Vida
A vida é um dom precioso de Deus. Desde a concepção até a eternidade, as Escrituras revelam o propósito, o valor e a plenitude da vida que o Senhor nos oferece.
Deus, o autor da vida
O Senhor é quem dá a vida e a sustenta. Cada ser humano foi formado por suas mãos com propósito e intenção divina.
Ana okuo Yawe God ere mogl, makan gaba idre, yoba yagl ta bekugwa. Bekidre, God dra mur pu dinan, yoba kor morabedi yogwa i, yagl i guma mina pu dugo, dra mur ede pi yagl bekugwa i, guma mina ede yugugl ogo, yagl i u yoba moglkwa.
A vida em Cristo
Jesus é o caminho, a verdade e a vida. Nele encontramos sentido, plenitude e a promessa de vida abundante e eterna.
Yegl dugo, Jisas ye di te, yegl dugwa, Na konbauna moglsre, te ka kaima i, na mabuno moglsre, yoba kor moraiglkwa i, na mabuno moglsre, erika. Yoba ta ede pi na Nina moglmara enabuka i, konbauna pere ta mina ta pikrabuka. Na swara mina enabuka.
Ana kunogl yoba we, ye kunogl nedre, si goglsre, ere kide keme eramnedi wigwa ba na we, na yoba kwiano kor enan, kor meglkwa mabuno ye meglmara kau kaima sinabuka pre wiga.
Yegl dugo, Jisas ye aglke kor yegl di togwa, Yoba na swara mina adigl u kor pidre, kor moraiglkwa. Yoba na ta pre mediglsre, goran, ta goglkrabuka. Kor mogl pai morabuka. Te, yoba ta kor moglsre, na pre medran, ye kaima ta goglkrabuka. Na ene di teiga i, ene pre mediglno? Jisas yegl di prukwa.
Yegl digo, Jisas aglke kor dugwa, Bret ta kor moraiglkwa togwa i, na moglka. Yoba ta na moglmara udre, na pre mediglbi, ye ege swara ta kidan goglkre, nigl goglkre, yegl eraiglmiwe dugwa.
God kamo dumere mere, yoba ta na pre medrabuka i, dem muduo mina nigl ogo mere yegl bogl pai mogl, kau sinan, nigl mere kide pepigl di ede meda enabiwe dugwa.
Na Krais bogl akie ede prak mina guglka pre nana kor moglkrika ba Krais na moglmara suna moglko, no akie kor muglka. Te, erme na mogl pai erika i, God Wam swara pre medigl mogl pai erika. Jisas dem muduo podo narsre, na ere inagledi goglkwa.
Na Krais bogl akie ede prak mina guglka pre nana kor moglkrika ba Krais na moglmara suna moglko, no akie kor muglka. Te, erme na mogl pai erika i, God Wam swara pre medigl mogl pai erika. Jisas dem muduo podo narsre, na ere inagledi goglkwa.
Vivendo com sabedoria
A Bíblia nos orienta a viver com sabedoria, aproveitando bem o tempo, guardando o coração e buscando a vontade de Deus para cada dia.
Ana ene mogl pai eraiglmara i, kan kun ere, mogl pai eraiglkwa. Yoba nomano kide paugwa ere wan meglmere yegl erekre, ene nomane wakai idre, wan moraiglkwa. Te, nono ege erme munga i, tadaglme u podo kide ogo, ege kide yogwa pre ene yoko ta moraiglkwa kuno erekrukwa. Ene ege ege God kogonmo ere, yoba ere wakai ere teo.
A vida no dia a dia
Cada dia é uma oportunidade de glorificar a Deus. A Escritura nos chama a viver com propósito, confiança e fé prática.
Prioridades e eternidade
Jesus nos lembra que a vida é mais que comida e o corpo mais que roupa. O que importa é buscar o Reino de Deus e viver para a eternidade.
Ana na ene ka ebrie di teiga i, ene pre epigl ersre, erme makandigle siragl mere mogl pai eraiglkwa i, pre yubun dekrio. Ene nigl, kaya mokna siragl mere nenaiglmere mo kuguglno gaglno siragl mere edinaiglmere kaima nomane sikrio.
Neno Kade kor moramga norukwa pre kaya mokna ya kugugl gak edinamga i, taragl kebra pamedi praiglkwa. Kua pru di wan meglkwa i, ene prio. Yene kaya mokna ere yagl, si nenaiglkwa i pre nomane sikrikwa. Ba ene Neno kamin mitna moglkwa i, kua wakai moraiglmedi suglno moglkwa. Kua suglno wakai moglsre, te, no yoba munga i, siragl podo pamedi prisre, no wakai kaima suglno morabedi praiglmiwe dugwa.
Ene siragl mere wakai mogl pai eraiglkwa pre ege ege nomane sibi, ene bugla yuguno ere i olto edinaiglmo? Ta manabiwe dugwa.
Yoba ta makandigle taragl mudu nem yagl morabuka ba ye yene u kide pidre, wau boran, wakai panabo?
