Trabalho
O trabalho é uma ordenança divina desde a criação. Deus colocou o homem no jardim para cultivar e guardar, revelando que o labor é parte do propósito humano e um meio de glorificá-lo.
Trabalho como vocação divina
Deus nos criou para trabalhar com propósito. O trabalho é expressão da imagem divina em nós e deve ser feito como para o Senhor.
ଆମ୍ୱେଞ୍ଜି ଇନି ଏଲୁମ୍ତେ, ତିଆତେ ମନ୍ରାନ୍ ଆସନ୍ ଏର୍ଲନୁମନ୍, ପ୍ରବୁନ୍ ଆସନ୍ ଏଲୁମ୍ତାୟ୍ ଗାମ୍ଲେ ଇୟମ୍ଡାଲେ ସମ୍ପରା ଉଗରନ୍ ବାତ୍ତେ ଲୁମ୍ବା ।
ଆମ୍ୱେଞ୍ଜି ଇନି ଏଲୁମ୍ତେ, ତିଆତେ ମନ୍ରାନ୍ ଆସନ୍ ଏର୍ଲନୁମନ୍, ପ୍ରବୁନ୍ ଆସନ୍ ଏଲୁମ୍ତାୟ୍ ଗାମ୍ଲେ ଇୟମ୍ଡାଲେ ସମ୍ପରା ଉଗରନ୍ ବାତ୍ତେ ଲୁମ୍ବା । ପ୍ରବୁନ୍ ଆମଙ୍ ସିଲଡ୍ ଆମ୍ୱେଞ୍ଜି ପୁରସ୍କାରନ୍ ଏଞାଙ୍ତେ, କେନ୍ଆତେ ଆମ୍ୱେଞ୍ଜି ଜନାଜି; ତିଆସନ୍ ଆମ୍ୱେଞ୍ଜି କ୍ରିସ୍ଟ ପ୍ରବୁନ୍ଆଡଙ୍ ସେବାବା ।
ଆରି, ଆମ୍ୱେଞ୍ଜି ବର୍ନେଲୋଙନ୍ ଡେଏତୋ କି କାବ୍ବାଡ଼ାଲୋଙନ୍ ଡେଏତୋ ଇନିଜି ଏଲୁମ୍ତେ, ତି ଅଡ଼୍କୋନ୍ ଆସନ୍ ପ୍ରବୁ ଜିସୁନ୍ ଆଞୁମ୍ଲୋଙ୍ ଲୁମ୍ଲେ ଆପେୟ୍ ଇସ୍ୱରନ୍ଆଡଙ୍ ସେଙ୍କେବା ।
ମନ୍ରାନ୍ଆଡଙ୍ ଏସେବାତାୟ୍ ଗାମ୍ଲେ ଏବ୍ଡିସୟ୍ଡଙ୍, ଆର୍ପାୟ୍ ପ୍ରବୁନ୍ଆଡଙ୍ ଏସ୍ରେବାତେନ୍ ଅନ୍ତମ୍ ସର୍ଡାନ୍ ବାତ୍ତେ ଲୁମ୍ବା । କମ୍ୱାରିମର୍ ଡେଏତୋ କି ଏର୍କମ୍ୱାରିମର୍ ଆନା ମନଙ୍ କାବ୍ବାଡ଼ାନ୍ ଲୁମ୍ତେ ଆନିନ୍ ଇସ୍ୱରନ୍ ଆମଙ୍ ସିଲଡ୍ ପୁରସ୍କାରନ୍ ଞାଙ୍ତେ, କେନ୍ଆତେ ଆମ୍ୱେଞ୍ଜି ଜନାବେନ୍ତୋ ।
