João 12

यरुशलेम म्ह विजय-प्रवेश

12 दुसरे दिन घणखरे माणसां नै जो फसह के त्यौहार म्ह आरे थे न्यू सुण्या, के यीशु यरुशलेम नगर म्ह आरया सै। 13 ज्यांतै उननै खजूर की डाळी ली, अर उसतै फेट्टण नै लिकड़े, अर रुक्‍के मारण लाग्गे,

"होशाना! (मतलब जै-जै कार हो) धन्य इस्राएल का राजा, जो प्रभु कै नाम तै आवै सै।"

14 जिब यीशु यरुशलेम नगर कै धोरै आया, तो उसनै एक गधे का बच्‍चा मिल्या, फेर वो उसपै बैठग्या,

15 जिसा पवित्र शास्त्र म्ह लिख्या सै,

"हे सिय्योन की बेट्टी, मतना डरै, लखा, तेरा राजा गधी के बच्‍चे पै चढ़ा होड़ चाल्या आवै सै।"

16 यीशु के चेल्‍लें ये बात पैहल्या कोनी समझे थे, पर जिब यीशु की महिमा दिक्खी फेर उनकै याद आया के ये बात उसकै बाबत लिक्खी होड़ थी, अर माणसां नै उसकै गेल्या न्यूए बरताव करया था।

17 फेर उसकै गैल जो भीड़ थी उननै या गवाही दी, जो उस बखत उसकै गेल्या थे, जिब उसनै लाजर ताहीं कब्र म्ह तै बुलाकै मरया होया म्ह तै जिन्दा करया था।

18 ज्यांतै माणस यीशु तै फेट्टण नै आरे थे क्यूँके उननै सुण्या था के उसनै यो अचम्भे का काम करया था।

19 फेर फरीसियाँ नै आप्पस म्ह कह्या, "सोचकै तो देक्खो, के थारे तै कुछ भी कोनी बणदा। लखाओ, दुनिया उसकै गैल हो ली सै।"