Josué 14

10 Agus a-nis, feuch, ghlèidh an Tighearna mi beò, mar a thubhairt e, na còig agus an dà-fhichead bliadhna seo, eadhon o labhair an Tighearna am facal seo ri Maois, am feadh a dh’imich clann Israeil anns an fhàsach; agus a-nis, feuch, tha mi an-diugh ceithir-fichead agus còig bliadhna a dh’aois.

11 Fhathast tha mi cho làidir an-diugh is a bha mi anns an là anns an do chuir Maois uaithe mi: mar a bha mo neart an sin, mar sin tha mo neart a-nis, a-chum cogaidh, agus a dhol a-mach, agus a theachd a-steach.