Superação
Superar desafios, dificuldades e tentações faz parte da caminhada cristã. A Bíblia nos garante que, em Cristo, somos mais que vencedores em todas as circunstâncias.
Vitória em Cristo
Jesus já venceu o mundo. Nele temos coragem, paz e a certeza de que nenhuma adversidade poderá nos derrotar definitivamente.
Nanning nynh kamaw kya daenaw na hoi nawlan oh hynh-e bya hynh kae hopya oh. Nanning nynh laephi kya vawsawnaw na tung cih oh; thuasalama nae rawhoy sah; laephi tuh ka tae vae," a ci.
Nanning nynh kamaw kya daenaw na hoi nawlan oh hynh-e bya hynh kae hopya oh. Nanning nynh laephi kya vawsawnaw na tung cih oh; thuasalama nae rawhoy sah; laephi tuh ka tae vae," a ci.
Oun phia kho lanpaw um khyh. Aening oun sungsahtupaw amaw liate, aening tuh hynh-e uccaw hae balyn kya taetu hae pasing nynh ah thua oh.
Thuasalama ah Bawipaw Jesu Khri liate aening taenaw oun pyatupaw Pachia kya thehoynaw um sah.
Thuasalama ah Bawipaw Jesu Khri liate aening taenaw oun pyatupaw Pachia kya thehoynaw um sah.
Pawccecize Pachia kyate a puipaw miakaw nynh tuh laephi kha a tae. Laephi a tae khopaw taenaw tuh aening zynnaw nynh athua.
Pawccecize Pachia sungsah cipaw tuh aening nynh a kawbya hae kha ah zui oh paw hynh nynh thua. A kawbya hae tuh phuripaw thua khyh. Pawccecize Pachia kyate a puipaw miakaw nynh tuh laephi kha a tae. Laephi a tae khopaw taenaw tuh aening zynnaw nynh athua. Laephi a taepaw tuh hummou? Jesu tuh Pachia Ccapaw nynh thua cite a zynpaw ccungccaw kha thua khyh tou?
Laephi a taepaw tuh hummou? Jesu tuh Pachia Ccapaw nynh thua cite a zynpaw ccungccaw kha thua khyh tou?
Ah uno hae nynh
Tuutaw chii liate thuasah,
mih ccaekia tangnaw bya liate thuasah
Satan kha a tae hae; minmin tuh
chi ngan ciate mih hiinnaw kha
a pyakuh hae.
Superando o mal com o bem
O cristão vence o mal não com violência, mas com o bem. O amor, a fé e a perseverança são as armas da superação.
Athahpaw kha la taesakuh nan oh, athahpaw kha ahoypaw te la tae oh.
Athahpaw kha la taesakuh nan oh, athahpaw kha ahoypaw te la tae oh.
Awnaw tuh mohnaw kya a aw, thuasalama mohnaw nynh tuh-e awnaw tuh the kho khyh.
Khri kya aening kha taenaw kalan zungzae oun cciakhaepaw te aening kha mangte amaw nynaw mynkhuhpaw kha hmin takyh kya a zeihsakuhpaw Pachia kya thehoynaw um sah.
Nanning nynh na ngaethya oh paw ccungccaw kha kae nynh mah ka ngaethya. Kae nynh ccangkhakheit kha ka la ngaethya ze, Khri malang nanning liate nynh ka ngaethya. Tuhte ah cyi oh paw tuh, Satan nynh aening kha oun tae khyh nawlan nynh thua; pawccecize a paccynkunaw kha aening nynh ah ny oh.
Kae tuh taetu ka thua zah ka Paaw ryte a bawitungkhung vawlan kae haung hawte, taetu athuapaw tuh ka bawitungkhung vawlan kamaw ryte haungnaw kaw ka pya cih.
Kae tuh taetu ka thua zah ka Paaw ryte a bawitungkhung vawlan kae haung hawte, taetu athuapaw tuh ka bawitungkhung vawlan kamaw ryte haungnaw kaw ka pya cih.
A taetupaw tuh boeining rawpaw kha lawsahku athua cih, hiinnaw ccauh kyate a min kha ka thee vae lan khyh, ka Paaw malang te a vaawccungccaw hae malang a min kha ccaekia ka khan cih.
Força e coragem divina
Deus é nosso escudo e fortaleza. Quando o medo tenta nos paralisar, a presença do Senhor nos fortalece e nos encoraja a prosseguir.
Bawipaw tuh ka awnaw te
kae yn khumtu nynh thua;
Hum raw mou ka rih cih?
Bawipaw tuh ka hiinnaw
a rekunaw nynh thua;
Hummou ka ripah cih?
Thuasalama, pou Bawipaw ,
nang tuh yn thungkhawpaw
khawriaphua na thua zah,
ka phu-enaw te ka lu
yn hangthungpaw nynh na thua.
