Lemɛniya mɔɔilu ye karan ko mɛnilu ma
1 Kɔni ile la kumailu ye bɛn karan bɛrɛ le ma. 2 A fɔ mɔɔbakɔrɔilu yɛ, ko ii ye ii jɛrɛ mira, ka kɛ mɔɔ gbiliyaniilu ri, a ni mɔɔ koloniilu. Ii ye ii sɛɛbɛ don lemɛniya ni kaninteya ni tunadiya ma.
3 A fɔ muso kɔrɔilu fanan yɛ, ko ii tamanɲa ye bɛn Alla gbiliya ko ma. Ii kana kɛ mɔɔ tɔɔ tiɲanna ni dɔlɔ minnailu ri. Ii ye mɔɔilu karan koɲuma la 4 kosa ii ye se sunkurunilu makaranya ii cɛɛilu ni ii denilu kanin ɲa ma, 5 ka kɛ muso koloniilu ri, mɛnilu tola sɛninya rɔ, mɛnilu ye baarala denbaya rɔ, ii wɔnike ka ɲin, ka kolo ii cɛɛilu ma kosa mɔɔ si kana Alla la kuma lafɛya.
6 I ye kanberenilu fanan nalemɛniya wo ɲa ma, ko ii ye kɛ mɔɔ koloniilu ri. 7 Ile jɛrɛ ye kɛ misali ɲuma ri i kɛwali ɲumailu rɔ. I la karan ye kɛ kankelentiiya gbiliya rɔ. 8 I ye kuma bɛrɛilu fɔ, jalaki tɛ mɛnilu ri, kosa i kɛlɛɲɔɔilu ye maloya ka a masɔrɔn ii ti se kojuu si fɔla an na ko rɔ.