Vida nova
Em Cristo, toda pessoa é transformada em uma nova criação. O velho passa e tudo se faz novo. A vida nova é o resultado da obra redentora de Jesus em nosso coração.
Morte e ressurreição com Cristo
O batismo simboliza nossa morte para o pecado e ressurreição para uma nova vida. Fomos sepultados com Cristo e ressuscitamos com Ele.
Á tsíya̱álaꞌ rí mbá xúgiáanꞌlóꞌ tsáanꞌ waxúꞌdu-maꞌáanꞌlóꞌ ná awúun iya numuu rí nanimba̱ꞌlóꞌ juꞌyáá Krísto̱ Jesús, asndo xó rí nijáñalóꞌ ga̱jma̱á nindxu̱u̱ rá dxe̱ꞌ. Numuu rí ga̱jma̱á majñu̱u̱ rí waxúꞌdu-maꞌáanꞌlóꞌ ná awúun iya, nijáñalóꞌ jamí waꞌdiáanꞌlóꞌ ga̱jma̱á nindxu̱u̱. Ikhaa jngó, xómá rí Krísto̱ ndiyáa mbiꞌyuu ga̱jma̱á ski̱yu̱u̱ꞌ Ana̱ꞌlóꞌ, xkuaꞌnii máꞌ mbu̱ꞌyáa mbiꞌyalóꞌ rí nuxe̱ꞌ mangáanꞌlóꞌ, kajngó ma̱nindxa̱ꞌlóꞌ xa̱bo̱ nuxi̱inꞌ.
Xí mbáwíi xa̱bo̱ ninindxa̱ꞌlóꞌ gajmiálóꞌ Krísto̱ ga̱jma̱á numuu xó rí nijáñuu̱, xkuaꞌnii máꞌ mangaa, mbáwíi xa̱bo̱ gánindxa̱ꞌlóꞌ gajmiálóꞌ ga̱jma̱á numuu xó rí ndiyáa̱ mbiꞌyuu̱. Nduꞌyáálóꞌ máꞌ rí xa̱bo̱ wayii tsí ninindxa̱ꞌlóꞌ wajyúú, waꞌdujmaa̱ ná ixe̱ krúsi̱ ga̱jma̱á nindxu̱u̱ Krísto̱, kajngó ma̱mbáa ski̱yu̱u̱ꞌ aꞌkhán rí ríga̱ ná xuyalóꞌ, xkuaꞌnii rí náxáꞌthán-ñájwanlóꞌ aꞌkhán. Numuu rí xa̱bo̱ tsí nijáñuu máꞌ, nijríya̱a̱ꞌ máꞌ ná inuu aꞌkhán.
Xkuaꞌnii máꞌ mangáanꞌlaꞌ, a̱gu̱ya̱álaꞌ rí nánguá máꞌ juwalaꞌ rí mu̱ne̱laꞌ aꞌkhán, numuu rí nijáñalaꞌ inuu ne̱. Xómáꞌ xúge̱ꞌ rá, juwa ndu̱ya̱laꞌ kajngó mu̱ne̱laꞌ rí nandoo Ana̱ꞌlóꞌ ga̱jma̱á majñu̱u̱ Krísto̱ Jesús.
Nova criação
Quando aceitamos Jesus, nascemos de novo. A velha natureza dá lugar a uma identidade renovada pelo Espírito Santo.
Ikhaa jngó, xí mbáa xa̱bo̱ xtáa̱ ga̱jma̱á nindxu̱u̱ Krísto̱, mbáa xa̱bo̱ tsí ni̱gu̱ma-nuxi̱iꞌ ñajuu̱n. Wámba̱ máꞌ mbá xúgíí rí wayuu, jamí mbá xúgíí neꞌne-nuxi̱iꞌ rí xúge̱ꞌ rá.
Ikhúúnꞌ waꞌdujmúú ná ixe̱ krúsi̱ ma̱ja̱ñúꞌ ga̱jma̱á nindxu̱u̱ Krísto̱. Nánguá máꞌ xtáá nda̱ya̱ ikhúúnꞌ, rí Krísto̱ xtáa ndaꞌya ná awúun a̱kui̱nꞌ. Rí xúge̱ꞌ rá, xtáá nda̱ya̱ ga̱jma̱á numuu rí wéje̱ a̱kui̱nꞌ ná inuu A̱dée Ana̱ꞌlóꞌ, tsí ndiyoo jaꞌyeꞌ jamí nixnáxe̱-mina̱ꞌ rí ma̱ja̱ñúu ga̱jma̱á numuꞌ.
Ikhaa jngó rí xúge̱ꞌ rá, tsíꞌyoo máꞌ xí xa̱bo̱ griégo̱ o xa̱bo̱ judío̱ ñajwanlóꞌ, xí juꞌyálóꞌ tsina jndi o na̱nguá mbo̱ꞌ, xí phú nduꞌyáálóꞌ o na̱nguá, xí yumbáá tsí waꞌtsi̱i̱ ñajwanlóꞌ o na̱nguá mbo̱ꞌ. Krísto̱ ñajuun tsí phú i̱tha̱án gíꞌdoo numuu inuu mbá xúgíí, jamí xtáa̱ ga̱jma̱á nindxa̱ꞌlóꞌ mbá xúgiáanꞌlóꞌ.
