1 א וידבר יהוה אל משה לאמר
2 ב ביום החדש הראשון באחד לחדש תקים את משכן אהל מועד
3 ג ושמת שם את ארון העדות וסכת על הארן את הפרכת
4 ד והבאת את השלחן וערכת את ערכו והבאת את המנרה והעלית את נרתיה
5 ה ונתתה את מזבח הזהב לקטרת לפני ארון העדת ושמת את מסך הפתח למשכן
6 ו ונתתה את מזבח העלה לפני פתח משכן אהל מועד
7 ז ונתת את הכיר בין אהל מועד ובין המזבח ונתת שם מים
8 ח ושמת את החצר סביב ונתת את מסך שער החצר
9 ט ולקחת את שמן המשחה ומשחת את המשכן ואת כל אשר בו וקדשת אתו ואת כל כליו והיה קדש
10 י ומשחת את מזבח העלה ואת כל כליו וקדשת את המזבח והיה המזבח קדש קדשים
11 יא ומשחת את הכיר ואת כנו וקדשת אתו
12 יב והקרבת את אהרן ואת בניו אל פתח אהל מועד ורחצת אתם במים
13 יג והלבשת את אהרן את בגדי הקדש ומשחת אתו וקדשת אתו וכהן לי
14 יד ואת בניו תקריב והלבשת אתם כתנת
15 טו ומשחת אתם כאשר משחת את אביהם וכהנו לי והיתה להית להם משחתם לכהנת עולם--לדרתם
16 טז ויעש משה ככל אשר צוה יהוה אתו--כן עשה {ס}
17 יז ויהי בחדש הראשון בשנה השנית--באחד לחדש הוקם המשכן
18 יח ויקם משה את המשכן ויתן את אדניו וישם את קרשיו ויתן את בריחיו ויקם את עמודיו
19 יט ויפרש את האהל על המשכן וישם את מכסה האהל עליו מלמעלה--כאשר צוה יהוה את משה {ס}
20 כ ויקח ויתן את העדת אל הארן וישם את הבדים על הארן ויתן את הכפרת על הארן מלמעלה
21 כא ויבא את הארן אל המשכן וישם את פרכת המסך ויסך על ארון העדות--כאשר צוה יהוה את משה {ס}
22 כב ויתן את השלחן באהל מועד על ירך המשכן צפנה מחוץ לפרכת
23 כג ויערך עליו ערך לחם לפני יהוה--כאשר צוה יהוה את משה {ס}
24 כד וישם את המנרה באהל מועד נכח השלחן על ירך המשכן נגבה
25 כה ויעל הנרת לפני יהוה--כאשר צוה יהוה את משה {ס}
26 כו וישם את מזבח הזהב באהל מועד לפני הפרכת
27 כז ויקטר עליו קטרת סמים--כאשר צוה יהוה את משה {ס}
28 כח וישם את מסך הפתח למשכן
29 כט ואת מזבח העלה שם פתח משכן אהל מועד ויעל עליו את העלה ואת המנחה--כאשר צוה יהוה את משה {ס}
30 ל וישם את הכיר בין אהל מועד ובין המזבח ויתן שמה מים לרחצה
