10 versículos sobre esperança em tempos difíceis

11 ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्‍नी करने आथी। मेरी सोठ हणीं एही ज़ेथ आजू तम्हां आशा रहे।

म्हारी शरण लणें ज़ैगा आसा परमेशर

1 म्हारअ बल अर शरण लणें ज़ैगा आसा परमेशर,

खरीए पलका करा सह ई म्हारी मज़त सदा।

13 हुंह करा परमेशरा का अरज़ ज़ुंण आशा दैणैं आल़अ आसा, तम्हैं ज़ै विश्वास डाहे, तम्हैं लोल़ी तेऊ सोभी रंगे नंद अर शांती करै भरी दैनै, ताकि पबित्र आत्में शगती संघै थारी आशा बढदी रहे।

10 तम्हैं निं डरी आथी, तम्हां संघै आसा हुंह!

हुंह आसा थारअ परमेशर, तम्हां निं कोही का डरने ज़रुरत आथी!

तम्हां लै बल दैणअ मुंह अर थारी मज़त बी करनी मुंह।

तम्हैं नढैऊणैं मुंह हाथै ढाकी संघा डाहणैं बच़ाऊई।✝

28 "तम्हैं सोभै एछा मुंह सेटा लै ज़ुंण शास्त्री अर सैणैं खोज़ै दै बधाना मनणे भरपूर कोशिश करा, ज़ुंण तम्हां प्रैंदै बोझ़ आसा हुंह दैंऊं तम्हां लै तिन्‍नां सोभी गल्‍ला का बशैघ।

17 किल्हैकि घल़ी-पलो हल़कअ ज़िहअ कष्ट करा हाम्हां लै ज़रूरी सदा रहणैं आल़ी ज़िन्दगी अर प्रतप्प पैईदा। 18 हाम्हैं निं तिन्‍नां खरी दी धैन दैंदै ज़ुंण हाम्हां का एभै शुझिआ पर हाम्हैं दैआ तिन्‍नां च़िज़ा दी धैन ज़ुंण हाम्हैं भाल़ी दी निं आथी। किल्हैकि ज़ुंण हाम्हैं एभै भाल़ा तिंयां आसा थोल़ै धैल़ै लै पर ज़ुंण च़िज़ा हाम्हैं भाल़ी निं आथी तिंयां रहणीं सदा बणी।

17 बिधाता हेरा धर्मीं मणछे लेर-पकार शूणीं,

संघा बच़ाऊआ सह तिन्‍नां सोभी आफ़ता का।

18 ज़हा मणछो हैअ चुटअ बिधाता हआ तिन्‍नां नेल़,

ज़हा किछ़ै आशा निं रही, तिन्‍नां बच़ाऊआ बिधाता आप्पै।

23 आपणीं आशा दी डाहणअ पाक्‍कअ विश्वास। किल्हैकि ज़ुंणी करार आसा किई दी, सह परमेशर आसा शुचअ।

7 अर आपणीं सारी फिकर छ़ाडा तेऊ दी, किल्हैकि तेऊ आसा थारअ धैन-खैल।

6 किछ़ू गल्‍लो फिकर निं करी, पर हर गल्‍ला लै करनी परमेशरा का प्राथणां। ज़ुंण थारी ज़रुरत आसा सह खोज़णीं परमेशरा का, अर ज़ुंण बी तेऊ तम्हां लै किअ करनअ तेऊओ शूकर। 7 तेखअ डाहणैं परमेशरे शांती ज़ुंण सोभी मणछे समझ़ा का बागै आसा थारै दिल अर थारै बच़ार मसीहा ईशू दी बच़ाऊई।✝