Ka li kha ka doliakuh khyh zah,
ka thaloi nynh mah yn khum kho khyh.
Thuasalama kae rhaw hae kyate
nae khum vae zah,
kaening oun hua hae paw kha
mih mae na thyasah vae hae.
Kaening tuh Pachia kya
palei kae pookuh zah,
na min kha zungzae kae thehoysah cih.
Pou Bawipaw , kaening hynh
beih oun khum cite kae ngiaku!
Pou Bawipaw , kaening hynh
kae laan kae sui
beih uasah cite kae ngiaku!
Bawipaw min te yn thuapaw tuh
hythuanaw mue vae sah.
Bawipaw inn kyate kaening nynh
hythuanaw kae pya hae.
Dotua oh, Bawipaw nae Pachia nynh nanning kha ram ae pya vae oh; Bawipaw athuapaw nae minpaaw hae Pachia nynh bya ae kinpyaku oh paw ram lang cceihthung oh lah lawkuh oh; rih nan oh lah, nae lungthang nan sah," kae cipya oh.
pawccecize nanning kha taenaw pya khylan te nanning hanlan nae rhaw hae kha tukpya khylan ae cciakhae oh paw tuh Bawipaw nae Pachia nynh thua," cite a hopah cih hae.
Atynpaw thinlung a hoi hae paw nynh
nang kha ae doliaku hae keiccuze
daenaw na pya hae.
Thawzung yn pyatupaw Khri liate pawpaw balyn ka cyih kho.
Ka ccaaw hae, nanning tuh Pachia kya-e na thua oh zah minmin kha phe na tae vae oh; pawccecize nae kya a umpaw Muisaw tuh laephi kya a umpaw muisaw laeze alehua.
Ka ccaaw hae, nanning tuh Pachia kya-e na thua oh zah minmin kha phe na tae vae oh; pawccecize nae kya a umpaw Muisaw tuh laephi kya a umpaw muisaw laeze alehua.
Resistindo a tentação
A armadura de Deus nos protege contra as investidas do mal. Resistir ao diabo, vigiar e orar são essenciais para a superação espiritual.
Nyathyakou ka uno hae, Bawipaw kya te a thungnaw thawzung kyakhe nae thawsae sah. Satan lingnaw kha na dou kho nawlan oh Pachia kya-e rhawtuk-uccaw kha abalyn mawte lawkuh oh. Pawccecize aening tuh chii te saw a hoipaw rhaw te ah doukuh khyh oh, thuasalama uktu hae, kawhoitu hae, hynh-e she mohnaw kya-e laephi uktu hae, vaawlang umpaw ahoy leipaw muisaw hae ryte nynh ah douku oh. Tukeiccuze Pachia kya-e rhawtuk-uccaw kha abalyn mawte lawkuh oh, tuhteze nynh nin hoy leipaw kya na dou kho cih oh zah pawpaw balyn thangsah te tynkaring lan na thadyn kho cih oh. Tukeiccuze byaccing athuapaw taeccia khate nae tae kha cciaku te, dingnaw athuapaw bykhaw kha khawkuh oh, daenaw athuapaw thehoypaw kha phy khylan paccynkunaw kha ccukoh lang kohkuh oh, tuh-e hae balyn laelan, zynnaw athuapaw khawriaphua kha ccyngkuh oh lah, tuh-e tuhte raerangsaro kya-e maee lang ruapaw thee hae balyn kha na the kho cih oh. Khumnaw athuapaw sivawlukhung te Pachia bya athuapaw Muisaw thaloi kha ccyngkuh oh.
langmaw nae ozia te asekuh lante ahynthyapaw ryduaanaw thyhte phe aroh vae paw arynpaw ccungccaw kha na vua nawlan oh, te nae thinlung te nae tuanaw kha thawsah te na um nawlan oh, te ahmepaw dingnaw kya te thyaanaw kya Pachia hawmawte rae athuapaw, athawpaw ccungccaw kha nanning nynh na lawku nawlan oh nynh thua.
Nae thinria salamah sei nan oh, nae thinrianaw khate khuanin ccawsah nan oh. Satan kha umnaw ua nan oh.
Tukeiccuze Pachia rynaw kha zui oh. Satan kha dou oh lah, nanning kha ae ccuetaw cih oh. Pachia kalan naekuh oh lah, aning mah nae kalan a naekuh cih. Misei hae, nae kuih kha ccikankuh oh, thinlung aphei hae paw, nae thinlung kha thyaasakuh oh.
Bawipaw malang zakawsangsakuh oh lah, aning nynh ae hangthung cih oh.
