwo lo n wo dna n anyi nyi.
Əfye, aɓyi ayeyeyi, fye kwnu n Shekwoyi aba nu jesnu fye kwu myi n əɓa ɓo, ntuge əwo n wo dna n əfye nyi, wo du əwo lo n wo dna n anyi nyi.
Resistindo a tentação
A armadura de Deus nos protege contra as investidas do mal. Resistir ao diabo, vigiar e orar são essenciais para a superação espiritual.
N kpmasnu, fye kwu akalá fyi dna n Dagayi, jesnu dna n əwo ikwodudui akalá. Fye kwu Shekwoyi akwnuakaya kpe n nunui, nabai n fye ɓa myi fya gnyiapaapa n Shetam agbákwnui. Ntuge əyi abwafyi to zhni nayi ń amii nya nu m, ama ǹ abegyiyii, ń aikwoi, ǹ akalái fyi n wyegbma anyì ye nya, jesnu n azafnu ɓənukwoizhni nya ń ashebmana. Ntucenu fye kwu Shekwoyi akwnuakaya anunui kpe vnyanya, nabai shi nyipyei nukwoi ɓə ɓe, fye ɓə myi fya gnyiagnyi zhi, n fya kwu ɓəhoɓəhoi zozhni, fya kwu myizhi. Fye kwu myizhi nsaiye, fye kwu gaiciyanunui shnipanya pa n əfye ashni, fya kwu ɓəfyecezhni agwuɓwunya kpe n əɓa aba. Fye kwu abwada fyi n əfye apita n fyehni yeyei fya lo n nabagyi manai bwugbafu nyai. Ənya n fye ɓa ɓe n aɓo ye vnyanya, fye la okwnukpáta gaiciyaga nya la, n əkwoi nu n fye ɓa myi fya wnu əzanukwoyi aknawyi əná ncei. La snuknakàta gnyignyi nya la, n əbeyakwo Zafnu nyai, n kwo nu zhni Shekwoyi ɓədagbma nyi.
Ntu əfye anyìgyi kwokwoyi ɓo, a ɓə kwu wu fye nge, fye la əfye əza kwokwoyi kpmaya, n kwo gnyi kwoi wnuya n əkwo aɓəpwawo kwocedna nyai nyi; a kwu fye zhni awoiwoyi fyi n aɓonubwozhni əfye abwugba nya; njesnu fya kwu əzawoiwoyi kpe, n a ɓə zhni wo, waa wu ngye Shekwoyi dna n ɓəfyece hnihnii n gyigyii.
"Dna n əho minagyi to zhni leifyi m" To ye nyipyei kwa shni hoi ye tu n əho minagyi m, jesnu to ga Shetam apita tu aba m.
Nlonu, fye kwu əfyehni ga fyi n Shekwoyi akwnu. Fye na shetam aɓo, njesnu wo ɓaa kpesiya n əfye aba. Fye yeɓe vyivyiwyi da Shekwoyi jesnu wo ɓa yeɓe vyivyiwyi da fye. Fye na əfye aɓwa, əfye aleifyizhniyi, jesnu əfye abwugba ngwnu-aba da fye la əfye adu pmya ɓa kwu zè atnaɓətuyi.
Fye kwu əfyehni tukwo gbà n Shekwoyi abye jesnu wo ɓa kwu fye kala zhi n agnyi.
Əza anabəlikada nu n waa əwohni wnashì dna ń mwimwi, ntuge she wo ɓə kwu nasala gyi n mwumwui, əza yi ɓə gwo fnunyi wyewyeyi nya n Dagayi wo la əkwo əgbe shi wa ga aza yi n ɓa ye wo nyi.
Əsa n əza ɓwa mwumwu, əza yi to gna, "Shekwoyi nu gnyi woi mwu mi m," Ntuge a taa tu Shekwoyi mwi ń ɓənukwoi m, kwo nge wa mwi zahozahoyi m. Ama zahozahoyi ɓwa mwumwu əsa nu n əwohni ɓəpwawo nukwoi ɓədo n aɓəwyedai gnyi wo lo ncei nu. Nlonu, əsa n shakpe nla nubwo la, kwo ma leifyi nu, jesnu she leifyi la zo mwa, kwa ma əfyi.
