Awofoza ko Okame
1 Awino bane kokame bipu kasuse nekye-nekye, mamani awofoza kokame ba bose ipu kala. Aba wa foza kokame ko yase yishi, kweyi aba tawashu ka Adole ni ngmawa ni, bwebe koni aba yiyiwa ngmo ishi oye kponu. 2 Mamani ase nwashika ba bwowe bibi wa; kweyi ase shishini ba wa kela bibi ikweyi ko Owe ko Okwokwoshi ikweyi koza ni aba ya ni. 3 Awofoza kokame mani ba wa pya abola bwebe kokame ni aba ka dala ni, ikweyi koni aba yofa kiyo kese. Ino kepwo wa wiyinushu gbeji wa, kweyi ase ni ya yuwa ngmo ni ya gbola lo!
18 Aba kela ni gbikweyi lo ni ko zikweyi iso, aba yoko kpikpiye wa ko gyawase ni ba kwotu ko ngmabo shozalabi ni egya bwebe koza bibi kimu kikpiye. 19 Aba shokoyi ko ngmawa she eshe awa abiyiwa ke wawoshe ka arinya labi-oza noya gege ko shibita lo owo oshe nu la.