Ang pagsamsam sa Juda. Ang Panginoon ay hindi kaaway na dapat katakutan.
1 At sinabi ng Panginoon sa akin, Kumuha ka ng malapad na tabla, at Is. 30:8;Hab. 2:2.sulatan mo ng panulat ng tao, Kay Maher-salalhash-baz;
2 At magdadala ako ng mga tapat na saksi upang mangagpaalaala, si 2 Hari 16:10.Urias na saserdote, at si Zacarias na anak ni Jeberechias.
3 At ako’y naparoon sa propetisa; at siya’y naglihi, at nanganak ng isang lalake. Nang magkagayo’y sinabi ng Panginoon sa akin, Tawagin mo ang kaniyang pangalan na Maher-salalhash-baz.
4 Sapagka’t bago ang anak ay Is. 7:16.matutong dumaing ng, Ama ko, at: Ina ko, ang mga kayamanan ng Is. 7:8,9.Damasco at ang samsam sa Samaria ay dadalahin sa harap ng hari ng Asiria.
5 At nagsalita pa ang Panginoon uli sa akin, na nagsasabi,
6 Yamang tinanggihan ng bayang ito ang tubig ng Neh. 3:15;Juan 9:7.Siloe na nagsisiagos na marahan, at siya’y nagagalak Is. 7:1,4.kay Rezin at sa anak ni Remalias;
7 Ngayon nga, narito, iniaahon ng Panginoon sa kanila ang tubig ng Ilog, malakas at marami, sa makatuwid baga’y ang hari sa Asiria at ang buo niyang kaluwalhatian: at siya’y aahon sa lahat niyang bangbang, at aapaw sa buo niyang baybayin:
8 At magpapatuloy sa dako ng loob ng Juda; aapaw at lalampas; Is. 30:28.aabot hanggang sa leeg; at ang laganap ng kaniyang mga pakpak ay siyang magpupuno ng kaluwangan ng iyong lupain, Is. 7:14.Oh Emmanuel.
9 Kayo’y magsamasama, Oh mga bayan, at kayo’y mangagkakawatakwatak; at kayo’y mangakinig, kayong lahat na taga malayong lupain: mangagbigkis kayo, at kayo’y mangagkakawatakwatak; kayo’y mangagbigkis, at kayo’y mangagkakawatakwatak.
10 Mangagsanggunian kayo, at yao’y mauuwi sa wala; mangagsalita kayo ng salita at hindi matatayo: Is. 7:14;Gawa 5:38,39;Rom. 8:31.sapagka’t ang Dios ay sumasaamin.
11 Sapagka’t ang Panginoon ay nagsalitang ganito sa akin na may malakas na kamay, at tinuruan ako na huwag lumakad ng lakad ng bayang ito, na sinasabi,
12 Huwag ninyong sabihin, Pagbabanta; tungkol sa lahat na sasabihin ng bayang ito, Pagbabanta, o 1 Ped. 3:14,15.huwag mang mangatakot kayo ng kanilang takot, o mangilabot man doon.
13 Ang Panginoon ng mga hukbo, Blg. 20:12.siya ang inyong aariing banal; at Luc. 12:5.sumakaniya ang inyong takot, at sumakaniya ang inyong pangingilabot.
14 At Is. 11:16.siya’y magiging pinakasantuario; nguni’t Rom. 9:33.pinakabatong katitisuran at pinaka malaking batong pangbuwal sa dalawang sangbahayan ng Israel, na Awit 69:22.pinakabitag at pinakasilo sa mga nananahan sa Jerusalem.
15 At marami ang mangatitisod doon, at mangabubuwal, at mangababalian, at mangasisilo, at mangahuhuli.
16 Talian mo ang patotoo, tatakan mo ang kautusan sa gitna ng aking mga alagad.
17 At aking hihintayin ang Panginoon na Is. 54:8.nagkukubli ng kaniyang mukha sa sangbahayan ni Jacob, at aking Hab. 2:3.hahanapin siya.
18 Narito, Heb. 2:13.ako at Is. 7:3.ang mga anak na ibinigay ng Panginoon sa akin ay mga Is. 7:14.pinakatanda at Zac. 3:8.pinaka kababalaghan sa Israel na mula sa Panginoon ng mga hukbo, na tumatahan sa bundok ng Sion.
Masasamang espiritu at manghuhula ay sinumpa.
19 At pagka kanilang sasabihin sa inyo, 2 Hari 23:24.Hanapin ninyo silang nakikipagsanggunian sa masamang espiritu at mga manghuhula, na Is. 29:4.nagsisihuni at nagsisibulong; Is. 44:25.hindi ba marapat na sanggunian ng bayan ang kanilang Dios? 1 Sam. 28:11-14;Awit 106:28.dahil baga sa mga buháy ay sasangguni sila sa mga patay?
20 Luc. 16:29.Sa kautusan at sa patotoo! 1 Juan 4:6.kung hindi sila magsalita ng ayon sa salitang ito, Mik. 3:6.tunay na walang umaga sa kanila.
21 At sila’y magsisidaan doon, na nahihirapan at gutom: at mangyayari, na pagka sila’y mangagugutom, sila’y mangagagalit, at Apoc. 16:9,11,21.magsisisumpa alangalang sa kanilang hari at sa kanilang Dios, at ititingala nila ang kanilang mga mukha:
22 At Is. 5:30.sila’y titingin sa lupa, at, narito, kahirapan at kadiliman, Is. 9:1.ulap ng kahapisan, at sa salimuot na kadiliman ay itataboy sila.