A volta de Jesus
A volta de Jesus é uma das maiores promessas da Bíblia. Cristo prometeu que retornará em glória, e os cristãos vivem na expectativa desse dia triunfante.
A promessa do retorno
Jesus prometeu aos discípulos que voltaria. Os anjos confirmaram essa promessa na ascensão, e os apóstolos ensinaram que Ele virá com poder.
मोरिक बाबक घरेम रना ठाउँ बहुत्ते बा। यदि ओसिक नै रहत कलेसे, मै तुहुरिन्हे नै कतुँ, कि तुहुरिन्के लग ठाउँ तयार पारे जाइतुँ। तब् जाके मै तुहुरिन्के लग ठाउँ तयार पारके सेकके मै फेनदोस्रे अइम। और तुहुरिन्हे मोरिक संग रहक लग लैजिम, और मै जहाँ बतुँ, वहाँ तुहुरे फेन रबो।
येशू यी बात बट्वाके सेक्लाँ ते, ओइने हेर्ती-हेर्ती परमेश्वर येशूहे स्वर्गमे उठालेलिन। और बद्रिक कारण तबसे ओइने येशूहे देखे नै सेक्लाँ। और हुँकार जैती रहल समयमे जब ओइने आकाश ओहोँर हेरतिहिँत, तब् एकफाले उज्जर लुग्गा घालल दुईथो स्वर्गदूत ओइन्के लग्गे ठरह्यागिलिन। और ओइने कहे लग्लाँ, "हे गालील प्रदेशके मनै, तुहुरे काकरे ठरह्याके आकाश ओहोँर हेरतो? यहे येशू, जिहिहे परमेश्वर तुहुरिन्के थेनसे स्वर्गमे लैगिल बताँ, ऊ ठिक अस्तेहेँके फेनदोस्रे अइहीँ, जसिके तुहुरे हुँकिन्हे स्वर्गमे जाइत देख्लो।"
यी बातके गवाही देहुइया येशू कहतताँ, "पक्कै फेन मै झत्तेहेँ आइतुँ।" मै यूहन्ना जवाफ देनु, "आमेन! (यकर मतलब हुइत, अस्तेहेँ होए।) हे प्रभु येशू, आई!"
तब प्रभु येशू कलाँ, "हेरो, मै झत्तेहेँ अइम। हरेक मनैनहे ओइन्के कर्लक काम अनुसार मै ओइन्हे ईनाम या दण्ड देहक लग आइतुँ।
Os sinais e o momento
Ninguém sabe o dia nem a hora. Jesus alertou sobre falsos sinais e nos chamou à vigilância constante, pois Ele virá como ladrão na noite.
येशू कलाँ, "यी बात कोन दिन और कब हुई कहिके केऊ फेन नै जानत, ना ते स्वर्गदूतनके, और ना ते मै छावा। पर बाबाहे किल उ दिन और उ समय पता बतिस। जब मै, मनैयक छावा अइम, तब असिन हुई जसिके नोअक समयमे हुइल रहे। काकरेकी जसिके जलप्रलयसे आघे नोआ जहाजमे पैँठ्ना दिनसम, मनै खाइतिहिँत, पिअतिहिँत और भोजव्यहा करतिहिँत। तब् जलप्रलय आके ओइन् सक्कुहुनहे स्वात्तै नै पुहाइतसम ओइने पतै नै पैलाँ। मै, मनैयक छावक आगमन फेन ओस्तेके हुई।
"यी बात कोन दिन और कब हुई, यी केऊ फेन नै जानत, ना ते स्वर्गदूतनके, ना मै छावा। पर बाबाहे किल उ दिन और उ समय पता बतिस।
पर हे मोरिक विश्वासी भैयो, तुहुरिन्हे प्रभु येशू फेनदोस्रे फिर्ता अइहीँ कना बारेमे लिख्ना जरुरी नै हो। काकरेकी तुहुरे मजासे जन्थो, कि प्रभुक दिन ओस्तेके आई, जसिके रातके चोरवा आइत। जब मनै कहे भिरल रहिहीँ कि सक्कु चिज मजै बा, और कौनो संकट नै हो। तब उ समयमे एकफाले ओइने बरवार दुःखके अनुभव करहीँ। यी ओस्तेहेँके एकफाले हुई, जसिके कौनो एकथो पैनाहाँ जन्नी मनैयाहे एकफाले बेथा लागजिथिस। और ओइने उ बरवार दुःखसे बँचे नै सेक्हीँ।
तबेकमारे जागल रहो, काकरेकी कोन दिन तुहुरिन्के प्रभु आई, उ तुहुरे नै जन्थो। पर यी जानो, कि घरक मलिक्वा चोरवा रातिक कोन समयमे आई कहिके जानल रहत कलेसे, उ जागल रना रहे और अपन घर नै फोरे देना रहे। तबेकमारे तुहुरे फेन तयार रहो। काकरेकी मै, मनैयक छावा तुहुरिन्के नै सोँचल समयमे अइम।"
