10 Ang pagkatakot sa Panginoon

ang simula ng karunungan.

Lahat ng sumusunod sa kanyang mga utos

ay may mabuting pang-unawa.

Purihin siya magpakailanman.

10 Ang pagkatakot sa Panginoon

ang simula ng karunungan.

At ang pagkilala sa Banal na Diyos

ay nagpapahiwatig ng pagkaunawa.

33 Ang takot sa Panginoon

ay nagtuturo ng karunungan,

at ang nagpapakumbaba

ay pinaparangalan.

28 Pagkatapos, sinabi niya sa mga tao,

"Ang pagkatakot sa Panginoon

at ang paglayo sa kasamaan

ay siyang karunungan at pagkaunawa."

9 Ang pagkatakot sa Panginoon

ay nagpapadalisay ng puso;

mananatili ito magpakailanman.

Ang mga utos ng Panginoon

ay matuwid

at makatarungan.

10 Ang mga itoʼy higit pa kaysa ginto

kahit pa sa purong ginto,

at mas matamis pa

kaysa sa pulot-pukyutan.

11 Ang inyong mga utos,

ay nagbibigay babala sa akin

na inyong lingkod.

May dakilang gantimpala

kapag itoʼy aking sinusunod.

4 Ang paggalang sa Panginoon

at pagpapakumbaba

ay magdudulot sa iyo ng mahabang buhay,

kayamanan at karangalan.

27 Ang may paggalang sa Panginoon

ay hahaba ang buhay,

ngunit ang taong masama

ay iikli ang buhay.

27 Ang pagkatakot sa Panginoon

ay magpapabuti

at magpapahaba ng iyong buhay*

at maglalayo sa iyo

sa bitag ng kamatayan.

6 Kung minamahal natin ang Panginoon

nang may katapatan,

patatawarin niya

ang ating mga kasalanan.

Kung may takot tayo sa kanya

nang may paggalang,

makakalayo tayo sa kasamaan.

14 Mapalad ang taong laging

may takot sa Panginoon,

ngunit mapapahamak

ang taong matigas ang ulo.

8 Subukan ninyo at inyong makikita,

kung gaano kabuti ang Panginoon.

Napakapalad ng taong naghahanap ng kaligtasan* sa kanya!

9 Kayong mga hinirang ng Panginoon,

matakot kayo sa kanya,

dahil ang may takot sa kanya

ay hindi kukulangin sa lahat

ng pangangailangan.

4 Ang Panginoon na inyong Diyos lang ang dapat ninyong sundin at igalang. Tuparin ninyo ang kanyang mga utos at sundin nʼyo siya; paglingkuran siya at manatili kayo sa kanya.

6 Kaya sundin ninyo ang mga utos ng Panginoon na inyong Diyos. Mamuhay kayo ayon sa kanyang pamamaraan at matakot kayo sa kanya.

11 Paglingkuran ninyo ang Panginoon nang may takot,

at magalak kayo sa kanya.

11 Lumapit kayo, kayong gustong matuto sa akin.

Pakinggan ninyo ako at tuturuan ko kayo

ng pagkatakot sa Panginoon.

12 Kung nais ninyo ng masaya

at mahabang buhay,

13 iwasan ninyo ang masamang pananalita

at pagsisinungaling.

14 Lumayo kayo sa masama

at gawin ninyo ang mabuti.

Pagsikapan ninyong kamtin

ang kapayapaan.

7 Gumalang kayo sa Panginoon, at humatol kayo nang mabuti dahil hindi pinapayagan ng Panginoon na ating Diyos ang kawalan ng katarungan, ang paghatol nang may kinikilingan, at ang pagtanggap ng suhol."

14 Huwag kayong magsasalita ng masama sa bingi, at huwag ninyong lalagyan ng katitisuran ang dinadaanan ng bulag. Ipakita ninyong kayoʼy may takot sa akin sa pamamagitan ng pagsunod ng mga utos ko. Ako ang Panginoon.

17 Huwag kayong magdadayaan, sa halip ay matakot kayo sa akin, dahil ako ang Panginoon na inyong Diyos.

35 " ‘Kung maghirap ang kapwa ninyo Israelita at hindi na niya kayang buhayin ang kanyang sarili, tulungan nʼyo siya katulad ng inyong pagtulong sa isang dayuhan o bisita para patuloy siyang makapamuhay kasama ninyo. 36,37 Pahiramin ninyo siya ng pera na walang tubo, at pagbilhan ninyo siya ng pagkain na walang tubo para patuloy siyang naninirahang kasama ninyo. Gawin ninyo ito para ipakita na may takot kayo sa akin na inyong Diyos.

4 "Sinasabi ko sa inyo, mga kaibigan, huwag kayong matakot sa mga gustong pumatay sa inyo. Ang kaya lamang nilang patayin ay ang katawan ninyo, at pagkatapos ay wala na silang magagawa pa. 5 Sasabihin ko sa inyo kung sino ang dapat ninyong katakutan: Katakutan ninyo ang Diyos, dahil pagkatapos niyang patayin ang katawan ninyo ay may kapangyarihan pa siyang itapon kayo sa impiyerno. Oo, sinasabi ko sa inyo, siya ang dapat ninyong katakutan.