Aisaia 66

Ikiavɨra Itir God uan apaniba dɨkabɨragh, egh an apengan itir darazi deragh me damuam

1 ✝ 66:1 Matyu 5:34-35; 23:22 ✝ 66:1-2 Aposel 7:49-50 Ikiavɨra Itir God kamaghɨn mɨgei,

"Overiam, a nan atrivir dabirabim,

ezɨ nguazim kɨ uan dagarimning arɨzir danganim.

Eghtɨ ia managh nan Dɨpenimɨn ingaram?

Eghtɨ danganir manamra nan avughsazir danganimɨn mɨn ikiam? Bar puvatɨgham.

2 ✝ 66:2 Onger Akaba 34:18; 51:17; Aisaia 57:15 Kɨ uabɨ, uan dafarimningɨn overiam ko nguazim ko biziba bar dar ingarizɨ,

da otivigha iti.

Nan navim kamaghɨn amir gumazamizibar iti:

Gumazamizir uari abɨrava, uan arazir kuraba bagha osemegha,

nan akam baregha nan atiatia nɨgha, nan apengan itiba,

kɨ men gara bar me gifonge.

Kɨ Ikiavɨra Itir God, kɨ mɨkemegha gɨfa.