Despir o velho, vestir o novo
A vida nova se manifesta em abandonar os velhos hábitos e revestir-se do novo homem, criado segundo a vontade de Deus.
Waꞌsngálaꞌ rí mu̱ni̱ꞌñáálaꞌ janíí rí ne̱ne̱laꞌ wajyúú, nákhí rí ninindxa̱ꞌlaꞌ xa̱bo̱ aꞌkhán tsí niꞌkhíi mbá jayu ga̱jma̱á numuu rí na̱gu̱ma-nduwaa eꞌne rí na̱wa̱ꞌa̱ a̱kui̱in ma̱ꞌne. Waꞌsngálaꞌ rí mu̱ne̱-nuxi̱iꞌlaꞌ mbá jayu rí nu̱ndxa̱ꞌwa̱-mijnálaꞌ, jamí rí mu̱gíꞌdi̱ín ma̱juwalaꞌ xómá jaꞌyoo xa̱bo̱ tsí nuxi̱i̱ꞌ, tsí ni̱gu̱ma-ku̱maa neꞌne Ana̱ꞌlóꞌ rí ma̱nindxu̱u̱ xómá ikhaa̱, kajngó ma̱ꞌnii̱ rí máján jamí ma̱ꞌne-jaꞌwii̱ ga̱jma̱á majñu̱u̱ rí gakon.
Xómáꞌ xúge̱ꞌ rá, gu̱ni̱ꞌñáálaꞌ mbá xúgíí ríge̱ꞌ: ma̱xágigoo idxa̱ꞌlaꞌ, ma̱xájiꞌnáaꞌlaꞌ, mu̱xúne̱laꞌ rí xkawe̱ꞌ, mu̱xútha̱n-xkawiu̱únlaꞌ xa̱bo̱, ni máꞌ ma̱xágájnuu nimbá ajngáa xkawe̱ꞌ ná rawanlaꞌ. Mu̱xúne̱-nduwa-mijnálaꞌ, numuu rí ikháanꞌlaꞌ ni̱ni̱ꞌñáálaꞌ máꞌ janíí xa̱bo̱ aꞌkhán tsí ninindxa̱ꞌlaꞌ nákhí wajyúú ga̱jma̱á mbá xúgíí rí xkawe̱ꞌ ne̱ne̱laꞌ. Jamí ni̱gíꞌdi̱ínlaꞌ máꞌ nijuwalaꞌ xómá jaꞌyoo xa̱bo̱ tsí nuxi̱i̱ꞌ, jamí na̱ka̱-raꞌne nuxáanꞌlaꞌ máꞌ xúꞌkhue̱n kajngó ma̱nindxa̱ꞌlaꞌ xómá jaꞌnii Ana̱ꞌlóꞌ tsí neꞌne-ku̱máaꞌlaꞌ, asndo rí mu̱ne̱-nuwii̱n májánlaꞌ.
Xúꞌkhue̱n máꞌ xí nu̱ꞌne̱-maphú aꞌkhánlóꞌ ná inuu Ana̱ꞌlóꞌ, ikhaa̱ phú májáan a̱kuii̱n jamí phú jmbii̱ rí ma̱ꞌne mba̱a̱ a̱kuii̱n jaꞌyoo̱ aꞌkhánlóꞌ. Xúꞌkhue̱n máꞌ ma̱ꞌne-jaꞌwáa̱nꞌlóꞌ inuu mbá xúgíí rí ra̱máján ne̱ꞌne̱lóꞌ.
Renovação interior
Deus promete dar um coração novo e um espírito novo. A transformação nasce do arrependimento e da purificação divina.
Mbá xúgiáanꞌ ikháánꞌlóꞌ, xkuaꞌnii nijuwalóꞌ nákhí wajyúú. Ningriga̱ꞌlóꞌ nu̱ꞌne̱ rí na̱ni̱gua̱ꞌlóꞌ, ne̱ꞌne̱lóꞌ aꞌkhán rí nandoo xuyalóꞌ jamí mbá xúgíí rí xkawe̱ꞌ ni̱ju̱ma̱ꞌlóꞌ. Ga̱jma̱á numuu rúꞌkhue̱n, phú jaꞌyoo rí mu̱drígúlóꞌ jamínu̱ꞌ gáꞌne Ana̱ꞌlóꞌ, xómá jaꞌyoo rí mu̱dri̱gú ne̱ tsí i̱ꞌwíin. Xómáꞌ Ana̱ꞌlóꞌ, maphú mba̱a̱ niñáwíin a̱kuii̱n jaꞌyalóꞌ, numuu rí phú nandoo̱ jaꞌyalóꞌ. Niꞌnii̱ rí mbu̱ꞌyáa mbiꞌyalóꞌ ga̱jma̱á nindxu̱u̱ Krísto̱, maske máꞌ asndo xó rí juwa nijáñalóꞌ inuu̱ ga̱jma̱á numuu aꞌkhánlóꞌ. ¡Nijríñáaꞌlaꞌ ga̱jma̱á numuu rí Ana̱ꞌlóꞌ nixnálaꞌ rí máján rí ra̱jáꞌyalaꞌ!