Marcos 6

22 तो हेरोदियास की बेट्टी भीत्त्तर आई, अर नाचकै हेरोदेस ताहीं अर उसकै गेल्या बैठण आळा ताहीं राज्जी करया। फेर राजा नै छोरी तै कह्या, "तू जो चाहवै मेरै तै माँग ले, मै तन्‍नै वोए दियुँगा।" 23 हेरोदेस नै कसम खाई, "मै अपणा आध्धा राज्य तक जो कुछ तू मेरै तै माँगैगी मै तन्‍नै दियुँगा।"*6:23 (एस्ते. 5:3,6; 7:2)

24 उसनै बाहरणै जाकै अपणी माँ तै बुझया, "मै के माँग्गू?" वा बोल्‍ली, "यूहन्‍ना बपतिस्मा देण आळे का सिर।"

25 वा जिब्बे राजा धोरै भीत्त्तर आई अर उसतै बिनती करी, "मै चाहूँ सूं के तू इब्बे यूहन्‍ना बपतिस्मा देण आळे का सिर एक थाळ म्ह मन्‍नै मँगवा दे।"

26 फेर राजा घणा दुखी होया, पर अपणी कसम कै कारण अर गेल्या बैठण आळा कै कारण उस ताहीं टाळणा कोनी चाह्या। 27 आखर म्ह राजा नै जिब्बे एक सिपाही ताहीं हुकम देकै भेज्या के उसका सिर काट ल्यावै। 28 उसनै जेळखान्‍ने म्ह जाकै उसका सिर काट्या, अर एक थाळ म्ह धरकै ल्याया अर छोरी ताहीं दिया, अर छोरी नै अपणी माँ तै दिया।