God uan gumazamizibar akurvagha ua me ini
1 43:1 Aisaia 42:6; 44:6; 44:21; 45:4 Ia Israelia, ia Jekopɨn anabamɨn adarasi,
Ikiavɨra Itir God ian ingarigha ia gamizɨ,
ia gumazamizir ikɨzir vamɨran otozɨ, a kamaghɨn ia mɨgei:
"Kɨ ian akuragha gɨvagha, ian ziaba ia garɨki,
kɨ ua baghavɨra ia amɨsefe.
Kamaghɨn amizɨ, ia atiatingan markɨ.
2 43:2 Godɨn Araziba 31:6-8; Onger Akaba 91:3; Daniel 3:25-27 Ia dɨpar konibagh irɨ mangɨtɨ,
kɨ ia ko mangam.
Ia faneba abɨgh vongɨn mangɨtɨ,
da ia avan kogham.
Eghtɨ ia avir ekiar puvɨra isimɨn aven mangɨtɨ,
a ian isian kogham.
3 Kɨ Ikiavɨra Itir God, ian God, Israelian Godɨn Bar Zuezim, ian Akurvazir Gumazim.
Ia apanibar dafarimɨn itir dughiamɨn, kɨ Isipia ko, Itiopiaba ko, Sebaba, me isɨ
ian danganim inisɨ apanibar agharim datɨgh ia givezeghtɨ, ia fɨrighɨrɨgham.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)