Mwumwu ho too ɓe da əfye m, akpəge ədo pya n kwo ɓe da zanyikwoci dəhodəhoi. Njesnu Shekwoyi zhni gaiciyazhninunui nu; wo taa ye nge fye ɓwa mwumwu n du əfye kaláwyi m. Ama əsa n mwumwu kwa ɓe da fye, wo ɓa wu zokwo n fye ɓa kwnuya, nabai n fye ɓa kwu əmi fyi ntu əkwo ɓo.
Snu okwnu manai gaiciyaganunui nya. La əɓwatashi wyewyeyi nyalonyalo nya ədo n a ɓə yi ho n əkwo əɓo, əsa n ho ɓə gbmiɓo manai gnyi n aza n mwabəgyé awye nyi.
Aza yi n ɓa ncei pma ɓa kwu zè anyaɓwayi, ɓa kaya fyi n mwumwu ɓədo n agbúlui jesnu ɓa lofyi n amama aɓo n aɓəmwi aɓwawui, n ɓa ka aza fyi n əfyi n agbmazhnii.
Perseverança até o fim
A corrida da fé exige perseverança. Devemos lançar fora todo peso e olhar para Jesus, o autor e consumador da nossa fé.
Ntucenu, shikwonyi yi n aseyedada deeji yaakwo ye pyai lo n shegwnu yi nyi, fa ya kwu nyahonyahoi shnawoi sheya, n ɓa n yii zezhi nyi, jesnu n leifyii n kwo ta wo knanyi əza nyi m. Njesnu fa ya bwusi n bwugbadnai, əsi n kwo shi n əyi abye nyi.
Yi pa wo əɓo, əza n wo ɓə fyimì n aleifyizhniyii pyai n ɓa ɓə gnyiapaapa n woi nyi, nabai to fya gbakalá jesnu fya bmabwugba ya m.
Ntuge əwo n əwohni tukwo, wo ɓə kwu azhnìgye əsa n a ɓə mwi wo, wo ɓa myi wa bma aza yi zhni n ɓa ɓwa mwumwu nyi.
Fye kwu zhigwu jesnu fya kwu əfye abwugba yaami. Əfye nuwnuyi shetam laɓa lo woi shegwnu ngye gaba ɓwuciyi woi zna əza shni n wo ɓa saya. Fye na wo aɓo, fya kwu gnyiagnyi n myizhi n gaiciyaga, ntuge fye kpəlo ge agaiciyagayi apwuwa n anyìpata vnyanya fyilo ɓai gyeazhnì ye pya nu.
Njesnu Shekwoyi shebmyashi da vnyanya, n wo ɓə yi fye fyi n latu nyalonyalo nya dna n Kirisiti nyi, shi fye ɓə kwu azhnìgye əsa fyewyi, əwo n əwohnii, wo ɓə la fye zhishni jesnu woi kwu fye zhni akalada, n myizhi jesnu n əmìfyii dəidəi.
Fye kwu zhigwu jesnu fya kwu əfye abwugba yaami. Əfye nuwnuyi shetam laɓa lo woi shegwnu ngye gaba ɓwuciyi woi zna əza shni n wo ɓa saya.
Nyika nu ɓa gná yi aje n Kirisiti yeyei a? Azhnìgye nu, kwo əɓoɓədna kwo awyesnugbegye ɓo kwo myikwnu nazhii kwo ɓwotoloi kwo ɓwawu kwo əbeyaakwo a?
Njesnu yi kpəlo nge fyi n aɓo vnyanya Shekwoyi zhni aɓo amanai ga aza yi nu n ɓa ye wo, aza n a la ɓa yi, vyi əwo ɓəmwi.
Dagayi ɓə gnyi mi ya n ɓənukwoi dəhodəhoi njesnu wo ɓə ɓe n mii n lafyiyai dna n əwo əshebemi. Latu zhni əwo nya nu nyalonyalo. Amyi.
Ama Dagayi zhni gaiciyazhninunui nu, wo ɓa fyi fye akalá jesnu wa kna fye n əzanukwoyi.
Descanso e renovação
Jesus convida os cansados e sobrecarregados a descansar nele. Sua graça é suficiente para nos renovar em meio às tribulações.
"Fye ɓe əmi aba, əfye vnyanya ń a kwu fye ɓe jesnu n akaya ashnawoi kpe, mi ɓa ga fye snusnu.
