1 ✝यार्देनना तिकडे उगवतीले आर्णोन खोरापाईन हर्मोन पर्वतपावोत ज्या देश इस्त्राएल लोकेसनी लढीसनं काबीज कर; त्यासना राजासना नाव हया शेतस; 2 आर्णोन खोरानं कडाले अरोएर नगरपाईन अनी त्याच खोरामां मजारमाईन अम्मोनी लोकेसना सीमावर यब्बोक नदीपावोत ज्या आर्धा गिलादवार, 3 अनी पुर्वेले किन्नेरोथ सरोवरपाईन बेथ-याशिमोथना वाटवरला सपाटीपावोत म्हणजे क्षारसमुद्रपावोत ज्या प्रांत अनी दक्षिणले पिसगाना उतरतीपावोत बठा परदेश यासवर अमोर्‍यासना राजा हेशबोननिवासी सीहोन यानी सत्ता व्हती;

4 अवशिष्ट राहेल रेफाई लोकेसमाधला बाशानना राजा ओग, हावु अष्टरोथ अनी एद्रई आठे राहे; 5 हर्मोन पर्वत, सलका, गशुरी अनी माकाथी यासना सीमापावोत बठा बाशान प्रांत अनी हेशबोनना राजा सीहोन याना मुलूखनी सीमा आठेपावोत त्यानी सत्ता आर्धा गिलादवर व्हती.

6 ✝परमेश्वरना सेवक मोशे अनी इस्त्राएल लोक यासनी त्याना मोड करं व्हतं; अनी परमेश्वरना सेवक मोशे यानी त्याना देश रऊबेनी, गादी अनी मनश्शाना आर्धा वंश यासले वतन करी दिद व्हत.

7 यार्देनना पश्चिमले लबानोन खोरामां बालगादपाईन सेईराले जाणारा घाटमां हालाक पर्वतपावोत ज्या राजासना देश व्हतात अनी ज्यासले यहोशवा अनी इस्त्राएल लोक हयासनी मारं त्यासना नावे हया शेतस; हया देश यहोशवानी इस्त्राएल लोकेसना वंशप्रमाणे अनी विभागप्रमाणे त्यासले वतनदाखल वाटी दिधात. 8 हित्ती, अमोरी, कनानी, परिज्जी, हिव्वी, यबूसी हया डोंगराळ परदेश, तळवट अराबा, उतरण, रान अनी दक्षिण देश यामा राही राहिंतात. 9 यरीहोना राजा एक, बेथेलना बाजुले ज्या आय नगर त्याना राजा एक, 10 यरुशेलमना राजा एक, हेब्रोनना राज एक, 11 यर्मुथना राजा एक, लाखाशीना राजा एक, 12 एग्लोनना राजा एक, गेजेरना राजा एक, 13 दबीरना राजा एक, गेदेरना राजा एक, 14 हर्माना राजा एक, अरादना राजा एक, 15 लिब्नाचा राजा एक, अदुल्लामना राज एक, 16 मक्केदाना राजा एक, बेथेलना राजा एक, 17 तप्पुहाना राजा एक, हेफेराना राजा एक, 18 अफेकना राजा एक, लशारोनना राजा एक, 19 मादोनना राजा एक, हासोरना राजा एक, 20 शिम्रोनमरोनना राजा एक, अक्षाफाना राजा एक, 21 तानखाना राजा एक, मगिद्दोनना राजा एक, 22 केदेशाना राजा एक, कर्मेलाना जोडेना यकनामाना राजा एक, 23 दोरना डोंगरळवटीमाधला दोरना राजा एक, गिलगालना राष्ट्रना राजा एक, 24 तिरसाना राजा एक; हया बठा राजा एकुण एकतीस व्हतात.