मोर्दकै की महानता
1 राजा क्षयर्ष नै उसके पूरे साम्राज्य अर समुन्दर के टापुआं पै कर लगाया। 2 उसकी महानता अर पराक्रम के काम्मां, अर मोर्दकै की उस बड़ाई का पूरा ब्यौरा, जो राजा नै उसकी करी थी, के वो मादै अर फारस के राजयां10:2 1 राजा 14:19, 29; 15:7; 2 इतिहास 25:26; 32:32 के इतिहास की किताब म्ह न्ही लिख्या सै? 3 यहूदी मोर्दकै का स्थान, क्षयर्ष राजा ए कै बाद था, अर यहूदियाँ की नजर म्ह बड़ा था, अर उसके सारे यहूदी भाई उसतै खुश थे, क्यूँके वो अपणे माणसां की भलाई की खोज म्ह रह्या करदा अर अपणे सारे माणसां तै शान्ति की बात कह्या करदा।