ତିଆସନ୍, ଆମ୍ୱେନ୍ ଜୋମ୍ବା, ଗାବା, ଅଡ଼େ ଇନିଜି ଏଲୁମ୍ତେ ତିଆତେ ଇସ୍ୱରନ୍ଆଡଙ୍ ଗନୁଗୁନ୍ ପନେମେଙନ୍ ଆସନ୍ ଲୁମ୍ବା ।
ତିଆସନ୍, ଏ ବୋଞାଙ୍ଜି, ତନାନ୍ଜି, ଡର୍ନେଲୋଙନ୍ ରବ୍ଡୋଲନ୍, ଗବ୍ରିଲନ୍ ଡକୋନାବା; ପ୍ରବୁନ୍ ଆସନ୍ କାବ୍ବାଡ଼ାବେଞ୍ଜି ଆଙ୍ଗିୟ୍ ଅଃମ୍ମୋସ୍ସାଏ ଗାମ୍ଲେ ଆମ୍ୱେଞ୍ଜି ଜନାଜି, ତିଆସନ୍ ଆଏଡ଼ର୍ ଅବ୍ନୁୟୁବ୍ଲନ୍ ପ୍ରବୁନ୍ ଆ କାବ୍ବାଡ଼ା ଲୁମ୍ବା ।
ଡନୁଙ୍ୟମନ୍ ବାତ୍ତେ କାବ୍ବାଡ଼ାବେଞ୍ଜି ଲୁମ୍ବା ।
Diligência e recompensa
A mão diligente enriquece, mas a preguiça traz pobreza. A Bíblia valoriza o esforço honesto, dedicado e perseverante em toda obra.
ଅଙ୍ଗା ଆମନ୍ରା ବଲାୟ୍ସିନ୍ ବାତ୍ତେ କାବ୍ବାଡ଼ାତନ୍ ଆନିନ୍ ଡୋଲେୟ୍ମର୍ ଡେତେ, ବନ୍ଡ କାବ୍ବାଡ଼ାମରନ୍ ଆସି ଗମାଙ୍ତେ ।
କାବ୍ବାଡ଼ାମରନ୍ ଆସି ରାଜାତନ୍; ବନ୍ଡ ଆଡ଼ସାମରନ୍ କମ୍ୱରାନ୍ ଲୁମ୍ତେ ।
କାବ୍ବାଡ଼ାମରନ୍ ଆସି ରାଜାତନ୍; ବନ୍ଡ ଆଡ଼ସାମରନ୍ କମ୍ୱରାନ୍ ଲୁମ୍ତେ ।
ଏର୍ଜାଡ଼ିକାନ୍ ଆ କାବ୍ବାଡ଼ା ଆସନ୍ ଓଞୋଲ୍କୁଜନ୍ ଡକୋ; ଆରି ଏର୍କାବ୍ବାଡ଼ାଲନ୍ ବର୍ନେନ୍ତୁମ୍ଡେନ୍ ଡୋଲେଜନ୍ ଆସନ୍ ସୁସ୍କାୟ୍ତେ ।
ଏ ଆଡ଼ସା, ଆମନ୍ ମୁୟ୍ଡାନ୍ ଆମଙ୍ବା ଇୟା, ଆ କାବ୍ବାଡ଼ାନ୍ ଇଃୟମା ଆରି ଗିଆନନ୍ ଞାଙା । ଆ ପନ୍ସୁଆତିମରନ୍ ଅଡ଼େ ଆ ସୋଡ଼ାମରନ୍ ଅଡ଼େ ଆ ପ୍ରବୁନ୍ ଆନ୍ନିଙ୍ ଅଃଡକୋଲୋ ବନ୍ଡ ଆନିନ୍ ଡାଗାଡାଇଙନ୍ ଆଜନୋମନ୍ ଆସନ୍ ତର୍ତୁମ୍ତେ, ଆରି ଜନ୍ରୋମନ୍ ଆଡିଡ୍ ଜନୋମନ୍ ତର୍ତୁମ୍ତେ । ଏ ଆଡ଼ସାମର୍, ଆମନ୍ ଡିଅଙ୍ଗା ଜାୟ୍ ଲୁଡ୍ଲେ ଡକୋତନ୍ ? ଆମନ୍ ଆଙ୍ଗା ମଡ଼େଲନ୍ ଡୋତନ୍ ? "ଆରି ଅସୋୟ୍ ଲୁଡେନ୍ଡେନ୍, ଆରି ଅସୋୟ୍ ମବେଣ୍ଡେନ୍, ଆରି ଅସୋୟ୍ ଡିମଡ୍ନେନ୍ ଆସନ୍ ଞଙ୍ଲନ୍ଗିଡ୍ଲଣ୍ଡେନ୍ ।" ଡୋଲେୟ୍ନମ୍ ବେମଡ୍ମରନ୍ ଅନ୍ତମ୍ ଡ ଅରିର୍ସୋୟମରଞ୍ଜି ଅନ୍ତମ୍ ଅଡ଼ୋତାୟ୍ ।
ଆନିନ୍ଡମ୍ ଆକାବ୍ବାଡ଼ାଲୋଙ୍ ଆନା ଆଡ଼ସାତନ୍, ଆନିନ୍ ଅନସେଡନ୍ ଆବୋଞାଙ୍ ।
ଲୁଲ୍ଲୁଡନ୍ ଏଡୁଙ୍ୟମ୍ଡନ୍, ଇଜ୍ଜାଡେନ୍ ଆମ୍ବେନ୍ ଡୋଲେୟ୍ମର୍ ଡେତବେନ୍; ଆମ୍ବେନ୍ ଆକୁବ୍ମଡ୍ନାବା, ଏତ୍ତେଲ୍ଡେନ୍ ଜନୋମ୍ଜୋମନ୍ ବାତ୍ତେ ମନଅଁଞନ୍ ଞାଙ୍ତେ ।
ପାତ୍ୟାନ୍ ବାତ୍ତେ ଆନର୍ଜେ ରନ୍ନାନ୍ ରସମ୍ତେ, ବନ୍ଡ ଅସିନ୍ ବାତ୍ତେ କାବ୍ବାଡ଼ାଲନ୍ ଆରର୍ଜେତେନ୍ ଆନର୍ଜେ ଗୋଗୋୟ୍ତେ ।
ପ୍ରବୁନ୍ ଆସିର୍ବାଦ ବାତ୍ତେ ଗବ୍ମାଙ୍ତେ,ଆରି ଆନିନ୍ ତି ସରିନ୍ ଡୁକ୍କନ୍ ଅମାୟେ ।
Planejamento e excelência
A excelência no trabalho honra a Deus. Devemos nos dedicar com competência, entregar nossos planos ao Senhor e buscar o melhor em cada tarefa.
ପ୍ରବୁନ୍ ଆମଙ୍ କାବ୍ବାଡ଼ାବେନ୍ ସୋରୋପ୍ପାୟ୍ବା, ସିଲଡ୍ତ୍ତେ ଅନିୟମ୍ବେନ୍ ଗରିତେ ।
ପ୍ରବୁନ୍ ଆମଙ୍ କାବ୍ବାଡ଼ାବେନ୍ ସୋରୋପ୍ପାୟ୍ବା, ସିଲଡ୍ତ୍ତେ ଅନିୟମ୍ବେନ୍ ଗରିତେ ।
ଅନ୍ନିଙ୍ ଆମନ୍ରା ଆନିନ୍ଡମନ୍ ଆବେବାରଲୋଙ୍ ତନ୍ଦ୍ରାଉତ୍ରା ଆମନ୍ ଗିଜେନ୍ ପଙ୍ ? ଆନିନ୍ ରାଜାଞ୍ଜି ଆତେମଡ୍ଲୋଙ୍ ତନଙ୍ତେ । ଆନିନ୍ ସନ୍ନାମରଞ୍ଜି ଆମୁକ୍କାବା ଅଃତନଙେ ।
ଆମନ୍ ଏର୍ଗନ୍ରଜନ୍ ରନପ୍ତିନମ୍ ଜାୟ୍ ରେୟ୍ଲଙ୍ ଇସ୍ୱରନ୍ ଆ ବର୍ନେ ଞନଙନ୍ ତିୟା, ଏତ୍ତେଲ୍ଡେନ୍ ଆମନ୍ ଇସ୍ୱରନ୍ ଆଗନିୟ୍ଗିୟ୍ଲୋଙ୍ ଅବୟ୍ ମନଙ୍ କାବ୍ବାଡ଼ାମର୍ ଡେତମ୍ ।
