3 Tulabika ikyela mu kanwa kakwa kabalwe pakwebati alekukita efyo tukofwaya. Nga twakitefi tulalenga kabalwe ukuya konse uko tukofwaya. 4 Tontonkanyeni pali kibwange ikyenda pali bemba. Nangu kikule shani, kabili nangu kisendwe ne kipuupu ikyakukosa shani, kipindululwa fye kuli kankafi akanini, no kuya konse uko kyoba wa bwange akofwaya ati kiye. 5 Ululimi nalo efyo lwaba. nangu lwaliba akapande ka mubili akanini, lulailumba ati lulakita ifyakusungusha.

Tontonkanyeni efyo impanga iinkulu balayokya fye ku kamulilo akanini. 6 Ulumini nalo lwaliba kubati mulilo. Pa filundwa fya mibili yesu, ulumini lwaliba kubati kyalo ikyaisulamo ububi bonse, lulasalanganya ububi mu mubili onse. Lulabyala umulilo mu bumi bwesu bonse ubwa pano kyalo kabili lwena lulafumya uyu mulilo ku mulilo ku gehena. 7 Umuntu kuti ateeka inama sha mpaanga, ifyuni, ifikulika pa mushili ne sabi ukuba ifitekwa fya mu mushi. Nakuba tulafiteeka fyonse ifi. 8 Lelo takungaba uwinganasha ulumini. Lwena taluupema pa bubi, lwalisulamo no busungu ubwipaya.