10 versículos sobre esperança em tempos difíceis

13 Na, ya Tyumanem na lyekatan sa pag-iman, atmu-un kamu nan galu na pagleya aw kalinaw asuntu sa kamayu pagpangintu-u. Aw magi sa katulus na Ispiritu, to-o pa magkadakulaꞌ ya kamayu pag-iman.

28 "Yanagaw, ya kadég mayu na migkalumay da ya ginawa aw to-o kyabegatan, kadi kamu ni sayid ku kay palagdengen ta kamu.

17 Aw pangkay awun manga kalugan na kya-agiyan tadun, manang oloꞌ yeiy magpaka-agi, aw diliꞌ to-o mabegat kun pa-unawa sa kadyawan na pigtagilan na Tyumanem. Kay ya sampetan na kalugan yeiy pa-eya-en kitadun kagaya adti tas na langit na walaꞌ ya tyamanan. 18 Yanagaw diliꞌ tadun pagbetang adti kanaten anenganeng ya asini tas na lupaꞌ. Tibullukun tadun baling ya kanaten anenganeng adti manga diliꞌ pagkita-en na awun ni tas na langit. Kay ya kadég na pagkita-en asini tas na lupaꞌ, alag saba malagak. Manang ya diliꞌ pagkita-en, walaꞌ ya tyamanan.

23 Diliꞌ naten botonan ya pag-iman sa kanaten pigpangintu-uwan aw diliꞌ kitadun magduwaduwa, kay ya migpakang kanaten kasaligan saba sakanan.

7 Tumbayan mayu adti kanan ya kadég na kamayu kakaypengan kay yan saba ya gayed migdiyaga kamayu.

6 Diliꞌ magkakamang ya ginawa mayu sa pangkay unu. Manang panawagtawagi mayu baling adti Tyumanem ya kadég yeiy, aw pagsekat kamu sa tabang nan. Aw pasalamati mayu sakanan. 7 Kun imo-un mayu yeiy, un atag na Tyumanem kamayu ya kalinaw. Aw ya kalinaw na lekat adti kanan diliꞌ tadun mabatug kalabetan, manang yan ya magtameng sa ginawa aw anenganeng mayu kay nyakasambuk da kamu kan Kristu Jisus.