ଆମନ୍ ଏର୍ଗନ୍ରଜନ୍ ରନପ୍ତିନମ୍ ଜାୟ୍ ରେୟ୍ଲଙ୍ ଇସ୍ୱରନ୍ ଆ ବର୍ନେ ଞନଙନ୍ ତିୟା, ଏତ୍ତେଲ୍ଡେନ୍ ଆମନ୍ ଇସ୍ୱରନ୍ ଆଗନିୟ୍ଗିୟ୍ଲୋଙ୍ ଅବୟ୍ ମନଙ୍ କାବ୍ବାଡ଼ାମର୍ ଡେତମ୍ ।
ଅଡ଼୍କୋନ୍ ଆ ସାସ୍ତ୍ର ଇସ୍ୱରନ୍ ଆ ଞନଙ୍ଞଙ୍ ବାତ୍ତେ ଅନିଡନ୍ ଡେଏନ୍, ଆରି ଞନଙ୍ଞଙ୍ବରନ୍, ମନଙ୍ତଡନ୍ଆତେ ଅନବ୍ତୁଜନ୍ ଆସନ୍ ସନାଞେଙନ୍, ଅନାଡ଼ଡଞ୍ଜି ସେନେଡାନ୍ ଆସନ୍ ଞନଙ୍ଞଙନ୍ ଆରି ଡରମ୍ମଗଡନ୍ ତଙିୟ୍ନେନ୍ ଆସନ୍ ଡରମ୍ମ ସାସ୍ତ୍ରନ୍ ଞଙ୍ଞଙ୍ଲଙ୍ତନ୍ । କେନ୍ ଆ ଡରମ୍ମ ସାସ୍ତ୍ର ବାତ୍ତେ ଇସ୍ୱରନ୍ ଆ କାବ୍ବାଡ଼ାମର୍ ଅଡ଼୍କୋ ମନଙ୍ କାବ୍ବାଡ଼ାନ୍ ଲନୁମନ୍ ଆସନ୍ ଅବ୍ଜାଡାତନ୍ ।
ଇନିଜନଙ୍ ଆକାବ୍ବାଡ଼ା ଅସିନମ୍ ଲନୁମନ୍ ଲଡୟ୍ତେ, ତିଆତେ ବୋର୍ସାନମ୍ ବାତ୍ତେ ଲୁମା; ଇନିଆସନ୍ଗାମେଣ୍ତେନ୍ ଆମନ୍ ଅଙ୍ଗା ଆଡ୍ରକୋନେବା ଜିର୍ତେ, ତି ଆ ମସାନ୍ନିଲୋଙ୍ ଇନ୍ନିଙ୍ ଆ କାବ୍ବାଡ଼ା, ଅଡ଼େ ଅନିଃୟମନ୍, ଅଡ଼େ ପଡ଼େନେନ୍, ଅଡ଼େ ଗିଆନନ୍ ଅବୟ୍ତଡ୍ ।
ଏର୍କନେଁୟ୍ଡୋଙନ୍ ଡ ଏର୍ଗନୋଡ଼େନେନ୍ ଅଡ଼୍କୋନ୍ ଆ କାବ୍ବାଡ଼ା ଲୁମ୍ବା । ଏତ୍ତେଲ୍ଡେନ୍ କେନ୍ ଇର୍ସେନ୍ ଆବରିଜନ୍ ଆ ପୁର୍ତିଲୋଙ୍ ଆମ୍ୱେଞ୍ଜି ଇସ୍ୱରନ୍ ଆ ପସିୟ୍ଜି ଅନ୍ତମ୍ ଏର୍ଡୋସାଡାଗୋ, ଏର୍ନିଣ୍ଡୟ୍ଡାଗୋ ଞଣ୍ଡ୍ରମ୍ଲନ୍ ଏରପ୍ତିତେ, ଆରି ପୁର୍ତିନ୍ ଆ ସନାଆର୍ ଅନ୍ତମ୍ ଆମଙଞ୍ଜି ଆମ୍ୱେନ୍ ଅବ୍ସାଆର୍ନାବା ।
O contentamento no trabalho
Deus nos dá a capacidade de desfrutar do nosso trabalho. Poder comer, beber e encontrar satisfação em nosso labor é um dom divino.