31 לא ורחצו ממנו משה ואהרן ובניו את ידיהם ואת רגליהם
32 לב בבאם אל אהל מועד ובקרבתם אל המזבח--ירחצו כאשר צוה יהוה את משה {ס}
33 לג ויקם את החצר סביב למשכן ולמזבח ויתן את מסך שער החצר ויכל משה את המלאכה {פ}
34 לד ויכס הענן את אהל מועד וכבוד יהוה מלא את המשכן
35 לה ולא יכל משה לבוא אל אהל מועד--כי שכן עליו הענן וכבוד יהוה מלא את המשכן
36 לו ובהעלות הענן מעל המשכן יסעו בני ישראל בכל מסעיהם
37 לז ואם לא יעלה הענן--ולא יסעו עד יום העלתו
38 לח כי ענן יהוה על המשכן יומם ואש תהיה לילה בו--לעיני כל בית ישראל בכל מסעיהם {ש}
1 耶和华告诉摩西说：
2 "正月初一日， 你要把会幕的帐幕竖立起来，
3 把法柜安放在里面， 用幔子把法柜遮盖。
4 把桌子搬进去， 摆上陈设物； 把灯台也搬进去， 把灯台上的灯盏点着。
5 把烧香用的金坛安放在法柜前， 挂上帐幕的门帘。
6 把燔祭坛安放在会幕的帐幕门口。
7 把洗濯盆安放在会幕和祭坛的中间， 把水盛在盆里。
8 又在周围竖立院子的幔幕， 把院子的门帘挂上。
9 你要拿膏油来， 抹帐幕和其中的一切器具， 使帐幕和帐幕的一切器具成圣， 就必成圣。
10 又要抹燔祭坛和坛上的一切器具， 使坛成圣， 坛就必成为至圣。
11 要抹洗濯盆和盆座， 使它成圣。
12 要把亚伦和他的众子带到会幕的门口来， 用水给他们洗身。
13 要把圣衣给亚伦穿上， 又膏抹他， 使他成圣， 可以作我的祭司。
14 你要把亚伦的儿子带来， 给他们穿上内袍。
15 要膏抹他们好像膏抹他们的父亲一样， 使他们可以作祭司服事我； 他们的膏抹使他们世世代代永远当祭司之职。"
16 摩西就这样作了； 凡是耶和华吩咐他的， 他都作了。
17 第二年正月初一日， 帐幕就竖立起来了。
18 摩西竖立起帐幕， 安上柱座， 放上木板， 安上横闩， 竖立柱子。
19 把罩棚铺在帐幕上面， 又把罩棚的上盖放在上面； 都是照着耶和华吩咐摩西的。
20 摩西拿了法版， 放在柜里， 把杠穿在柜的两旁， 把施恩座安放在约柜上面。
21 把约柜抬进帐幕里去， 挂上遮盖至圣所的幔子， 把法柜遮盖着， 是照着耶和华吩咐摩西的。
22 又把桌子安放在会幕里， 放在帐幕的北面， 幔子的外面。
23 在桌子上把陈设饼摆在耶和华面前， 都是照着耶和华吩咐摩西的。
24 摩西把灯台设立在会幕里， 在帐幕的南面， 与桌子相对。
25 在耶和华面前把灯盏点着， 是照着耶和华吩咐摩西的。
26 把金坛安设在会幕里， 幔子的前面；
27 在坛上焚烧芬芳的香， 是照着耶和华吩咐摩西的。
28 又挂上帐幕的门帘。
29 把燔祭坛安放在会幕的帐幕门口， 把燔祭和素祭献在坛上； 是照着耶和华吩咐摩西的。
30 又把洗濯盆安放在会幕与祭坛之间， 盆里盛水， 作洗濯之用；
31 摩西、亚伦和亚伦的儿子， 可以在这盆里洗手洗脚。
32 每逢他们走进会幕， 或是走近祭坛的时候， 就要先洗濯； 是照着耶和华吩咐摩西的。
33 摩西在帐幕和祭坛的周围， 竖立起院子的幔幕， 又挂上院子的门帘。这样摩西就完成了工程。
34 当时， 有云彩遮盖会幕， 耶和华的荣耀充满了帐幕。
35 摩西不能进入会幕， 因为云彩停在会幕上面， 并且耶和华的荣耀充满着帐幕。
36 在以色列人所有的旅程中是这样的： 每逢云彩从帐幕收上去的时候， 他们就起程；
37 云彩若是不收上去， 他们就不起程， 直到云彩收上去的日子为止。
38 因为以色列人所有的旅程中， 日间有耶和华的云彩在帐幕上， 夜间云中有火， 显在以色列全家的眼前。