Tuhounaw kha a ngaesangpaw ccungccaw tuh hythua ccoupaw nynh thua; pawccecize aning tuh syntaw he athua koute Bawipaw nynh amaw a sungsah hae paw elang bya a kinpyaku hae paw hiinnaw bawilukhung kha a mue cih. Tuhounaw kha a tung vae ze, "Pachia nynh kae tuh yn tuhou," cite hum nynh sanmah ho nan sah; pawccecize hoyleinaw nynh Pachia kha tuhou kho khyh, amaw nynh mah hum sanmah tuhou boi khyh. Thuasalama ccungccaw tuh amaw a pynsaw rynaw nynh soih zah he a sue vae ze, aning tuh ling athua vae. Pynsaw rynaw nynh ccaawpoi zah seinaw kha a saah, seinaw nynh he ale tuh chinaw kha a thuakhae.
Ccungccaw miakaw nynh a tung hae paw syntawnaw rou kha nynh na tung oh. Pachia tuh a lungzipaw thua zah, na taening lei oh paw syntawnaw kha nae kya thuasah lan khyh; syntawnaw kha na teing kho nawlan oh, syntawnaw ryte luenawpaw laanpi kha mah ae raepah cih oh.
Zynnaw khungtaekunaw kya na thawzung balyn kha thuatua, zungzae hiinnaw kha varyng kyngkuh. Tuh-e kalan nang tuh ko na thua zah ccaekia patae malang ahoypaw ccaekia phe na khan vae.
Thuasalama hoirum a ry hae paw tuh tuhounaw lungkhu lang, kaang lungkhu lang, ngaeenaw patae te ronaw a thuakhaepaw ryduaanaw lungkhu lang nynh a phungkuh cih hae. Tuh-e hae nynh ccungccaw hae kha ronaw te zonaw kya a phungsaku hae.
Perseverança até o fim
A corrida da fé exige perseverança. Devemos lançar fora todo peso e olhar para Jesus, o autor e consumador da nossa fé.
Tukeiccuze aening mah ccaekia athuapaw maeking pi nynh phang oun koihlu keiccuze zoikadeih lan kaang oun kaesahpaw seinaw te phupaw miakaw kha ccanglang dae nung oh sih lah, aening malang a umpaw ccuetaekunaw kyakhe lungsaenaw te ccue oh sih.
Pawccecize nanning nae lungthawthang khyh nawlan te nae lungthawzya khyh nawlan misei hae kya-e khahcihawpaw rawsenaw a ngaesangtupaw amaw kha la tuatua oh.
Amaw nynh tuhounaw kha a teing vae keiccuze tuhounaw a teing hae paw kha a bawm kho hae.
Hawrarih lan um oh; raeringkute um oh; pawccecize nae rhawpaw Satan tuh a sia a ruapaw chindeih hawte hum vema ka laang cih cite ccungkute a khiakuh. Laephi vaw e nae uno hae tuh tuhcihawpaw riathaenaw a teing hae cipaw kha nyh oh lah, nae zynnaw kya varyng tynte Satan kha la dou oh. Khri Jesu liate zungzae tynpaw a phu-enaw kalan ae kotu oh paw, thawccinaw balyn a hoitupaw Pachia nynh sosoh na teing kou oh te, nanning kha ae ccingsah cih oh, ae thadynsah cih oh, thaw ae saesah cih oh zah ae tynsah cih oh.
Hawrarih lan um oh; raeringkute um oh; pawccecize nae rhawpaw Satan tuh a sia a ruapaw chindeih hawte hum vema ka laang cih cite ccungkute a khiakuh.
Khri sungsahnaw kyate hum nynh mou oun phia kho cih? Vawsawnaw nynh tou? Riathaenaw nynh tou? Tuaasahkunaw nynh tou? Ccakannaw nynh tou? Ccakaete umnaw nynh tou? Rinaw nynh tou? Zunghe nynh tou oun phia kho cih?
Pachia kha sungsah hae zah amaw a eenaw thyhte ko athua hae paw hanlan tuh Pachia nynh pawpaw balyn kha ahoy lante cci nynh pynkheihlan rya a law cipaw ah ny oh.
Bawipaw nynh ahoy leipaw ryalaw miakaw kyate kae kha yn luesah cih zah, a vaawlang peenaw kalan khyndadyh lan yn cciakhae cih. Amaw kya phu-enaw tuh zungzae te zungzae cia um sah. Amen.
Thuasalama Bawipaw tuh a lungzipaw nynh thua; aning nynh thawzung ae pya cih oh zah ccungccaw hoyleipaw kyate ae thungkhaw cih oh.
Descanso e renovação
Jesus convida os cansados e sobrecarregados a descansar nele. Sua graça é suficiente para nos renovar em meio às tribulações.