ଞେନ୍ ଜନା ଡ, ଆମେଙ୍ମତ୍ତାନ୍ ସର୍ଡାନ୍ ଡ ମନଙ୍ କାବ୍ବାଡ଼ାନ୍ ଆଲନୁମ୍ ସିଲଡ୍ ଆନିଞ୍ଜି ଆରି ଇନ୍ନିଙ୍ ଆକାବ୍ବାଡ଼ା ମନଙ୍ତଡ୍ । ଆରି, ଡିଲେ ମନ୍ରାନ୍ ଆନିନ୍ ଅଡ଼୍କୋନ୍ ଆ କାବ୍ବାଡ଼ାଲୋଙ୍ ଜନୋମନ୍ ଗନାନ୍ ଡ ସର୍ଡାନେନ୍ ଡେତେ, କେନ୍ଆତେ ଇସ୍ୱରନ୍ ଆତନିୟ୍ ।
ଗିୟ୍ବା, ଜନୋମନ୍ ଡ ଗନାନ୍ ଡ ଇସ୍ୱରନ୍ ଆତରିୟ୍ତେନ୍ ଆନମେଙ୍ ସିଲଡ୍ ମନ୍ରାନ୍ ଓୟୋଙନ୍ ଆଜାୟ୍ତା ଅଙ୍ଗା ଅଙ୍ଗା ଆକାବ୍ବାଡ଼ା ଲୁମ୍ତେ, ତି ଅଡ଼୍କୋନ୍ ଆ କାବ୍ବାଡ଼ାଲୋଙ୍ ଏରାମ୍ମୁୟ୍ ଆଡକୋନେ ଆସନ୍, କେନ୍ଆତେ ଆନିନ୍ ଆସନ୍ ମନଙ୍ ଡ ସର୍ଡାନ୍ ଗାମ୍ଲେ ଞେନ୍ ଗିୟ୍ଲାୟ୍; ଇନିଆସନ୍ଗାମେଣ୍ତେନ୍ କେନ୍ଆତେ ମା ଆବନ୍ତାନ୍ ।
ଇସ୍ୱରନ୍ ଅଙ୍ଗା ଆ ମନ୍ରାଆଡଙ୍ ଅନର୍ଜେନ୍ ତିୟ୍ଲୋଙ୍ତିୟ୍ଲେ ତିଆତେ ଆ ବନୋଗ ଆସନ୍, ଆରି ଆବନ୍ତାନ୍ ଆଜନନା ଆସନ୍ ଆରି ଆ କାବ୍ବାଡ଼ାଲୋଙନ୍ ସର୍ଡାନେନ୍ ଆସନ୍ ରନପ୍ତିନ୍ ତିୟେନ୍ । କେନ୍ଆତେ ମା ଇସ୍ୱରନ୍ ଆତନିୟ୍ ।
ଆବୟ୍ନେନ୍ ସିଲଡ୍ ବାଗୁ ମନ୍ରା ମନଙ୍, ଇନିଆସନ୍ଗାମେଣ୍ତେନ୍ ଆନିଞ୍ଜି ରମ୍ମଙ୍ ରମ୍ମଙ୍ ଆ କାବ୍ବାଡ଼ାଲୋଙ୍ ମନଙ୍ ଜଅନ୍ ଞାଙ୍ତଜି ।
ଆନ୍ନିଙ୍ ଆମନ୍ରା ଆଉଙ୍ସଜନ୍ ଡକୋତନ୍, ଆଅନ୍ତଡ୍, କି ଆବୋଞାଙ୍ତଡ୍, ଡେଲୋଜନଙ୍ଡେନ୍ ଆନିନ୍ ଡିତାନ୍ କାବ୍ବାଡ଼ାତନେ, ବନ୍ଡ ଆନିନ୍ ଆନର୍ଜେନ୍ ବାତ୍ତେ ଆଙ୍ଗିୟ୍ ଅସୟୁମେ । ଆନିନ୍ ବର୍ତନେ, ତିଡେନ୍ ଆନା ଆସନ୍ ଞେନ୍ ସର୍ଡାନେନ୍ ଉମ୍ରେଙ୍ଲେ ଲଗୁନ୍ କାବ୍ବାଡ଼ାନ୍ ଲୁମ୍ତାୟ୍ ? କେନ୍ଆତେ ଜାୟ୍ କାଜାନ୍ ଆରି ଜବ୍ର ପରାନ୍ଡଣ୍ଡନ୍ ।
