Transformação

38 A̱ꞌkhue̱n Pédro̱ niꞌthúu̱n:

—Ga̱thanga̱a a̱kia̱nꞌlaꞌ ná inuu Ana̱ꞌlóꞌ, jamí mbámbáa tsí ikháanꞌlaꞌ ga̱jngúun ná awúun iya ga̱jma̱á mbiꞌyuu Jesukrísto̱, kajngó ma̱ꞌne mba̱a̱ a̱kui̱in Ana̱ꞌlóꞌ jaꞌyoo aꞌkhánlaꞌ, a̱ꞌkhue̱n mu̱dríguíilaꞌ Xu̱u̱ꞌ Ana̱ꞌlóꞌ tsí naxniálóꞌ.

19 Ikhaa jngó, ga̱thanga̱a a̱kia̱nꞌlaꞌ ná inuu Ana̱ꞌlóꞌ jamí gu̱riꞌkhu̱u xóo juwalaꞌ, kajngó ma̱ngudi̱i aꞌkhánlaꞌ. A̱ꞌkhue̱n ma̱ꞌkha̱ mbiꞌi rí mbu̱ya̱a xa̱ꞌlaꞌ gáꞌne Ana̱ꞌlóꞌ,

2 Ma̱xájuwalaꞌ xómá júwa̱ꞌ xa̱bo̱ ná numbaa ríge̱ꞌ, rí ga̱xtiꞌkhu̱u xó rí juwalaꞌ ga̱jma̱á numuu rí na̱gu̱ma-nuxi̱iꞌ rí na̱ju̱ma̱ꞌlaꞌ. A̱ꞌkhue̱n rí ma̱goo mu̱ne̱-nuwiinlaꞌ jamí mu̱ra̱ꞌwíí mu̱ne̱laꞌ rí nandoo Ana̱ꞌlóꞌ, ikhaa máꞌ rí máján, rí mitsaan jamí rí káxe̱ mbá jayu.

18 Ikhaa jngó, mbá xúgiáanꞌ ikháánꞌlóꞌ tsáanꞌ ni̱ma̱ꞌthoo máꞌ inalóꞌ, ñajwanlóꞌ xómá iyaniwan ná nakujma rí nambiꞌi-taꞌaa Táta̱, jamí mbámbá mbiꞌi na̱ka̱-raxtiꞌkhuáanꞌlóꞌ kajngó ma̱nindxa̱ꞌlóꞌ i̱tha̱án xómá jaꞌnii̱ ikhaa̱. Ríge̱ꞌ ñajuun rí naꞌne Xu̱u̱ꞌ Táta̱.

5 Ikhaa jngó, gu̱ne̱laꞌ rí ma̱ja̱ñúu mbá xúgíí rí xkawe̱ꞌ rí na̱wa̱ꞌa̱ a̱kia̱nꞌlaꞌ mu̱ne̱laꞌ: nimbáa ma̱xábóo ga̱jma̱á xa̱bo̱ tsí táyáa, ma̱xáꞌne nimbá rí xkawe̱ꞌ ga̱jma̱á xuyuu, ma̱xáꞌne nimbá rí ra̱jáꞌyoo ga̱jma̱á xuyuu, ma̱xáwa̱ꞌa̱ a̱kui̱in ma̱ꞌne rí xkawe̱ꞌ. Nimbáa ma̱xáni̱gu̱u̱ꞌ rí ma̱gi̱ꞌdoo mi̱ndaꞌkho, numuu rí asndo xó rí ikhaa máꞌ rúꞌkhue̱n eꞌne-mba̱a̱ jaꞌnii.

22 Xómáꞌ tsí Xu̱u̱ꞌ Ana̱ꞌlóꞌ rá, naꞌnii̱ rí ma̱galóꞌ juꞌñúú xa̱bo̱, rí ma̱ꞌdxu a̱kia̱nꞌlóꞌ, rí ma̱juwalóꞌ tsímáá, rí ma̱ꞌngo̱o̱ a̱kia̱nꞌlóꞌ, rí ma̱ꞌne gamakuáanꞌlóꞌ, rí ma̱ꞌne májáan a̱kia̱nꞌlóꞌ, rí mu̱ꞌne̱-mbáníílóꞌ rí nuꞌthánlóꞌ, 23 rí mu̱xrígú-mijnálóꞌ, jamí rí mu̱xúꞌne̱lóꞌ rí xkawe̱ꞌ nandoo xuyalóꞌ. Nda̱a̱ nimbá xtángoo rí naꞌthán rí ra̱máján rí mu̱ꞌne̱lóꞌ mbá xúgíí rúꞌkhue̱n.

Nu̱xpi̱ꞌtha̱-mijná tsí nanimbu̱únꞌ juyáá Jesús ná Korínto̱

10 A̱ngui̱nꞌ, na̱tha̱n-jáñalaꞌ ríge̱ꞌ ga̱jma̱á numuu Tátiálóꞌ Jesukrísto̱: rí mbóó awan gáwaꞌdáálaꞌ mbá xúgiáanꞌlaꞌ, jamí mu̱xúxpíꞌthá-mijnálaꞌ. Mbá ꞌnduꞌ gájuwalaꞌ ga̱jma̱á numuu mbóó ju̱ma̱, jamí mbóó máꞌ numuu rí gájuwalaꞌ.

5 Táta̱ Jesús gáꞌne rí ma̱ma̱ñalaꞌ rí ma̱galaꞌ ju̱ya̱-mijnálaꞌ xómá rí nandoo Ana̱ꞌlóꞌ jaꞌyalóꞌ, xúꞌkhue̱n máꞌ ga̱ꞌnii̱ rí ma̱ꞌngo̱o̱ a̱kia̱nꞌlaꞌ ná inuu jamínu̱ꞌ, xómá rí ni̱ꞌngo̱o̱ a̱kui̱in Krísto̱ ná inuu jamínu̱ꞌ.

6 Numuu nákhí rí ikháánꞌlóꞌ tsíꞌnga̱ꞌlóꞌ gúꞌne̱-jríya̱ꞌ-mijnálóꞌ, jamí ído̱ ni̱ga̱nú mbiꞌi rí niraꞌwíí Ana̱ꞌlóꞌ, Krísto̱ nijáñuu ga̱jma̱á numalóꞌ, tsáanꞌ xa̱bo̱ aꞌkhán ñajwanlóꞌ.

14 Xómáꞌ tsí ma̱ga̱a̱n iya rí ma̱xnu̱u̱ ikhúúnꞌ rá, ni miꞌtsú náxájándawoo̱, rí ikhaa iya rúꞌkhue̱n ma̱ꞌni̱i asndo xó iduu iya ná awúu̱n. A̱ꞌkhue̱n ma̱ngujwíi máꞌ xúꞌkhue̱n iya rí naꞌne rí mba̱ꞌyee̱ jámuu.