Vitória

4 mbrə ə̂në əzü nɔ̂ ə̂në Ndjapä kə zû ətshə kɔ, tshə sə kə ro pâ tshepashɔ səye də awlra, â ərə nə ə̂në a rô tshepashɔ nə də nə də awlra gâ ye kɔ kə də̂ əpʉ lɔsu əzə̂.

37 Bale, lə aərə səkɔ nɔ̂, a rô pâ nə də awlra gâ ye tə̂ äwä ətshə nə ə̂në tshə yîndə əzə̂ gâ ye kɔ. 38 Mbrə ə̂në mə wusə̂ nə mâ tə̂ lɔsu əmə ə pa wala kuzu wala sorô wala atrawaya nə̂ Ndjapä wala aawlra tshelafɔ wala tshe kpəsəye wala tshe dambʉ wala aawlra ə̂në ə sə gâ pâ aərə kɔ, 39 wala aawlra tshelə əyi wala aawlra djoko tʉ wala ə̈bə̈ ata ərə ə̂në Ndjapä mbrə̂ gâ ye kɔ lï lï ndə kə pa ə sɔ əzə̂ gashe tə̂ kə yində əzə̂ ə̂në Ndjapä nə yində əzə̂ lə Jezu Kristə, Âgbɔ̂ Əyïngerə nə̂ əzə̂ kɔ bale ne.

Kə yi tə̂ nə̂ Ndjapä rô ə̂dû ərə nɔ̂

31 A sə kə pa atâ gâ pâ əpʉ səkɔ? Kədə Ndjapä nə kə sə mbrə əzə̂, əde kə lï ndə kə za tshelə ye gâ tə̂ əzə̂?

55 Wââ kuzu, awlra nə̂ zə nə

ə̂në ə rô pâ azü prââ kɔ sə kotâ a?

Wââ kuzu, ərə koshe nə̂ zə nə sə kotâ a?»*

56 Ərə koshe nə̂ kuzu nə kə də̂ nyaka â awlra nyaka nə kə də̂ âgbɔ̂ əpʉ. 57 Bale, a zä mərshe kə Ndjapä nə ə̂në tshə mbrə̂ â əzə̂ ro pâ kuzu də awlra tə̂ äwä Jezu Kristə, Âgbɔ̂ Əyïngerə nə̂ əzə̂ kɔ.

13 Rəkɔ, e kö aərə koshe nɔ̂ ə̂në Ndjapä nə kô kə əzə̂ kɔ, kanika ə ka tə akoshe tə̂ alɔ əmbrʉ ərə ə ka kpirə̂, mandânə ə̂në e mbrə̂ awlra nə ʉrrr ndjɔ gâ tə̂ ama nə gâ ye kɔ.

13 Mə lï də ərə nɔ̂ lə ətshə nə ə̂në tshə gbɔgbɔ əmə kɔ.