ସିଲତ୍ତେ ଞେନ୍ ଅଡ଼୍କୋନ୍ ଆକାବ୍ବାଡ଼ା ଡ ଡିଲେ ଆଲନୁମ୍ ଆ କାବ୍ବାଡ଼ାନ୍ ଗିୟ୍ଲାୟ୍ ଡ, ତିଆସନ୍ ମନ୍ରାନ୍ ଆତୟ୍ଲିସିଂଙନ୍ ଆମନ୍ରାଆଡଙ୍ ଇସ୍କତ୍ତାତେ । କେନ୍ଆତେ ମା କାଜାନ୍ ଆରି ରିଙ୍ଗେନ୍ ଗଙ୍ଲେ ଆ ଞରମ୍ତବନ୍ ଅନ୍ତମ୍ ।
A responsabilidade cristã
O cristão deve trabalhar com suas próprias mãos, viver dignamente e ser exemplo de dedicação. Quem não trabalha, não coma.
ଇନିଆସନ୍ଗାମେଣ୍ଡେନ୍ ଇନ୍ଲେନ୍ ଆମ୍ୱେଞ୍ଜି ସରିନ୍ ଏଡ୍ରକୋଲନାଞନ୍ ଆଡିଡ୍ ମା ଇନ୍ଲେନ୍ କେନ୍ ଆ ବର୍ନେ ଆମ୍ୱେଞ୍ଜି ଏବର୍ରବେନ୍, "ଅଙ୍ଗା ମନ୍ରା କାବ୍ବାଡ଼ାନେନ୍ ଅଃଲ୍ଲଡଜେ, ଆନିନ୍ ଗାଗାଡଙ୍ନେ ତଡ୍ ।"
ଇନିଆସନ୍ଗାମେଣ୍ଡେନ୍ ଅମଙ୍ଲୋଙ୍ବେନ୍ ଲାଙ୍ଲେଡ୍ ମନ୍ରା ଆଡ଼ସାତଞ୍ଜି ଆରି ଇନ୍ନିଙ୍ ଅଃକ୍କାବାଡ଼ାନେଜି; ଆକ୍ରାବ୍ବାଡ଼ାତନ୍ ଆ ମନ୍ରା ଓବାସି ଓବାଜଙ୍ ଇୟ୍ତେ ଏମ୍ମେଏଜି, ଗାମ୍ଲେ ଇନ୍ଲେନ୍ ଏଅମ୍ଡଙ୍ତାୟ୍ । କେନ୍ ଏନ୍ନେଗନ୍ ଆ ମନ୍ରାଜି ଲଡିୟମ୍ କାବ୍ବାଡ଼ାଲନ୍ ରମ୍ମଙ୍ ରମ୍ମଙ୍ ଆନମେଙନ୍ ଆସନ୍ କାବ୍ବାଡ଼ାନେତୋ, ପ୍ରବୁ ଜିସୁ କ୍ରିସ୍ଟନ୍ ଆଞୁମ୍ଲୋଙ୍ ଆନିଞ୍ଜିଆଡଙ୍ ଏଞଙ୍ଞଙ୍ତାଜି ।
