7 तैखन यहोवा परमेशरे आदम* धेरतरी मित्ती सेइं बनाव, ते तैसेरे नक्‍के मां ज़िन्दगरी सांस छ़डी; ते आदम ज़ींतो प्राणी बेनि जेव।

13 किजोकि तीं मेरे एंत्रीं अंग बनेवरेन*;

तीं अवं अम्मरे पेटे मां बनाव।

14 अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,

तेरां कम्मां त हैरान केरनेबालन,

ते अवं एन रोड़ेच़ारे ज़ानताईं।

15 मेरो ढांचो तीं करां छ़पोरो न थियो,*

ज़ैखन अवं खुफिया ठैरी बनेवरो थियो,

तैखन मेरी हेड्डी तीं करां छ़ेपोरी न थी।

16 तेरी एछ़्छ़ेईं अवं तैखने लाहोरो थियो,

ते मेरे सब अंग ज़ैना रोज़ बनते गाते थिये तैना बन्ने करां पेइले

तेरी किताबी मां लिखोरे थिये।

9 किजोकि ज़िन्दगरो नाग तींए कांए;

ते असन तेरे लोई सेइं लौ मैल्हेली।✝

33 अवं सैरी उमरी यहोवारू गीत ज़ोतो रेइलो,

ज़ांतगर अवं ज़ींतोईं अपने परमेशरेरी शुक्रगुज़ारी केरतो रालो।

6 यीशुए तैस सेइं ज़ोवं, "बत, सच़्च़ी ते हमेशारी ज़िन्दगी अव्वें आईं, कोई मेरे ज़िरिये बगैर बाजी कां न एज्जी सके।

10 च़ोर होरि कोन्ची कम्मेरे लेई न एज्जे, बल्के च़ोरी केरने ते मारने ते नाश केरने एइते, अवं एल्हेरेलेइ एवरोईं कि तैन भरपूर ज़िन्दगी ज़ीन।

25 यीशुए तैस ज़ोवं, "मैन्हन मुड़दन मरां ज़ींते केरनेबालो अव्वें आईं। ज़ै मीं पुड़ विश्वास केरते तै मरनेरां बाद भी ज़ींतो रालो। 26 ते ज़ै कोई ज़ींतोए, ते मीं पुड़ विश्वास केरते, तै कधे न मरेलो, कुन तू इस पुड़ विश्वास केरचस?"

35 यीशुए तैन सेइं ज़ोवं, "ज़िन्दगरी रोट्टी (ज़ै ज़िन्दगी देनेबाली रोट्टी) अव्वें आईं, ज़ै मीं कां एजते तै कधी निअन्नो न भोल्हो, ते ज़ै मीं पुड़ विश्वास केरेलो तै कधी ट्लिशोरो न भोल्हो।

38 ज़ै मीं पुड़ विश्वास केरे, ज़ेन्च़रे पवित्रशास्त्रे मां लिखेरूए, तैसेरे दिले मरां तै पैनेरे दरिया निस्सेले ज़ैना ज़िन्दगी देतन।"

20 अवं मसीह सेइं साथी क्रूसे पुड़ च़ढ़ोरोईं, ते हुनी ज़ींतो न राव, पन मसीह मीं मां ज़ींतोए, ते अवं जिसमे मां हुनी ज़ींतोईं, त सिर्फ तैस विश्वासे सेइं ज़ींतोईं, ज़ै परमेशरेरे मट्ठे पुड़े, ज़ैने मीं सेइं प्यार कियो, ते मेरे लेई अपनि जान दित्ती।

20 अवं मसीह सेइं साथी क्रूसे पुड़ च़ढ़ोरोईं, ते हुनी ज़ींतो न राव, पन मसीह मीं मां ज़ींतोए, ते अवं जिसमे मां हुनी ज़ींतोईं, त सिर्फ तैस विश्वासे सेइं ज़ींतोईं, ज़ै परमेशरेरे मट्ठे पुड़े, ज़ैने मीं सेइं प्यार कियो, ते मेरे लेई अपनि जान दित्ती।

12 असन अपने ज़िन्दगरे दिहाड़े गन्नेरी समझ़ दे, कि अस अक्लमन्द भोइ गाम।

10 हे मेरे मट्ठा, मेरी गल्‍लां शुन्तां कबूल केर,

तैखन तू बड़े सालन तगर ज़ींतो रालो।

23 सेभना करां जादे अपने मनेरी हिफाज़त केर;

