A volta de Jesus
A volta de Jesus é uma das maiores promessas da Bíblia. Cristo prometeu que retornará em glória, e os cristãos vivem na expectativa desse dia triunfante.
A promessa do retorno
Jesus prometeu aos discípulos que voltaria. Os anjos confirmaram essa promessa na ascensão, e os apóstolos ensinaram que Ele virá com poder.
Bibuka bibingi bii mu nzo yi Tata ani, nganunu naluteedidi ko ti nina kwenda mu lukubikila kibuka. Bu naakwenda mu lukubikila kibuka, naavutuka, mpe naalubonga mu ba nani ha kimosi, mwanki ho ha nidi, yeno mpe luba hoho.
Bu kamanisa mu zonza bobo, wutomboka ku yulu ha meso mawu. Mpe tuti diyiza mufuka na bedi bwesa muyena ko. Bu bedi talanga ku yulu kwedi yendisa Yesu, bayena babakala bole balwata binkutu bimpembe na bayiza ba bela-bela nawu, babateela ti: «Yeno bisi-Ngalili, bila nki luna mana tadilanga ku yulu e? Yesu bewowo wubatombodi ku yulu ha kati dyeno, waavutuka bonso bu luyenini nkwendolo andi ku yulu.»
Yondowo wuna ta kimbangi ki misamu bemyomyo, teedi ti: «Ninga, nina kwiza mu muswalu!»
Ameni! Mfumu Yesu, yiza!
«Tala, nina kwiza mu nswalu, mufutu ani wuna kwiza ha kimosi naani, mwanki nasenda kadi muntu bonso budi mavanga mandi.
Os sinais e o momento
Ninguém sabe o dia nem a hora. Jesus alertou sobre falsos sinais e nos chamou à vigilância constante, pois Ele virá como ladrão na noite.
Mu dyambu ditadidi kilumbu na ntangu, ka muntu ko zebi, ka zimbazi zi mazulu ko, ka Mwana ko, kansi Tata kaka zebi. Bonso bubela mu ntangu yi Nowa, bwabobo mpe bwaabeela mu kilumbu kyaakwiza Mwana Muntu. Mu dyambu ti, tekila nyamba yiyinene yiza, bantu badya na banwa, bakwela na bakwedisa baala bawu natee kilumbu ki kota Nowa mu nzaza, na bazaba ko nki byaabatudila natee nyamba yiyinene bu yiyiza na yi kukumuna bamvimba. Bwabobo mpe bwaabeela kilumbu kyaakwiza Mwana Muntu.
Mu dyambu ditadidi kilumbu na kilokola, ka muntu ko zebi, ka zimbazi zi mazulu ko, ka Mwana ko, kansi Tata kaka zebi.
Zimpangi, mu dyambu ditadidi ntangu na kilokola, luu na nsatu ko ti tulusonikina dyaka mu musamu bewowo. Mu dyambu ti, walutomini zaba yebende ti kilumbu kyaakwiza Mfumu kyaaba bonso bukwe kwizanga mwivi mu mpimpa. Bantu bu baata ti: «Mu kiyenge na mu nkebolo tudi», baayitukulu, mpasi zinsisi zibabwididi bonso misongo bu mikwe bakilanga mukento weka lukufi mu buta, mpe nakani muntu kaavuka ko.
Kebeno kweno, mu dyambu ti luzebi kilumbu kyaakwiza Mfumu eno ko. Zabeno ti: tala ti mfumu yinzo lendi zaba mu nkye kilokola ki mpimpa mwivi kaakwiza, fweti sunga tolo na kalendi mubiika ko kakota mu nzo andi. Ni hahoho, yeno mpe, beno bakubama mu dyambu ti Mwana Muntu waakwiza mu kilokola ki lulembolo zaba.
Zimpangi, mu myo mitadidi mvutukulu yi Mfumu eto Yesu-Klisto na kukutakana kweto ha yandi, ebu tululombidi: mayindu meno mabandi yeku-yeku ko, mpe lubandi na bunkuta ko bantu bu baaluteela ti bwabu kilumbu ki Mfumu kitudidi. Ni baluteela wo bonso mbikudulu, mu nzonzolo hoti bonso mukanda wufumuni ku yeto, lukwikilandi wo ko. Kaluhunukandi ku muntu mu mutindu nakani wumosi ko. Mu dyambu ti kilumbu bekyokyo kyaakitudila ko tekila bantu babisa mu bwesa kwikila Nzambi, mpe tekila muntu wumbalu kayenika, yondowo wuna kwenda mu zimbala. Muntu bewowo waanwanisa bima bimvimba bebyobyo bikwe fukiminanga bantu na bi bakwe bongilanga bonso Nzambi. Waanwanisa bima bimvimba bebyobyo natee bu kaakwenda zakala mu nzo-Nzambi, mu kibika yandi bende Nzambi.
A glória da segunda vinda
Cristo voltará nas nuvens, com poder e grande glória. Os mortos em Cristo ressuscitarão, e os vivos serão arrebatados para encontrá-lo nos ares.