ଆରି, ଆମ୍ମୁଙ୍ ଇନ୍ଲେନ୍ ଆମ୍ୱେଞ୍ଜିଆଡଙ୍ ଏବର୍ରବେନ୍ ଅନ୍ତମ୍, ଆମ୍ୱେଞ୍ଜି ସବ୍ୟୁଲନ୍ ଡକୋଡାଲନ୍, ରମ୍ମଙ୍ ରମ୍ମଙ୍ ଆ କାବ୍ବାଡ଼ା ଲୁମ୍ବା, ଆରି ଅସିଲୋଙ୍ବେନ୍ ଆ କାବ୍ବାଡ଼ାଜି ଲୁମ୍ଲେ ଡକୋନାବା ଗାମ୍ଲେ ଏଞଙ୍ଞଙ୍ତବେନ୍ । ଏତ୍ତେଲ୍ଡେନ୍ ଡୁଆରାନ୍ ଆ ମନ୍ରାଜି ନିୟ୍ ଆମ୍ୱେଞ୍ଜିଆଡଙ୍ ମାନ୍ନେତବେଞ୍ଜି, ଆରି ଆମ୍ୱେଞ୍ଜି ଇନ୍ନିଙ୍ ସନାୟ୍ସାୟ୍ଡାଗୋ ଏଃଡ୍ଡେବେନ୍ ।
ରାଉମରନ୍ ଆରି ରାଉଡଙ୍ନେ ତଡ୍, ମନଙ୍ କାବ୍ବାଡ଼ାନ୍ ବାତ୍ତେ ଆନମେଙନ୍ ଆସନ୍ ଅର୍ଜେଏତୋ ଆରି ଡୋଲେୟ୍ମରଞ୍ଜିଆଡଙ୍ ତନିୟନ୍ ଆସନ୍ ଆନିନ୍ କାବ୍ବାଡ଼ାନେତୋ ।
ତିଆସନ୍ ଇସ୍ୱରନ୍ ଆମ୍ବେଞ୍ଜିଆଡଙ୍ ଅଡ଼୍କୋନ୍ ଆ ତନିୟ୍ତିୟ୍ଜି ଆ ସନାୟୁମନ୍ ବାତ୍ତେ ଗୋଗୋୟ୍ ତନିୟନ୍ ଆସନ୍ ଜିଞ୍ଜିନ୍, ତିଆସନ୍ ଆମ୍ୱେଞ୍ଜି ଡିତାନ୍ ଗୋଗୋୟ୍ ଆଞନାଙ୍ ଆସନ୍ ଅଡ଼୍କୋନ୍ ମନଙ୍ କାବ୍ବାଡ଼ାଞ୍ଜି ଲୁମ୍ବା ।
ତିଆସନ୍ ସାତ ଡିନ୍ନା ଇଙନ୍ ଇସ୍ୱରନ୍ ଆର୍ଲୋଲୋତନ୍ ଅନ୍ତମ୍ ଆ ମନ୍ରାଞ୍ଜି ଆସନ୍ ଅବୟ୍ ଲୋଲୋନେ ଡିନ୍ନାନ୍ ଡକ୍କୋଏନ୍ । ଆନା ଆର୍ଲୋଲୋନେଲୋଙନ୍ ଇୟ୍ତେ ଗନେ, ଇସ୍ୱରନ୍ କାବ୍ବାଡ଼ାଡାଲନ୍ ଏଙ୍ଗାଲେ ଲୋଲୋଲନେ, ତି ଅନ୍ତମ୍ ଆନିନ୍ ନିୟ୍ ଆ କାବ୍ବାଡ଼ାନ୍ ସିଲଡ୍ ଲୋଲୋନେନ୍ ଞାଙ୍ତେ ।
ରୁଆଙନ୍ ଆ ଅନ୍ତିଡ୍ଜି ଗିୟ୍ବା, ଆନିଞ୍ଜି ଅଃବ୍ବୁଡେଜି କି ଅଃଗଡେଜି, ମରଁୟ୍ଲୋଙନ୍ ତର୍ତୁମ୍ଲେ ଅଃଡ୍ଡକ୍କୋଏଜି, ବନ୍ଡ ରୁଆଙ୍ଲୋଙନ୍ ଆଡ୍ରକୋତନେନ୍ ଆପେୟ୍ବେନ୍ ଆନିଞ୍ଜିଆଡଙ୍ ଜନୋମ୍ଜୋମନ୍ ତିୟ୍ତଜି । ତି ଆ ଅନ୍ତିଡ୍ଜି ସିଲଡ୍ ଆମ୍ୱେଞ୍ଜି ସୋଡ଼ା ତଡ୍ ପଙ୍ ?