Ana Jisas ka yegl di kodidre, ye duglo beglkwa yagl ya yoba mudu agle dugo, wigo, ye yegl di togwa. Yoba ta na duglo boragledi prabuka i, yoba ede prak kake ede eigo, si geglmere mere yegl, ye gorabuka i pre gun yedre, te ye yene nomanemo si goglsre, na duglo borabuka paugwa. I siragl pre yoba ta na pre gorabuka i pra we didre, te, na kana yoba di tenabuka pre gorabuka i pra we dinan, ye kor kaima morabuka. Ba yoba erme keme kor mogl, wakai moragledi pran, ye u kide enabuka.
Yoba ta makandigle taragl mudu nem yagl morabuka ba ye yene u kide pidre, wau boran, wakai panabo? Mo, yoba kia mina kor morabuka i pre siragl wakai ta tedre, ikrabiwe dugwa.
Ene yugobuno erme meglkwa i, ene u kide pi kodidre, abu ta wie kide kodo yagl ta bogl kunogl nebrere mere yegl meglkwa. Ene meglmara suna i ta na Yoba Wam moglka i, againa goglsre, na kana pre ama agai goran, okuo yobamo i ama agaimo goraglka. Na Nina kagie kade pamere yegl na kagna kade naran, na Nina angeloma bogl akie unamga igne i, na yoba i againo goraglka pre diwe di, Jisas yegl dugwa.
Jisas yegl di tedre, yoba mudu magigl meglkwa i, ama yegl dugwa, Ene kan kun erio! Taragl kane kane bubuno gogl dinaiglmiwa! Yoba ta kor mogl, gun yenabuka i, ye taragl mere kide bona sinabuka i pre ta gun yekrabiwe dugwa.
Te, yoba aimadi kamun kor moraiglkwa i, mem yegl paugwa, ene swara God kaima motnga i, pre kan ersre, na Jisas Krais, ene dedinga i, ama pre kan eraiglkwa mem yegl pamiwe dugwa.
Nono tadaglme ere kodumga pre topomo geglkwa keme inamga paugwa. Topo yegl inamga paugwa ba ta ikunga. I siragl pre God ere mogl, nono Yaglno Kade Jisas Krais kogon erumara i mina, aimadi kamin kor moramga i, yoko kaima noro kodugwa.
Ene mogl pai eraiglmara i, yoba meda God bogl moglkrikwa i mogl pai erimere yegl erekrio! Ene God nomane norabedi agai tebi, God ene nomane kor kor inaiglmedi tenabuka. Tenan, God ene siragl mere eraiglmedi prukwa i, ene pre pogl sinaiglkwa. God mabuno tau wakai kanugwa i, mabuno wakai ya mabuno du i, ene kaima pre pogl sinaiglkwa pre diga.
No yegl prumga i, siragl pre taragl tau, gumuglno mina kamga i, nomane sikrumga ba God kamo plau dinabedi pre gi di munga.
Ana ene yoba mudu bogl deno muduno swara yenamnedi ersre, mabuno du panabuka i, duglo boramnedi erio. I siragl pre yoba mabuno du duglo bogl moraiglkwa yobamo i keme, ye Yagl Kade kan pogl sinaiglkwa.
Te, ene enene mogl atne edidre, kiede moramnedi erio! Te, no okna ene di tomnere mere yegl, enene kogono ta panabuka i ersre, ogono mina kogon podo eraiglkwa paugwa. Ene yegl eribi, ene kaya mokna mo taragl swara ta inaiglkwa panabuka i, enene kogon ersre, inaiglkwa. Yoba pere ta ene ake ple di tenaiglkwa mere yegl ta paikrabuka. Te, ene kogon podo yegl eribi, yoba meda meglkwa i ama ene mabuno erikwa i kandre, wakai kanaiglkwa.
Te, ene kogon mudu ta eraiglmara i, no bitno yoba i keme kogono ere tomnedi prikrio. Ene Yaglno Kade ama kogon ere tomnedi prisre, kogon gigledi erio. I siragl pre enene prikwa i, ene ka kaima Yaglno Kade Krais kogonmo ere teigwa. Te, ene kogon erimara yene okuo taragl wakai wakai topo mere yegl ene tenabuka.
Yoba ta yubun mina adigl gigledi morabuka i, ye gun yenabuka paugwa. I siragl pre ye wakai erukwa pre God ye wakai erumedi kandre, topo wakai tenabuka. Topo i, king bitno gagl mere yegl yogwa, kagie kor kaima meglkwa bitno gagl we digwa. Yoba ta deno muduno God teigwa i, God ye topo yegl tenagledi promis ere kodugwa.
Ana ene tau nomano wakai pamedi pribi, ene mogl atne edidre, mabuno wakai eraiglmara i mina, nomano wakai i, i nogugl edenaiglkwa paugwa. Yegl eribi, ene mabunono wakai i, yoba kandre, ene nomano wakai pamedi kanaiglkwa.
Ana God kamo okna beglmara i, ka ta yegl beglkwa,
Yoba ta kor moglsre, ame wakai dinagledi pran,
Ye ka kide kane kane dikre,
Ka kibi ama ta dikrabuka paugwa.
Ye mabuno kide, kide kodidre, mabuno wakai erabuka paugwa.
Te, ye yoba pere bogl deno muduno swara yenamnedi erabuka paugwa.
Te, ene neno mano moraiglmara mogl atne edidre, kano prio! Ene yegl eribi, tabre goglkre, na dumo makan ta tenaglmara i ege oglto moraiglmiwa.