"Riathae hae paw te phupaw ri hae paw balyn ka kalan rang oh lah haeungnaw kae pya cih oh.
Nae hiinzia tuh phua a duaa leipaw thua sah lah, na hoi oh paw uccaw hae khate nae lungryachih sah. Pawccecize Pachia nynh, "Nang kha kae cciataw boi lan khyh zah kae vua boi lan khyh," a ci.
Pawccecize Pachia nynh a cyi kho leipaw pawpaw mah um khyh," a cipya.
Minmin kha, "Pawccemou na i oh? Tuhounaw lungkhu lang na ccaw khyh nawlan oh, tho oh lah sawsang oh," a cipya hae.
Tuin kya he a thua te minmin kha, "Tuhounaw lungkhu lang na ccaw khyh nawlan oh sawsang oh," a cipya hae.
Dotua oh, nanning tuh hupaw hae te zekang hae syde kho nawlan te nae rhaw hae balyn kha tae kho nawlan kawhoinaw kae pya vae oh; pawpaw nynh mah nanning kha vaemaw ae muesah lan khyh oh.
Tounaw lungkhu lang na ccawsei khyh nawlan oh sawsang oh lah ngaw oh. Thinlung nynh tuh ry salamah pynsaw tuh a thawzya," a cipya.
Pou Zion ccanung,
na lung myarya tua sah!
Pou Jerusalem ccanung,
thawte siatua!
Pawccecize na siapharan tuh
na kalan yn cceih cciamang;
aning tuh taetu thua zah
taenaw te yn cceih,
thinlung nepaw thua zah
lann tungvaw a ccikuh,
lann taraw tungvaw,
lann a taw tungvaw ccikute yn cceih.
Seinaw a raepaw ccungccaw tuh Satan kya-e nynh thua, pawccecize Satan tuh atakaw te palei a seipaw nynh thua. Pachia Ccapaw yn langkupaw tuh Satan ryalaw kha ro khylan nynh thua.
Ka ccaaw hae, Bawipaw min liate
nae seinaw kha ngaethya
athua vae keiccuze
nae kalan ccaw ka zei.
Paaw hae, atakaw te
a la um vae paw amaw kha
na ny vae oh keiccuze
nae kalan ccaw ka zei.
Ccangvae hae, Satan kha
na tae vae oh keiccuze
nae kalan ccaw ka zei.
Ka ccaaw hae, Paaw kha
na ny vae oh keiccuze
nae kalan ccaw ka zei.
Paaw hae, atakaw te
a la um vae paw amaw kha
na ny vae oh keiccuze
nae kalan ccaw ka zei.
Ccangvae hae, nae thawsae zah
Pachia bya tuh nae kya
atyn keiccuze Satan kha
na tae vae oh, tukeiccuze
nae kalan ccaw ka zei.
Laephi te laephi kya a umpaw uccaw hae hynh sungsah nan oh. Ccungccaw lukhakheit nynh laephi kha a sungsah ze, Paaw sungsahnaw tuh tuh-e paw kya um khyh.
Nae pyn tuh Khri pyn kya-e hae nynh thua cipaw na nyh khyh oh tou? Tukeiccuze Khri pyn kya-e hae kha ka lah cih zah ohhuanung pyn kya-e hae lang ka rae cih tou? Ka rae cceisoh! Ohhuanung te a kyngkuhpaw tuh tuh-e nung te pyn pynkheit nynh athua hae cipaw na nyh khyh oh tou? Pawccecize Pachia nynh, "Minmin lu ning tuh ngesaw kheit lang a tang cih hae," a ci. Thuasalama Bawipaw te a kyngkuhpaw tuh amaw te muisaw ccangkheit nynh athua hae. Ohhuakunaw kha sibia oh! Ccungccaw nynh a raepaw seinaw miakaw tuh pyn atolang nynh a um; thuasalama ohhuakunaw a raepaw tuh amaw a pyn kya a sei vae. Nae pyn tuh Pachia kyate na mue oh paw, nae lungkhu a umpaw Thyaa Muisaw beikinn nynh thua cipaw te nanning tuh naemaw kya-e na thua khyh oh cipaw kha na nyh khyh oh tou? Pawccecize nanning tuh amee te repaw nynh na thua oh; tukeiccuze Pachia phu-esah nawlan nae pyn kha mang oh.
Kae hopya oh paw tuh, Muisaw te hiin oh lah, pynsaw rynaw kyakhe nae lungryachih nan sah. Pawccecize pynsaw rynaw tuh Muisaw rynaw te rawsekuh zah Muisaw rynaw mah pynsaw rynaw te arawsekuh; hynh-e hae tuh ccangkheit te ccangkheit arawsekuh hae; tukeiccuze na cyi ry oh paw kha na cyih khyh oh.