1 Nba, Romu mansaba Tiberi la mansaya san tan ni looluna, Ponse Pilate tɛrɛ ye Jude mara kun na, ni Herodi tɛrɛ ye Kalile mara kun na, ni a kɔrɔcɛ Filipe tɛrɛ ye Iture ni Tirakoniti marailu kun na, a ni Lisaniyasi tɛrɛ ye Abilɛni mara kun na. 2 Anasi ni Kayifasi tɛrɛ ye sarakalasela kuntiibaya la.

Wo tuma, Alla ka a la kuma lase Sakariya dencɛ Yaya ma wula kɔndɔ. 3 Yaya wulira wo rɔ, ka wa kawandili kɛ Juridɛn Ba fan do rɔ. A ka a fɔ mɔɔilu yɛ ko ii ye sun ji rɔ tubi kanma, sa Alla ri yafa ii julumun dɔ. 4 Wo kɛra ikomin keladen fisamante Esayi ka a sɛbɛ ɲa mɛn ma ko:

«Mɔɔ do ri na a kan nabɔ wula kɔndɔ

ka a fɔ mɔɔilu yɛ ko ii ye sila ba rabɛn Maari yɛ,

ka ban ka sila denni bɛɛ latelen a yɛ.

5 Dinban kɔndɔla bɛɛ ye lafa.

Koyinkɛ ni tindi bɛɛ ye rakanya.

Sila rakundunilu ye latelen.

Sila juu ye rabɛn ka nunku.

6 Wo wa kɛ, adamadenilu bɛɛ ri Alla la kisi ko yen.»

7 Jama tɛrɛ ye nala Yaya ma sun ji rɔ kanma. A ka a fɔ doilu yɛ ko: «Aileilu fɔnfɔnni, yon ka Alla la kititɛɛ ɲafɔ ai yɛ? 8 Ai ye kɛwali kɛ ikomin jiri den mɛn da yiraka ko ai tubini. Ai kana a fɔ ai jɛrɛ yɛ ko ‹Iburahima ye an fa le ri.› Baa n ye a fɔla ai yɛ ko Alla ri se kaba ɲin kɛla Iburahima denilu ri. 9 Sisɛn, teran da wuli jiri lulu tɛɛ kanma. Jiri mɛnilu tɛ den ɲuma kɛla, woilu bɛɛ ri tɛɛ ka lafili ta rɔ.»

10 Mɔɔilu ka Yaya maɲininka ko: «An ye nfen de kɛ wo rɔ?» 11 Yaya ka ii jabi: «Duruki kɔrɔbila fila ye mɛn bolo, wo ye fɛriyatɔ sɔ duruki kelen na. Dɔɔnin fen tii, wo fanan ye mɔɔ sɔ wo ɲa ma.» 12 Niisɔnkɔmirala doilu fanan nani sun ji rɔ kanma. Ii ka Yaya maɲininka ko: «Karanmɔɔ, an ye nfen de kɛ wo rɔ?» 13 A ka a fɔ ii yɛ ko: «Ai ka kan ka jate mɛn mira mansa yɛ, ai ye dan wo ma. Ai kana foyi la wo kan.» 14 Tɛsidi doilu fanan nara a maɲininka ko: «Andeilu don? Andeilu ka kan ka nfen de kɛ wo rɔ?» A ka ii jabi: «Ai kana mɔɔ bolofen si mira a la fanka la. Ai kana maborili kɛ wuya la fanan. Ai ye ai wasa don ai sara rɔ.»

15 Ii bɛɛ tɛrɛ ye imirila ii jusu rɔ ko: «Mɔɔ Ɲenematɔmɔnin mɛn ko fɔni, Yaya le wo ri wo rɔ wa?» Baa, mɔɔilu tɛrɛ ye wo kisiba makɔnɔla. 16 Ka bɛn ii miriya wo ma, Yaya ka a fɔ ii yɛ ko: «Nde ye ai sunna ji rɔ, kɔni dogbɛrɛ natɔ n kɔ, mɛn fanka ka bon n ta ri. Hali ka n birin ka a la sanbara julu fulen a yɛ, wo ka bon nde ma. Ale natɔ ai sunna Alla la Nii Sɛniman de rɔ, a ni ta! 17 A la fɛrɛ ye a bolo, a ri a la sɛnɛ suman bu ni a fofo ni a kisɛ bɔ a ɲɔɔn dɔ fɛrɛ mɛn na. A wa wuli wo baara kanma, a ri binbiriba kisɛ ni a bu bɔ ɲɔɔn dɔ. A ri binbiriba kisɛ kɛ bondon kɔndɔ, ka ban ka bu bɛɛ janin ta la. Ta wo ye ta sabali ri, mɛn tɛ ban habadan.» 18 Yaya ka fen siyaman fɔ ii yɛ, ka ii kawandi, ka Alla la kibaro ɲuma lase ii ma.

19 Yaya ka jamanatii Herodi jalaki fanan, ka a masɔrɔn a tun da a kɔrɔcɛ muso Herodiyasi mira a la. Yaya ka Herodi jalaki kojuu siyaman dɔ. 20 Jalakili wo gbara Herodi la, fɔɔ ka Yaya mira ka a bila kaso la. Herodi ka kojuu kɛ wo rɔ, ka wo fanan la a la kojuu tɔilu bɛɛ kan.

21 Mɔɔilu ye nala sun ji rɔ kanma tuma mɛn na, Isa fanan nara a sun diya ji rɔ*. Ka Isa to Alla matarala sun ji rɔ diya ye, sankolo lakara. 22 Alla la Nii Sɛniman jiira a kan kanba sawura rɔ. Kumakan do bɔra sankolo rɔ ka a fɔ ko: «N niikan dencɛ le i ri. I duman n yɛ kosɛbɛ!»