किजोकि ज़िन्दगरो असली ज़िरियो तैए आहे।

23 सेभना करां जादे अपने मनेरी हिफाज़त केर;

किजोकि ज़िन्दगरो असली ज़िरियो तैए आहे।

8 ज़ै अक्ल हासिल केरते, तै अपने प्राणे प्यार केरनेबालो ठहराते;

ते ज़ै समझ़ रखते तैसेरू भलू भोते।

3 ज़ै अपने ज़बानरी एतिहात केरते, तै अपने प्राणां केरि हिफाज़त केरते,

पन ज़ै लापरवाह भोइतां गल्‍लां केरते तै अपने ज़िन्दगरो नाश केरते।

17 ज़ै शिक्षाई पुड़ च़लते तै ज़िन्दगरे बत्ती पुड़े,

पन ज़ै डांटी करां तुत्तर फिराते, तै भटकते।

27 यहोवारो डर मन्नो, ज़िन्दगरो नागे,

ते तैसेरे ज़िरिये लोक मौतरे फंदन करां बच़ाए गातन।

21 ज़ै धार्मिकतारो ते महरबैनरो पीछो केरते,

तै ज़िन्दगी, धार्मिकता ते इज़्ज़त भी हासिल केरते।

15 एल्हेरेलेइ रोड़े च़ारे हेरा, कि केरि ज़िन्दगी ज़ींने लगोरेथ। बेअक्लां केरि ज़ेरि नईं पन अक्लमन्दा केरि ज़ेरि ज़िन्दगी ज़ीथ। 16 ते मौको कीमती समझ़ा, किजोकि दिहाड़े बुरेन।

4 हे यहोवा, एपनी बत्तां मीं हिरा;

मीं एपनी बत्तां केरि शिक्षा दे।

6 पक्‍की भलियाई ते करुणा सैरी उमरी

मीं सेइं साथी-साथी राहेली;

ते अवं हमेशा यहोवारे घरे मां रेइलो।

26 मेरो दिल ते मन दूईये हारोरेन,

पन परमेशर सदारे लेई मेरो हिस्सो

ते मेरे दिलेरी चट्टान बनोरोए।

7 यहोवा हर आफती करां तेरी रक्षा केरेलो;

तै तेरी जानी बिलकुल बच़ेइतां रखेलो।

8 यहोवा तेरे एजने-गाने मां

तेरी हिफाज़त हुना करां सदा तगर केरतो राए।

3 किजोकि तू मेरे लेई चट्टान ते मेरो क़िलोस;

एल्हेरेलेइ अपने नंव्वेरे खातर मेरी अगवाई केर।

ते मीं अग्रोवं च़ला।

4 अक बर मीं यहोवा करां मगोरूए,

तैसेरे लेई कोशिश केरतो रेइलो;

कि अवं ज़िन्दगी भर यहोवारे भवने मां रेईं सेकी

ज़ैस सेइं यहोवारी महिमा पुड़ नज़र लेइतां रेखी,

ते तैसेरे भवने मां ध्यान केरतो रेईं।✝

7 यहोवारे सामने च़ुपच़ारे रा,

ते सबरी सेइं तैसेरो इंतज़ार केर,

तैस मैन्हेरे वजाई सेइं न कुढ़, ज़ैसेरां कम्मां कामयाब भोतन,

ते तै बुरी योजनान बेकार केरते!

93 अवं तेरे उपदेश कधी न बिसरेलो;

किजोकि तैन केरे ज़िरिये तीं अवं ज़ींतो कियोरोईं।

25 एल्हेरेलेइ अवं तुसन सेइं ज़ोताईं, कि तुस अपने ज़िन्दगरी ज़रूरतां केरे लेई फिक्र न केरा, कि तुस कुन खाले या कुन पीले, ते न अपने जानरी कि कुन लामेले। कुन प्राण रोट्टी करां ते जान लिगड़े करां बेद्धतां नईं!"

26 "अम्बरेरे च़ुड़ोलन हेरा! तैना न किछ बेन, ते न किछ कट्टन, ते न कोठारन मां अकोट्ठे केरतां रखन, फिरी भी तुश्शो सुर्गेरो बाजी तैन खाने जो देते ते तैन केरि हेरगेश केरते। कुन तुश्शी कदर तैन करां जादे नईं? 27 तुसन मां एरो कौन आए, ज़ै फिक्र केरतां अपनि उमर अक घड़ी भी बधेईं सकते?"

