Verdade

6 यीशुए तेसखे बोलेया, "बाट, सच्चाई और जीवन आऊँ ईए; मांते बिना कोई बी पिते गे नि पऊँची सकदा।

14 और वचन माणूं रे शरीरो रे आया और कृपा और सच्चाईया ते परिपूर्ण ऊई की आसा बीचे डेरा कित्तेया और आसे तेसरी एड़ी महिमा देखी, जेड़ी पिते रे एकलौते री महिमा।

4 कऊँकि प्रभुए रा वचन सच्चा ए

ओर तेसरे हर काम सच्चाईया साथे पूरे ओए।

5 परमेशरो रा एक-एक वचन परखेया दा ए;

से तिना रा बचाणे वाल़ा ठईरी रा, जो तेसरी शरणा रे आई रे।

20 और आसे ये बी जाणूंए कि परमेशरो रा पुत्र यीशु मसीह एते दुनिया रे आया और तिने आसा खे समज दित्ती कि आसे तेस सच्चे परमेशरो खे पछयाणुँ और आसे तिदे जो सच्च ए, मतलब-तेसरे पुत्र प्रभु यीशु मसीह रे रऊँए, सच्चा परमेशर और अनन्त जीवन येईए।

7 तेबे बी आऊँ तुसा खे सच्च बोलूँआ कि मेरा जाणा तुसा री तँईं अच्छा ए, कऊँकि जे आऊँ नि जाऊँगा, तो से मददगार तुसा गे नि आऊणा, पर जे आऊँ जाऊँगा, तो तेस तुसा गे पेजी देऊँगा।

26 पर जेबे से मददगार आऊणा, जो मां तुसा गे पेजणा, मतलब-सच्चो रा आत्मा, जो पिते री तरफा ते निकल़ी रा, तो तेस मेरी गवाई देणी

27 और तुसा रा से अभिषेक, जो प्रभु यीशु मसीह री तरफा ते कित्तेया, तुसा रे बणेया रा रओआ और तुसा खे इजी ते मतलब निए कि कोई तुसा खे सिखाओ। पर जिंयाँ से अभिषेक, जो तेसरी तरफा ते कित्तेया, तुसा खे से सब गल्ला सिखाओआ जो तुसा खे सीखणे री जरूरत ए और जो कुछ से सिखाओआ से सब सच्च ए, चूठा निए और जेड़ा तिने तुसा खे सिखाया, तेड़े ई तुसे यीशु मसीह रे बणे रे रओए।

24 परमेशर आत्मा ए, इजी खे जरूरी ए कि तेसरी भक्ति करने वाल़े आत्मा और सच्चाईया साथे भक्ति करो।"

सच्चो तुसे आजाद करने

31 तेबे यीशुए तिना यहूदिया खे, जिने तिना पाँदे विश्वास कित्तेया था, बोलेया, "जे तुसे मेरे वचनो रे बणे रे रओगे, तो सच्ची मेरे चेले ठईरने। 32 तुसा सच्च जाणना और सच्चो तुसे आजाद करने।"

30 मैं सच्चाईया री बाट चूणी ली री,

आऊँ तेरे नियमा रिया तरफा खे चित्त लगाई राखूँआ।

5 माखे आपणी सच्चाईया रिया बाटा पाँदे चलणा सखा,

कऊँकि तूँई मेरा परमेशर ए जो माखे बचाओआ।

माखे सदा तेरा ई परोसा रओआ।

15 आपणे आपू खे परमेशरो खे ग्रईण करने जोगा और एड़ा काम करने वाल़ा ठराणे री कोशिश कर, जो शर्मिंदा नि ओ और जो सच्चो रे वचनो खे ठीक टंगो रे कामो रे ल्याओआ।

18 तिने आपणी ई इच्छा ते आसा खे सच्चो रे वचनो रे जरिए नया जीवन दित्तेया ताकि आसे तेसरे बणाए रे प्राणिया बीचा ते पईले फल़ो जेड़े ओऊँ।

15 आसे प्यारो साथे सच्च बोलिये और मसीह रे जो मण्डल़िया रा सिर ए, तिदे हर तरअ ते तरक्की करदे जाईए।

8 आखरी रे ओ साथी विश्वासियो! तुसे आपणा त्यान तिना गल्ला पाँदे लगाओ जो-जो गल्ला सच्च ए, आदरणीय ए, खरिया ए, पवित्र ए, सुन्दर ए और मनो खे खरिया लगणे वाल़िया ए। तिना ई गल्ला रे बारे रे सोचो जो उत्तम और तारीफा जोगिया ए।

2 सेयो माणूं जो सबी गल्ला दे परमेशरो री आज्ञा रा पाल़न करोए ओर हमेशा तर्मो रा काम करोए,

ओर दिलो ते सच्च बोलोए;

3 जो आपणी जीबा ते निंदा नि करदा

ओर ना आपणे दोस्तो री बुराई करदा

ओर ना आपणे पड़ोसिये री निंदा सुणदा;

13 आपणी जीबा खे बुराई करने ते रोकी की राख

ओर आपणे मुंए री चौकसी राख

ताकि तिजी ते छल-कपटो री कोई गल्ल नि निकल़ो।*

32 तर्मी ग्रहण योग्य गल्ला खे समजी की बोलोआ,

पर दुष्टो रे मुंए ते उल्ट फेरो रिया गल्ला निकल़ोईया।

24 टेडिया गल्ला तेरे मुंए ते नि निकल़ो,

ओर चालबाजिया री गल्ल बोलणी तांते दूर रओ।

12 पर ओ प्यारे साथी विश्वासियो! सबी ते बड़ी ये गल्ल ए कि कसम नि खाणी, ना स्वर्गो री, ना तरतिया री, ना किजी ओरी चीजा री, पर तुसा री गल्ल आ री आ और ना री ना ऊणी चाईयो, ताकि तुसे परमेशरो रे दण्डो जोगे नि ठईरो।

18 ओ मेरे प्यारे बाल़को! आसे वचन और गल्ला तेई नि, पर काम और सच्चो रे जरिए बी प्यार करिए।

6 जे आसे बोलिये कि परमेशरो साथे आसा री संगति ए और फेर न्हेरे रे चलूँ, तो आसे चूठे ए और सच्चो पाँदे नि चलदे।

4 माखे इजी ते बढ़ी की ओर कोई खुशी निए कि आऊँ सुणूँ कि मेरे बाल-बच्चे सच्चो पाँदे चलोए।

विश्वासो रे उदारण

1 एबे विश्वास उम्मीद कित्ती रिया चीजा रा निश्चा और बिना देखी रिया चीजा रा सबूत ए।