ଆରି ଆମ୍ୱେନ୍ ମନଙ୍ କାବ୍ବାଡ଼ାନ୍ ଲନୁମନ୍ ଆସନ୍ ଅବ୍ନୁୟୁବ୍ଲନ୍ ଏଡକୋଲନ୍ ଡେନ୍, ଏତ୍ତେଲ୍ଡେନ୍ ଆନା ଆମ୍ୱେନ୍ଆଡଙ୍ ଡଣ୍ଡାୟ୍ବେନ୍ ?
ଆଜାଡ଼ିଡମ୍ ଞେନ୍ ଆମ୍ୱେଞ୍ଜିଆଡଙ୍ ବର୍ତବେନ୍, ଆନା ଅମଙ୍ଞେନ୍ ଡର୍ତନେ, ଞେନ୍ ଲରୁମ୍ତାଞନ୍ ଆ କାବ୍ବାଡ଼ାଜି, ଆନିନ୍ ନିୟ୍ ଲୁମ୍ଲେ ରପ୍ତିତେ, ତି ସିଲଡ୍ ଆରି ସୋଡ଼ା କାବ୍ବାଡ଼ାଞ୍ଜି ଆନିନ୍ ଲୁମ୍ଲେ ରପ୍ତିତେ, ଇନିଆସନ୍ଗାମେଣ୍ଡେନ୍ ଞେନ୍ ଆପେୟନ୍ ଆମଙ୍ ଜିର୍ତେ ।
ଇସ୍ୱରନ୍ ଆ ସନାୟୁମ୍ ଆ ମନଙ୍ବର୍ ଅନପ୍ପୁଙ୍ବରନ୍ ଆସନ୍ ପ୍ରବୁ ଜିସୁନ୍ ଞେନ୍ଆଡଙ୍ ବିଡ଼ାରନ୍ ତିୟ୍ଲିଁୟ୍, ତି ଆ କାବ୍ବାଡ଼ା ଅନବ୍ସୁଜ୍ଜେନ୍ ଆସନ୍ ଞେନ୍ ଅନମେଙ୍ଞେନ୍ ଅବ୍ସନ୍ନାଲାୟ୍ ।"
ତିଆସନ୍ ଆମ୍ୱେଞ୍ଜି ଜାଗର୍ତ ଡକୋନାବା, ଇନ୍ଲେନ୍ ଆମ୍ୱେଞ୍ଜି ଆସନ୍ ଇନିଜି ଏଲୁମ୍ଲାୟ୍, ତି ଅଡ଼୍କୋନ୍ କାଜ୍ଜାନ୍ ମୋସ୍ସାଡଙେ ତଡ୍, ତେତ୍ତେ ଆମ୍ୱେଞ୍ଜି ଗୋଗୋୟ୍ଡମ୍ ଓଞୋଲ୍କୁଜନ୍ ଏଞାଙ୍ତେ ।