23 Isa bɔra sun ji rɔ diya ka a la baara damira. Wo ka a tɛrɛn a ra san bisawa (30) ɲɔɔn sɔrɔn. Mɔɔilu tɛrɛ a jatela Yusufu dencɛ le ri.

Yusufu tɛrɛ Heli dencɛ le ri.

24 Heli tɛrɛ Matati dencɛ le ri.

Matati tɛrɛ Lebi dencɛ le ri.

Lebi tɛrɛ Mɛlɛki dencɛ le ri.

Mɛlɛki tɛrɛ Janayi dencɛ le ri.

Janayi tɛrɛ Yusufu dencɛ le ri.

25 Yusufu tɛrɛ Matatiyasi dencɛ le ri.

Matatiyasi tɛrɛ Amɔsi dencɛ le ri.

Amɔsi tɛrɛ Nahɔmu dencɛ le ri.

Nahɔmu tɛrɛ Esili dencɛ le ri.

Esili tɛrɛ Nakayi dencɛ le ri.

26 Nakayi tɛrɛ Maati dencɛ le ri.

Maati tɛrɛ Matatiyasi dencɛ le ri.

Matatiyasi tɛrɛ Semi dencɛ le ri.

Semi tɛrɛ Joseki dencɛ le ri.

Joseki tɛrɛ Joda dencɛ le ri.

27 Joda tɛrɛ Jowanan dencɛ le ri.

Jowanan tɛrɛ Resa dencɛ le ri.

Resa tɛrɛ Serobabɛli dencɛ le ri.

Serobabɛli tɛrɛ Selatili dencɛ le ri.

Selatili tɛrɛ Nɛri dencɛ le ri.

28 Nɛri tɛrɛ Mɛlɛki dencɛ le ri.

Mɛlɛki tɛrɛ Adi dencɛ le ri.

Adi tɛrɛ Kosamu dencɛ le ri.

Kosamu tɛrɛ Elimadama dencɛ le ri.

Elimadama tɛrɛ Eri dencɛ le ri.

29 Eri tɛrɛ Josuwe dencɛ le ri.

Josuwe tɛrɛ Eliyɛsɛri dencɛ le ri.

Eliyɛsɛri tɛrɛ Jorimu dencɛ le ri.

Jorimu tɛrɛ Matati dencɛ le ri.

Matati tɛrɛ Lebi dencɛ le ri.

30 Lebi tɛrɛ Simeyɔn dencɛ le ri.

Simeyɔn tɛrɛ Juda den de ri.

Juda tɛrɛ Yusufu dencɛ le ri.

Yusufu tɛrɛ Jonamu dencɛ le ri.

Jonamu tɛrɛ Eliyakimu dencɛ le ri.

31 Eliyakimu tɛrɛ Mɛliya dencɛ le ri.

Mɛliya tɛrɛ Mɛna dencɛ le ri.

Mɛna tɛrɛ Matata dencɛ le ri.

Matata tɛrɛ Natan dencɛ le ri.

Natan tɛrɛ Mansa Dawuda dencɛ le ri.

32 Mansa Dawuda tɛrɛ Jɛsɛ dencɛ le ri.

Jɛsɛ tɛrɛ Obedi dencɛ le ri.

Obedi tɛrɛ Bɔwasi dencɛ le ri.

Bowosi tɛrɛ Salimɔn dencɛ le ri.

Salimɔn tɛrɛ Nasɔn dencɛ le ri.

33 Nasɔn tɛrɛ Aminadabu dencɛ le ri.

Aminadabu tɛrɛ Adimɛn dencɛ le ri.

Adimɛn tɛrɛ Arini dencɛ le ri.

Arini tɛrɛ Hɛsirɔn dencɛ le ri.

Hɛsirɔn tɛrɛ Pɛrɛsi dencɛ le ri.

Pɛrɛsi tɛrɛ Juda dencɛ le ri.

34 Juda tɛrɛ Yakuba dencɛ le ri.

Yakuba tɛrɛ Isiyaka dencɛ le ri.

Isiyaka tɛrɛ Iburahima dencɛ le ri.

Iburahima tɛrɛ Tera dencɛ le ri.

Tera tɛrɛ Nahori dencɛ le ri.

35 Nahori tɛrɛ Seruki dencɛ le ri.

Seruki tɛrɛ Rakawu dencɛ le ri.

Rakawu tɛrɛ Falɛki dencɛ le ri.

Falɛki tɛrɛ Ebɛri dencɛ le ri.

Ebɛri tɛrɛ Sala dencɛ le ri.

36 Sala tɛrɛ Kanaan dencɛ le ri.

Kanaan tɛrɛ Arifasadi dencɛ le ri.

Arifasadi tɛrɛ Sɛmu dencɛ le ri.

Sɛmu tɛrɛ Nuhan dencɛ le ri.

Nuhan tɛrɛ Lamɛki dencɛ le ri.

37 Lamɛki tɛrɛ Metusalemu dencɛ le ri.

Metusalemu tɛrɛ Enɔki dencɛ le ri.

Hanɔki tɛrɛ Yarɛdi dencɛ le ri.

Yarɛdi tɛrɛ Mahalalɛli dencɛ le ri.

Mahalalɛli tɛrɛ Kenan dencɛ le ri.

38 Kenan tɛrɛ Enosi dencɛ le ri.

Enosi tɛrɛ Sɛti dencɛ le ri.

Sɛti tɛrɛ Adama dencɛ le ri.

Adama tɛrɛ Alla dencɛ le ri.