6 यीशुए तैस सेइं ज़ोवं, "बत, सच़्च़ी ते हमेशारी ज़िन्दगी अव्वें आईं, कोई मेरे ज़िरिये बगैर बाजी कां न एज्जी सके।

14 तैन वचन मैन्हु बेनतां किछ वक्ते असन सेइं साथी रावं, ते (इस दुनियाई मां) डेरो कियो। तैनी असन पुड़ बड़ो अनुग्रह कियो ते परमेशरेरे बारे मां सारी सच़्च़ाई हिराई। (ज़ताली तै इड़ी थियो, तैखन) असेईं तैसेरी महिमा लाही। (ज़ेन्च़रां की) तै अपने बाजी परमेशरे करां अव, त तैसेरी ज़ेरि महिमा कोन्ची मां नईं थी।

4 किजोकि यहोवारू वचन सच़्च़ू आहे;

ते तैसेरां सब कम्मां बगैर तरफदैरी सेइं आन।

5 परमेशरेरू अक-अक वचन तेवरूए;

तै एप्पु कां एजनेबालां केरि ढाल बनो।

20 ते इन भी ज़ानतम, कि परमेशरेरू मट्ठू यीशु मसीह इस दुनियाई मां एवरूए, ते तैने असन समझ़ दित्तोरीए, कि अस सच़्च़े परमेशरे पिशानम, ते अस तैस मां ज़ै सच़्च़े मांए, मतलब तैसेरे मट्ठे यीशु मसीह मां बनोरे रातम, सच़्च़ो परमेशर ते हमेशारी ज़िन्दगी ईए।

7 फिरी भी अवं तुसन सेइं सच़ ज़ोताईं कि मेरू इट्ठां गानू तुश्शे लेई फैइदोए, अगर अवं न गेइलो त तै मद्दतगार तुसन कां नईं एजनो, पन अवं च़लो जेव त तैस अवं तुसन कां भेज़ी देलो।

26 पन ज़ैखन तै मद्दतगार एज्जेलो ज़ैस अवं अपने बाजेरे तरफां भेज़ेलो, मतलब सच़्च़ेरो आत्मा, ज़ै बाजी केरि तरफां एइतीए, तै मेरी गवाही देली।

27 ते तुश्शू तैन अभिषेक, ज़ैन तैसेरे तरफां कियोरूए, तुसन मां बनोरू रहते; ते तुसन एल्हेरी ज़रूरत नईं, कि कोई तुसन शिखाले। बल्के ज़ेन्च़रे तैन अभिषेक ज़ैन तैसेरे तरफां कियोरूए, तुसन सब गल्‍लां शिखालते, ते इन सच़्च़े, ते झूठ नईं, ते ज़ेन्च़रे तैने तुसन शिखालोरूए, तेन्च़रे तुस तैस मां बनोरे रहतथ।

24 परमेशर आत्मा आहे, एल्हेरेलेइ तैसेरे भक्त तैसेरी आराधना आत्मा ते सच़्च़ैई सेइं केरन।"

31 तैखन यीशुए तैन यहूदन सेइं ज़ैनेईं तैस पुड़ विश्वास कियोरो थियो ज़ोवं, "अगर तुस मेरे वचने मां बन्नेरे राले, त सच़्च़े मेरे चेले भोल्हे। 32 तुस सच़ ज़ानेले ते सच़ तुसन आज़ाद केरेलू।"

30 मीं सच़्च़ेरी बत च़ुनोरीए,

ते नियमां केरे पासे अवं मन लेइलो।

5 अपने सच़्च़ैई पुड़ च़ला ते शिक्षा दे;

किजोकि तूए मीं मुक्ति देनेबालो परमेशरस;

सैरी दिहैड़ी अवं तेरे इंतज़ारे मां रहताईं।

15 बड़ी मेहनत केर ताके तू परमेशरेरे सामने कबूल भोनेरे काबल भोस, तू एरे मैन्हेरो ज़ेरो भोनेरी कोशिश केर ज़ै अपने कम्मेरे वजाई सेइं शरमिन्दा न भोए, ते ज़ै सच़्च़ो सन्देश ठीक तरीके सेइं शिखालतो भोए।

18 तैने अपने मेर्ज़ी सेइं असन सच़्च़ेरे वचने ज़िरिये सेइं नव्वीं ज़िन्दगी दित्ती, ताके अस तैसेरी सच़नाईं मरां फसलरे ज़ेरे पेइले फल भोम।

15 बल्के प्यारे सेइं सच़ ज़ोइतां, सेब्भी गल्‍लन मां मसीहेरे ज़ेरे सिद्ध भोथ ज़ै कलीसियारी क्रोड़ी।

8 आखरी मां, हे मेरे ढ्लाव ते बेइनव, ज़ैना-ज़ैना गल्‍लां सेच़्च़ी आन, ते ज़ैना-ज़ैना आदरारे काबलन, ते ज़ैना-ज़ैना गल्‍लां पवित्ररन, ते ज़ैना-ज़ैना गल्‍लां रोड़िन, ते ज़ैना-ज़ैना गल्‍लां मने रोड़ी लेगतिन, ते ज़ैना-ज़ैना गुण ते ज़ैना-ज़ैना गल्‍लां तारीफ़रीन, तैन पुड़ ध्यान केरा।

2 तैए ज़ै सच़्च़ेरी बत्ती पुड़ च़लते ते धार्मिकतारां कम्मां केरते

ते दिले सेइं सच़ ज़ोते।

3 कने तै ज़ै एपनी ज़बानी सेइं केन्चेरी तुहीन न केरे,

ते अपने दोस्ते सेइं बुराई न केरे,

ते अपने पड़ोसेरी बदनामी न शुने।

13 त तै अपनि ज़बान बुरी गल्‍लां केरने करां बाज़ रख्खे

ते अपने ऐशेरी खबरदारी केरे कि

तैस करां कोई धोखेरी गल न निस्से।✝

32 धर्मी कबूल केरने काबल गल सेमझ़तां ज़ोते,

पन दुष्टां केरे ऐशेरां उलट-फेरेरी गल्‍लां निसतिन।

24 टारी गल अपने ऐशी सेइं न ज़ो,

ते चालबाज़ी गल्‍लां ज़ोनी तीं करां दूर रान।

12 पन हे मेरे ढ्लाव ते बेइनव, सेब्भन करां बड्डी गल ईए, कि कसम न खाथ, न सुर्गेरी न धेरतरी, न होरि कोन्ची चीज़री, पन तुश्शी गल हांएरी हाँ, ते न एरी न भोए, फिरी परमेशर तुसन सज़ाह न देलो।

18 हे ट्लारे बच्‍चव, अस सिर्फ वचन ते ज़बानी सेइं नईं, पन कम्मन ते सच़्च़े सेइं भी प्यार केरम।

6 अगर अस ज़ोम, कि तैस सेइं साथी इश्शी शामलीते, ते फिरी आंधरे मां च़लतम, त अस झूठेम, ते सच़्च़े पुड़ न च़लम।

4 ज़ैखन भी अवं शुनताईं कि तैना, ज़ैना मेरे बच्‍चां केरे ज़ेरे आन तैना सच़्च़ेरे मुताबिक ज़ीतन, तैखन अवं बड़ो खुशी भोताईं।

1 हुनी विश्वास उमीद कियोरी चीज़ां केरू याकीन, ते अलैई चीज़ां केरू सबूते।