हे मोरिक विश्वासी भैयो, हम्रिहिन्हे अपन प्रभु येशू ख्रीष्टके फिर्ता अइना बारेमे और उ समयक बारेमे तुहुरिन्से कुछु कना बा, जब हम्रे एक्के संग हुँकिन्से भेँटा हुइबी। यदि तुहुरे सुन्थो कि प्रभुक दिन पैलेहेँ आसेकल बा कलेसे अपन विचारमे महा सहजिलसे घब्रा ना जैहो। काकरेकी केऊ असिन एकथो अगमवाणीक रुपमे या एकथो सन्देशके रुपमे या एकथो कौनो चिट्ठीमे असिक कहे सेकत जसिके कि ऊ हमार थेनसे आइल बा। उ सक्कु गलत बातमे विश्वास ना करो, जोन बातके बारेमे मनै तुहुरिन्हे बताइतताँ। काकरेकी प्रभु येशूक फिर्ता अइनासे पहिले एकथो असिन समय आई। जब बहुत्ते मनै परमेश्वरके विरोधमे विद्रोह करहीँ। और उ दुष्ट मनैया देखा परी, जिहिहे परमेश्वर पक्कै नरकमे नाश करहीँ। उ दुष्ट मनैया परमेश्वरके विरोध करी, और दोसुर सक्कु चिजके फेन विरोध करी, जेनके मनै आराधना करथाँ, और परमेश्वरके रुपमे मन्थाँ। और ऊ अपनहे यी सक्कुहुनसे भारी मानी। और उ दुष्ट मनैया परमेश्वरके मन्दिरमे बैठी। और ऊ मनैनके थेन अपनहे परमेश्वर हुइतुँ कहिके कही।
A glória da segunda vinda
Cristo voltará nas nuvens, com poder e grande glória. Os mortos em Cristo ressuscitarão, e os vivos serão arrebatados para encontrá-lo nos ares.
काकरेकी प्रभु येशू ख्रीष्ट अप्निहीँ स्वर्गमेसे उत्रिहीँ। उ समयमे येशू बरवार आवाजमे आदेश दिहीँ, और प्रधान स्वर्गदूत जोरसे बोली, और परमेश्वरके तुरही फुँकजाजाई। और पहिले ओइने जित्ती होके उठ्हीँ, जोन विश्वासीन मुसेकल बताँ।
तब् हम्रे जेने जित्ती और बँचल रबी, हम्रे फेन ओइन्के संग बद्रीमे उठाजिबी। और हमार भेँटा आकाशमे प्रभु येशूसे हुई, और उ समयसे सदादिन हम्रे प्रभुक संग रबी।
"उ दिनमे डरलग्तिक संकटके समय ओराके सेकी ते सूर्य और जोन्ह्याँ ओजरार देहे छोरदिहीँ। तोरैँ आकाशमेसे गिरजिहीँ, और आकाशके सक्कु शक्ति यहोँरओहोँर डगमगाजिहीँ। तब् मै, मनैयक छावा बद्रीसे घेरल देखा परम। मै अपन स्वर्गीय शक्ति और चहकार महिमा देखैम। तब् मै, मनैयक छावा अपन स्वर्गदूतनहे पठैम, और ओइने ओइन्हे जमा करहीँ, जेनहे मै चुनल बतुँ। ओइने ओइन्हे हरेक ठाउँसे जमा करके पृथ्वीक हरेक भागमेसे लेके अइहीँ।"
येशू कलाँ, "जब मै, मनैयक छावा सारा स्वर्गदूतनके संग अपन महिमामे अइम। तब् मै सक्कु मनैनके न्याय करक लग अपन महिमामय सिंहासनमे बैठम। और मोरिक आघे सक्कु जातिन जमा हुइहीँ, और जसिके गोठाला छेग्री और भेँरीनहे अल्गाइत। ओस्तेके मै ओइन्हे एकथोहे दोसुरथेनसे अल्गैम। मै भेँरीनहे अपन दाहिन ओहोँर धारम, जेने धर्मी मनै हुइँत। और छेग्रीनहे अपन बाउँ ओहोँर धारम, जेने अधर्मी मनै हुइँत।