36 मैन्हु अगर सारी दुनियाई हासिल केरे त अपनि हमेशारी ज़िन्दगी गुवाए, त तैस फिरी कुन फैइदो भोल्हो?

34 तैखन यीशुए अपने चेले त कने मैन्हु केरि भीड़ एप्पू कां कुजेइतां सेब्भन सेइं ज़ोवं, "तुस अगर मेरे चेलो बन्नू चातथ, त तुस अपने आपेरो इन्कार* केरा त कने तुस अपनु क्रूस* छ़ुइतां मीं पत्ती च़ला। 35 किजोकि ज़ै कोई अपनि ज़िन्दगी बच़ानी चाते, त तै हमेशारी ज़िन्दगी गुवालो। पन ज़ै कोई मेरे वजाई सेइं त कने मेरे बारे मां खुशखबरी होरि लोकन शुनानेरी वजाई सेइं अपनि ज़िन्दगी गुवाते, यानी बलिदान केरते, त तै तैस बच़ालो, यानी हमेशारी ज़िन्दगी हासिल केरेलो। 36 मैन्हु अगर सारी दुनियाई हासिल केरे त अपनि हमेशारी ज़िन्दगी गुवाए, त तैस फिरी कुन फैइदो भोल्हो? 37 मैन्हु अगर अपनि हमेशारी ज़िन्दगी गुवालो, त गुवानेरे पत्ती तै कुन देइतां तैस वापस घिन्नी सकते? 38 अज़्ज़ेरे ज़मानेरे लोक परमेशरे करां दूरन त कने पापी आन। एस ज़माने मां, अगर कोई मैन्हु मीं करां त कने मेरी गल्‍लन करां शरमाते, त मैन्हेरू मट्ठू भी, यानी अवं भी तैस करां शरमालो। ज़ेइस अवं अपने बाजी केरि महिमाई सेइं साथी त कने पवित्र स्वर्गदूतन सेइं साथी वापस एज्जेलो, त तेइस अवं तैस करां भी शरमालो।"

15 ते यीशुए तैन सेइं ज़ोवं, "हर किसमेरे लालच़े करां दूर भोइयथ ते न केन्चेरी जेइदात केन्चेरी जानी करां जादे भोए।"

3 ते हमेशारी ज़िन्दगी तै आहे, कि तैना सिर्फ तीं एक्‍की सच़्च़े परमेशरे ज़ानन ते यीशु मसीहे भी ज़ानन ज़ै तीं भेज़ोरोए।

23 किजोकि पापेरी मज़दूरी त मौते, पन परमेशरेरू वरदान इश्शे प्रभु यीशु मसीह मां हमेशारी ज़िन्दगीए।

2 ते इस दुनियारे तरीके पुड़ न च़ला, पन परमेशर तुश्शी सोच बदलेरे ज़िरिये सेइं तुश्शो चाल चलन भी बेदलोए, ताके तुस ज़ानथ कि परमेशर तुसन करां कुन चाते, या ज़ै रोड़ू ते ज़ैन तैस पसंद एइते, ते सिद्ध आहे।

7 किजोकि अस शकल हेरतां नईं, पन विश्वासे सेइं ज़ीतम।

14 सेब्भन सेइं मेल मिलापे सेइं राथ, ते तै पवित्रताई हासिल केरनेरी हर वक्त कोशिश केरा ज़ेसेरे बगैर कोई प्रभु न लेई सके।

11 ते ज़ेन्च़रे असेईं तुसन हुक्म दित्तो, तेन्च़रे तुस होरन सेइं लड़ाई न केरा, ते अपनु कम केरा त कने अपने लेई कमाई केरा। 12 ते एन्च़रां तैना भी तुश्शी आदर केरेले ज़ैना विश्वासी नईं, ते तुसन कोन्ची चीज़रो घाटो न भोल्हो।

23 ते ज़ैन किछ तुस केरतथ, तैन मने सेइं केरा, इन समझ़तां कि मैन्हु केरे लेई नईं पन प्रभुएरे लेई केरतथ। 24 किजोकि तुस ज़ानतथ कि तुसन एसेरे बदले प्रभु करां बदले मां मीरास मैल्‍लनीए, तुस प्रभु यीशु मसीहेरी सेवा केरतथ।