Ha yuwakana mbembo yingolo yi ntumunu na ndinga yi nkuluntu yi zimbazi, mpe muningu wu kulumenta di Nzambi, Mfumu yandi bende waakulumuka tuuka ku yulu mpe bantu bebobo bafwa mu Klisto baateka fuluka mu bafwa. Mboki yeto twaaba bamoyo mu ntangu beyoyo, baatunata ha kimosi nawu mu matuti mu bwana Mfumu ku yulu, mpe twaaba na Mfumu ntangu zimvimba.
Kansi mu bilumbu bebyobyo kwandi, ku manima ma mpasi zibubu, ntangu yaabwesa lezima ko, ngonda yaabwesa kyenzola ko, na zimbwetete ku yulu zaasotoka na bima bii na lulendo mu mazulu byaaningana. Ni hahoho baayenina Mwana Muntu, wuna kwiza mu matuti mu lulendo lwandi lumvimba na nkembo andi yimvimba. Buna waatambika mbazi zandi na waayonzika yobobo baakasoodidi mu ndambu ziya zi nza, baafuma ku sukina nza natee ku sukina yulu.
Mu ntangu yaakwiza Mwana Muntu mu nkembo andi, ha kimosi na zimbazi zimvimba, waazakala ha kyandu ki kintinu kyandi kinkembo. Makanda mamvimba ma bantu ma ha butoto maayonzama ha ntadisi andi, na waahambisa mu ndambu zole bonso mimvungi bu mikwe hambisilanga mameme na zinkombo, waatuula mameme ku kooko kwandi ku lubakala, na zinkombo ku kooko kwandi ku lumoso.
Mboki nayena mazulu mazibuka na mpunda yimosi yimpembe yiyenika. Yondowo wuba wuzakala ha yulu andi, nkumbu andi Kwikama na Kedika, kwe fundisanga na kwe nwananga mvita mu lunungu. Meso mandi maa bonso tiya tuna pyala milaka, ha yulu mutu andi, mpu zizingi zi kintinu ziba hoho. Yandi wuba na nkumbu yisonama yilembolo zaba muntu tala ti ka yandi bende kaka ko. Wulwata kiyunga kibavwengi mu menga, mpe nkumbu andi «Mambu ma Nzambi.» Mpumbu yi zimbulu-mbulu yi mazulu, yedi kwe mulandi mu yulu zimpunda zimpembe, yiba yilwata milele mintalu mi lino mimpembe na mivedila. Mu munwa andi muduuka mbele yimeeno yiyila yi kaasembila zinsi. Yandi waaba munkengi awu na muhangu wukisengo ha kooko, yandi waakamuna mbutu zi vinu mu kikamununu ki nganzi zi Nzambi, Mfumu yi lulendo lumvimba. Ha yulu kiyunga kyandi na ha yulu bunda dyandi, nkumbu yimosi yisonama ti: «Ntinu yi zintinu na Mfumu yi zimfumu».
Kedika, wonso muntu waayena nsoni mu meno na mu mambu mani, buna Mwana Muntu mpe mbo kamuyenina nsoni mu ntangu yi kaavutuka mu nkembo andi, mu mukembo wu Tata andi na wu zimbazi zi longo.
Vivendo na expectativa
A certeza do retorno de Cristo nos chama a viver em santidade, aguardando novos céus e nova terra onde habita a justiça.
Mpangi zani zizola, kuu na musamu wu lulendi zimbakana ko. Mu dyambu ti ha meso ma Mfumu, kilumbu kimosi kii bonso funda di mimvu (1000), mpe funda di mimvu (1000) dii bonso kilumbu kimosi. Mfumu kana zingila mu lungisa nsilulu andi ko, bonso buna banzila wo bahiika. Kansi kwe vibidilanga mu dyambu dyeno, mu dyambu ti katiidi ko nakani wumosi kahombila, mpe yandi tiidi ti bamvimba babaka ntangu ye vilula madyela.
Bwabu kilumbu ki Mfumu kyaakwiza bonso mwivi. Mu kilumbu bekyokyo, yulu dyaazimbala na lusuku lulunene, bima bi ku yulu byaahya na byaafuukusu, mpe butoto na bima byandi bimvimba, byaafuukusu mu tiya.
Budidi ti bima bimvimba bobo byaazimbidila, zaabeeno bwedi lufweti natina luzingu lweno. Bika ndyatulu eno yiba yilongo mpe luba bakangama mu Nzambi. Lufweti kingila, mpe seeno ti kilumbu ki Mfumu kiiza mu muswalu. Mu kilumbu bekyokyo, yulu dyaahya, dyaanyengoso na bima bii ku yulu byaasulumuka mu mbangasi yi milaka mi tiya. Kansi bonso Nzambi katusila nsilulu, tuna kingila, mazulu mamoona na butoto bumoona, koo kwaaba lunungu.
Bantu bakwe fwanga nkumbu yimosi kaka. Ku manima, bafundusu ku Nzambi. Bumosi mpe Klisto bamuhaana bonso munkayulu nkumbu yimosi mu katula masumu ma bantu babingi. Waayenika nkumbu yinzole, ka mu katula masumu ko, kansi mu haana mpulusu ku bantu bana mukingila.