तब मै स्वर्गहे खुलल देख्नु और वहाँ एकथो उज्जर घोरवा रहे। ओकरमे सवार रहुइया परमेश्वरके विश्वासयोग्य और सच्चा सेबक हुइँत। एकथो धार्मिक तरिकासे ऊ अपन दुश्मननके न्याय करथाँ, और ओइन्के विरोधमे लड़ाई लरथाँ। हुँकार आँखी आगिक मोँजा हस चम्कतिहिन, और ऊ बहुत्ते मुकुट घालल रहिँत। और ओम्नेसे हुँकार एकथो नाउँ लिखल रहिन। पर उ नाउँक मतलब हुँकिन्हे किल पता बतिन। ऊ खुनमे बोरल लुग्गा घालल रहिँत, और हुँकार नाउँ "परमेश्वरके वचन" रहे। स्वर्गक बहुत्ते सेना हुँकार पाछेपाछे रहिन। ओइने उज्जर घोरवामे सवार हुइल रहिँत। और ओइने उज्जर मलमलके लुग्गा घालल रहिँत, जोन लुग्गामे एकथो फेन दाग नै रहे। हुँकार मुहेमेसे एकथो चोखुर तरवाल निकर्लिन, जिहिसे उ सक्कु जाति-जातिनहे हरादिहीँ। ऊ एकथो लोहक बर्छीलेके सक्कु मनैनके उप्पर राज करहीँ। और जे हुँकार अधिकारहे स्वीकार नै करी, ऊ ओइन्हे पूरा रुपमे दण्ड दिहीँ। ऊ सर्वशक्तिमान परमेश्वरके डरलग्तिक प्रकोपहे ओस्तेहेँके छोरदिहीँ, जसिके एकथो रसकुण्डमेसे अंगुरके रस बहत। हुँकार लुग्गा और जाँघेम "ऊ प्रभुनके प्रभु और रज्वनके फेन रज्वा हुइँत" कहिके लिखल बा।
यदि तुहुरे महिन्हे प्रभु मन्नासे अस्वीकार करबो और मोरिक शिक्षा यकर लग पालन नै करबो। काकरेकी तुहुरिन्हे डर बा कि यी जबानक पापी और व्यभिचारी मनै तुहुरिन्के मजाक उरैहीँ। तब् मै, मनैयक छावा फेन तुहुरिन्हे अस्वीकार करम कि तुहुरे मोरिक चेला हुइतो। जब मै अपन महिमा, बाबा परमेश्वरके महिमा और पवित्र स्वर्गदूतनके महिमक संग अइम।
Vivendo na expectativa
A certeza do retorno de Cristo nos chama a viver em santidade, aguardando novos céus e nova terra onde habita a justiça.
पर प्रिय हो, जात्तिकमे यी बात ना बिसराऊ, परमेश्वरके लग एक दिन हजार साल हस और हजार साल एक दिन हस रथिन। हुँकिन्हे एक दिन और एक हजार दिन सक्कु एक्के हस रथिन। कौनो मनै सोँच्थाँ कि प्रभु अपन फिर्ता अइना वाचा पूरा करनामे बेर करतताँ। पर प्रभु उ मेरसे बेर नै करथुइँत। बेन ऊ तुहुरिन्हे धैर्यता देखाइतताँ। काकरेकी ऊ केऊ फेन नाश ना होए कहिके चहथाँ। पर सक्कु जाने अपन मन बदलके पाप करे छोरदिँत कना ऊ चहथाँ।
पर ख्रीष्ट पक्कै फेन घुमके अइहीँ। ऊ चोरनके हस नै सोँचल समयमे फिर्ता अइहीँ। उ समयमे आकाशमे बरवार आवाज आई, और आकाश हेराजाई। आकाशमे रहल सूर्य, जोन्ह्याँ और तोरैयाँ आगीलेके पूरा रुपमे नाश होजिहीँ। उ दिन, मनैनके पृथ्वीमे कर्लक सक्कु काम ओइन्के न्याय करक लग परमेश्वर देखैहीँ।
यी बात पक्का बा कि परमेश्वर असिके सक्कु चिजहे नाश करदिहीँ। तुहुरिन्हे पता बा कि तुहुरिन्हे कसिके जीवन जिए परत। तुहुरिन्के व्यवहार और तुहुरिन्के करना सक्कु काम पवित्र और परमेश्वरहे खुशी बनैना हुई परत। तुहुरे उ दिनके प्रतिक्षा करेबेर, जब परमेश्वर संसारके न्याय करे अइहीँ, उ दिन झत्तेहेँ आए कहिके अपन सेक्ना कोशिस करो। उ दिन आगी बरी और आकाशहे नाश करदी, और आगीक आँचलेके आकाशमे रहल सक्कु चिज गलादी। पर हम्रे विश्वासीन परमेश्वरके वाचा कर्लक लावा स्वर्ग और लावा पृथ्वीक डगर हेर्थी। वहाँ सक्कु ठाउँ मनै परमेश्वरके इच्छा अनुसार जिथाँ।
हरेक मनैनहे एकचो मुए परना पक्का बा। और मुके सेकब ते परमेश्वर हरेक मनैनके न्याय करहीँ। ओस्तेहेँके बहुत्ते मनैनके पाप उठाके लैजाइक लग ख्रीष्ट अपनहे एकचो बलि करलाँ। और ऊ दोसुरचो फेनदोस्रे मनैनके पापके बलिदान हुइक लग नै अइहीँ। पर हुँकार डगर हेरके बैठुइयनहे बँचाइक लग अइहीँ।