12 धने तै मैन्हु, ज़ै अज़मैइशी मां मज़बूत रहते; किजोकि तै अपनो विश्वास साबत केरतां ज़िन्दगरू तैन इनाम हासिल केरेलो, ज़ेसेरो वाधो प्रभुए तैन सेइं कियोरोए, ज़ैना तैस सेइं प्यार केरतन।

13 तुसन मरां ज्ञानी ते समझ़दार कौने? ज़ै एरो भोए तै अपने कम्मन रोड़े चाल चलने सेइं तैस नम्रता सेइं साथी बांदो केरे ज़ै ज्ञाने सेइं पैदा भोतीए।

10 किजोकि पवित्रशास्त्र ज़ोते, "अगर कोई मैन्हु ज़िन्दगरो आनन्द नेनो चाते, ते रोड़े दिहाड़े हेरने चाते त तैनी ध्यान लोड़े दित्तोरू कि बुरी गल्‍लां न ज़ोए। ते तैनी होरन धोखो न लोड़े दित्तोरो। 11 ते बुरू केरनू बंद कियोरू लोड़े बल्के तैनी रोड़ू कियोरू लोड़े। होरन सेइं मेल मिलापे सेइं ज़ींनेरे लेई मेहनत कियोरी लोड़े।

6 ज़ेत्रे ज़ींते प्राणी आन

सब यहोवारी तारीफ़ केरन!

यहोवारी तारीफ़ केरा!

1 हर एक्‍की गल्‍लरो अक वक्ते ते दुनियाई मां हर एक्‍की कम्मेरे लेई अक वक्ते।

16 किजोकि अवं अज़ तीं हुक्म देताईं, कि अपने परमेशर यहोवाए सेइं प्यार केरनो, ते तैसेरे बत्तन पुड़ च़लनू, ते तैसेरे हुक्मन, विधन, ते नियमन मन्ने, ज़ैस सेइं तू ज़ींतो रास, ते बद्धतो गास, ते तेरो परमेशर यहोवा तैस मुल्खे मां तीं बरकत दे, ज़ेसेरो अधिकारी भोनेरे लेई तू गेई राहोरोस।

12 "तू अपने अम्मा-बाजी केरि आदर केरां, ज़ैस सेइं ज़ै मुल्ख तेरो परमेशर यहोवा तीं देते तैस मां तू बड़े दिहाड़न तगर ज़ींतो रालो।

10 इश्शी उमरारे साल 70 त भोतन,

ते ताकतरे वजाई सेइं 80 भी भोइ गान,

फिरी भी तैन केरू घमण्ड सिर्फ तकलीफ ते दुखे-दुखे;

ते तैना लूशी गुज़री गातन, ते असां च़ले गातम।

4 "हे यहोवा, एरू केर कि मेरो अन्त,

मीं पतो लग्गे, ते इन भी

कि मेरी उमरारे दिहाड़े केत्रेन;

ज़ैस सेइं मीं पतो च़ले मेरी ज़िन्दगी केत्री बंच़ोरीए!

5 हेर, तीं मेरी उमर पल भरेरी रख्खोरी,

ते मेरी ज़िन्दगी तेरी नज़री मां किछ अथ्थी नईं,

सच़्च़े सब मैन्हु केरहे कायम

किजो न भोन फिरी भी बेकार ठहरतन।

6 सच़्च़े मैन्हु छावरो ज़ेरो च़लते;

सच़्च़े तैना बेकार घबरातन;

तै धन अकोट्ठू त केरते

पन न ज़ाने कि तैस कौन नेलो!

12 कौन मैन्हु आहे ज़ै ज़िन्दगरी इच्छा रखते,

ते कने लम्मी उमर चाते कि भलियाई हेरे,

13 त तै अपनि ज़बान बुरी गल्‍लां केरने करां बाज़ रख्खे

ते अपने ऐशेरी खबरदारी केरे कि

तैस करां कोई धोखेरी गल न निस्से।✝

14 बुराई शैरतां भलियाई केर;

मेल मिलापे तोप ते तैसेरो पीछो केर।✝

31 सुफेद बाल शोभारू ताज ठहरतन;

तैना धार्मिकतारे बत्ती पुड़ च़लने सेइं हासिल भोतन।

19 ज़ेन्च़रे पैनी मां तुत्तरेरी छाव तुत्तरे बांदू केरतीए,

तेन्च़रे मैन्हेरो मन मैन्हु बांदू केरते।