Marcos 3

सूक्खे हाथ आळे माणस ताहीं ठीक करणा

1 यीशु फेर आराम कै दिन आराधनालय म्ह गया; उड़ै एक माणस था जिसका हाथ सूखरया था, 2 अर फरीसी यीशु पै दोष लाण खात्तर उसकी टाह म्ह थे के देक्खै, वो आराम कै दिन उसनै ठीक करै सै के न्ही। 3 उसनै सूखे हाथ आळे माणस तै कह्या, "बीच म्ह खड्या होज्या"

4 अर उनतै कह्या, "के मूसा के नियम-कायदा कै मुताबिक आराम कै दिन भला करणा ठीक सै या बुरा करणा, जान बचाणा या मारणा?" पर वे बोल-बाल्‍ले रहे।

5 फेर उसनै उनकै मन की कठोरता तै काल होकै, उन ताहीं छो तै चोगरदेनै देख्या, अर उस माणस ताहीं कह्या, "अपणा हाथ बढ़ा।" उसनै बढ़ाया, अर उसका हाथ ठीक हो गया।