Lucas 1

Mɛlɛka ka Yuhana mɛn ye mɔɔ sunna ji rɔ sɔrɔn ko fɔ

5 Waati wo rɔ, Herodi tɛrɛ ye Jude maratiiyala. Wo tuma, sarakalasela do tɛrɛ ye, mɛn tɔɔ ko Sakariya. A tɛrɛ ye Abija la sarakalasela dɛkuru le rɔ. A muso, Elisabɛti, fanan tɛrɛ sarakalasela kuntiiba Haruna bɔnsɔn de ri. 6 Sakariya ni a muso, ii fila tɛrɛ ye mɔɔ telennin de ri Alla ɲakɔrɔ. Ii tɛrɛ ye Maari Alla la sariyailu ni jamari bɛɛ bonyala.