एस्तेर 7:3,4,9,10

3 एस्तेर राणी नै जवाब दिया, "हे राजा! जै तू मेरे तै खुश सै, अर राजा नै यो कबूल हो, तो मेरी इच्छा सै मन्‍नै, अर मेरे माँगण तै मेरे माणसां नै जीवन दान मिलै। 4 क्यूँके मै अर मेरी जात के लोग बेच दिये गये सां, अर हम सारे घात अर नाश करे जाण आळे सां। जै हम सिर्फ दास-दास्सी हो जाण खात्तर बेच दिए जान्दे, तो मै चुप रहन्दी; चाहे उस हालत म्ह भी वो बिरोधी राजा का नुकसान भर न्ही सकदा।" 9 फेर राजा कै स्याम्ही हाजिर रहणआळे खोज्यां म्ह तै हर्बोना नाम के एक नै राजा तै कह्या, "हामान कै उरै पचास हाथ ऊँच्‍चा फाँसी का एक खम्बा खड़या सै, जो उसनै मोर्दकै कै खात्तर बणवाया सै, जिसनै राजा कै हित की बात कही थी।" राजा नै हुकम दिया, "हामान नै उस्से पै लटका द्यो।" 10 फेर हामान उसे खम्भे पै जो उसनै मोर्दकै कै खात्तर त्यार कराया था, लटका दिया गया। इसपै राजा का छो ठण्डा होग्या।