Fye kwu əfyehni wnashi n anyìgyi gyiwye yeye nya, jesnu anya n fye ncei lo ɓa kwu fye kwnuawye, ntuge Shekwoyi wo kwu da,
"Mi taa ya fye m nanyinanyi;
Mi taa na fye aɓo m nanyinanyi."
Ntuge ɓəda ho to lo ń kwo gbmi ń Shekwoyi aba n kwo ɓa gbakalá m."
Wa nya ɓa əɓo, "Knyiyi nu zhni fyei wnagye a? Fye kwukazhi fya zhniaduwa nabai n fye taa kaya fyi n mwumwu m."
She wo ɓə si abaayi, wa gna ɓa ge, "Fye zhniaduwa nabai n fye taa kaya fyi n mwumwu m."
Mi la ikwo ga fye fya dna awa n anapisii n apitai, jesnu fya gyi nuwnuyi tukwo kalá vnyanya; nyaho taa wu fye əɓwa m.
Fye kwu zhigwu jesnu fya zhniaduwa, nabai n fye taa kaya fyi n mwumwu m. Zafnu ncei ye lo, ama nayi n gbakalá gbàgbài lo."
Əza n wo zhni leifyi, wo zhni Shetam nya nu, ntuge Shetam nu ɓə ya leifyizhni n kpmisnuyi. Ɓətukwo n kwo ɓə zhni Shekwoyi Nugwnu wa kpeyaɓe nyi, əkwo nu nge wa kwu Shetam tnutnu zhniagbma.
Aɓyi ayeyeyi, mi gnyi mii ka ga əfye nu,
ntuge a kwu əfye aleifyi zo fye ntu əwo əye ɓo.
Mi gnyi mii ka ga əfye nu, adada,
ntuge fye kpe əwo əye lo n wo ɓəə nyi n ayayaba nyi.
Mi gnyi mii ka ga əfye nu, aɓyikasa,
ntuge fye kwu əzanukwoyi gyiakalá.
Aɓyi ayeyeyi, mi ka ga fye,
ntuge fye kpe Dada əye lo.
Adada, mi ka ga fye,
ntuge fye kpe əwo əye lo n wo ɓə nyi n ayayaba nyi.
Azanugbai aɓyikasa, mi ka ga fye,
ntuge fye n akalái fyilo,
ntuge Shekwoyi ɓədagbma dnalo n fye,
njesnu fye kwu əzanukwoyi gyiakalá.
Fye to ye anyi kwo nyahonyahoi n kwo dnalo n anyì m. Ndei əzahozahoyi ye anyi lo, Dada yeye to dnalo n wo m.
Fye ta kpəlo nge əfye anayi zhni Kirisiti aga nu n əwohni tukwo m? Kwo ɓá bmya ma kwu Yeisu aga ma ye ɓa ɓədo n kaluwai? Nanyinanyi! Fye ta kpəlo nge əza n wa ye əwohni ɓədo n kaluwai wo la zhni gbmanyi nu n woi n nayii m? Ntuge a cei da lo, "Əɓa ngwnu-aba ɓa ɓə kwu zè nayi gbmanyi." Ama əza n wa ye əwohni ɓədo n Dagayii, wo la zè gbmanyi n woi dna n Zafnu.
Fye bwi asisiɓozhni əsi. Aleifyi aje vnyanya n zanyikwoci zhni nyi, ɓa to fyi n nayi nu m, wo zhni kwo n gbmigbmiiya n nayi nu, ama əza n wa zhni abwi asisiɓozhni nya, ɓa bwi əɓahni nayi nu. Fye ta kpəlo nge əfye anayi zhni Zafnu gyigyii-pwuwa nu n wo dna n əfye nyi m, əza n fye ɓə gwo n Shekwoyi nyi m? Fye to ye zhni əfyehni anyanu m; a ɓə si fye n kwoná nu. Ntucenu fye ga Shekwoyi mwamwa n əfye anayii.
Ntulonu, mi gna fye, nge fye znazna fyi n Zafnu, nlonu fye taa nu nayi aɓəmwi m. Ntuge nayi aɓəmwi ɓa gnyiapaapa n Zafnu nyai, jesnu Zafnu nya gnyiapaapa n nayi nyai. Ɓa zhi n gwnukpeaje nu, nabai n fye taa myi fya zhni ɓəhoɓəhoi n fye ncei pma m.